ജീ​വി​തം പ​ഠി​ച്ച നാ​ളു​ക​ൾ

ലോ​കം മു​ഴു​വ​ൻ മ​ഹാ​മാ​രി ഇ​പ്പോ​ഴും താ​ണ്ഡ​വ​മാ​ടു​മ്പോ​ൾ വീ​ണ്ടു​മൊ​രു ആ​ത്മ​വി​ശു​ദ്ധി​യു​ടെ റ​മ​ദാ​ൻ കാ​ലം. ക​ഴി​ഞ്ഞ വ​ർ​ഷ​ത്തെ നോ​മ്പു​കാ​ല അ​നു​ഭ​വ​ങ്ങ​ൾ മ​റ്റു​ള്ള​വ​ർ​ക്കെ​ന്ന​പോ​ലെ എ​നി​ക്കും വ്യ​ത്യ​സ്​​ത​മാ​യി​രു​ന്നു. നോ​മ്പു​തു​റ​ക​ളു​ടെ തി​ര​ക്കു​ക​ൾ ഇ​ല്ലാ​തെ, കോ​വി​ഡ് എ​ന്ന മ​ഹാ​മാ​രി​ക്കു പി​ന്നാ​ലെ​യു​ള്ള രാ​ത്രി​യും പ​ക​ലും നി​ർ​ത്താ​തെ​യു​ള്ള ഓ​ട്ട​മാ​യി​രു​ന്നു അ​ത്.

മ​ഹാ​മാ​രി​യു​ടെ മു​ന്നി​ൽ എ​ന്തു ചെ​യ്യ​ണ​മെ​ന്ന​റി​യാ​തെ പ​ക​ച്ചു​നി​ൽ​ക്കു​ന്ന​വ​ർ​ക്ക് ഒ​രു​കൈ സ​ഹാ​യം ന​ൽ​കാ​ൻ ഇ​റ​ങ്ങി​പ്പു​റ​പ്പെ​ടു​േ​മ്പാ​ൾ ഇ​ന്ന​ല്ലെ​ങ്കി​ൽ നാ​ളെ ഇ​തി​നൊ​രു അ​വ​സാ​നം കാ​ണു​മെ​ന്നു ത​ന്നെ​യാ​യി​രു​ന്നു പ്ര​തീ​ക്ഷ. എ​ന്നാ​ൽ, എ​ല്ലാ പ്ര​തീ​ക്ഷ​ക​ളെ​യും അ​സ്ഥാ​ന​ത്താ​ക്കി സ​ഹാ​യാ​ഭ്യ​ർ​ഥ​ന​ക​ളു​ടെ നീ​ണ്ട നി​ര​ത​ന്നെ ഓ​രോ ദി​വ​സ​വും വ​ന്നു​കൊ​ണ്ടി​രു​ന്നു. ക​ഴി​യാ​വു​ന്ന ത​ര​ത്തി​ലു​ള്ള എ​ല്ലാ മു​ൻ​ക​രു​ത​ലു​ക​ളും എ​ടു​ത്താ​യി​രു​ന്നു കോ​വി​ഡി​നു പി​ന്നാ​ലെ​യു​ള്ള ഓ​ട്ടം.

ദി​വ​സ​വും മൂ​ന്നും നാ​ലും ത​വ​ണ ഓ​ടി​ത്ത​ള​ർ​ന്ന് ഉ​റ​ങ്ങാ​ൻ കി​ട​ക്കു​മ്പോ​ഴാ​യി​രി​ക്കും അ​ടു​ത്ത ആ​ളു​ടെ ഫോ​ൺ​വി​ളി വ​രു​ന്ന​ത്. നോ​മ്പു​കാ​ല​ത്തെ ഒ​രു വെ​ള്ളി​യാ​ഴ്​​ച​യാ​ണ്​ കി​ര​ൺ (യ​ഥാ​ർ​ഥ പേ​ര​ല്ല) എ​ന്ന​യാ​ളു​ടെ ഫോ​ൺ കാ​ൾ എ​ത്തി​യ​ത്. ര​ണ്ടു​ദി​വ​സം മു​മ്പ് ന​ട​ത്തി​യ കോ​വി​ഡ് പ​രി​ശോ​ധ​ന​യി​ൽ അ​വ​ൻ പോ​സി​റ്റി​വാ​യി​രു​ന്നു എ​ന്ന് അ​റി​യാ​മാ​യി​രു​ന്നു. അ​ൽ​പ​നേ​ര​ത്തെ സം​സാ​ര​ത്തി​നു ശേ​ഷ​മാ​ണ്​ എ​ന്തോ ഒ​രു പ​ന്തി​കേ​ട് ബോ​ധ്യ​പ്പെ​ട്ട​ത്. പ​ര​സ്​​പ​ര​ബ​ന്ധ​മി​ല്ലാ​ത്ത സം​സാ​രം ആ​യി​രു​ന്നു മ​റു​വ​ശ​ത്തു​നി​ന്ന് കേ​ട്ട​ത്. ഫോ​ൺ ക​ട്ട് ചെ​യ്​​ത്​ എ​ന്ത് ചെ​യ്യ​ണം എ​ന്ന് പ​ക​ച്ചു​നി​ൽ​ക്കു​മ്പോ​ഴാ​ണ് വീ​ണ്ടും കി​ര​ണി​െൻറ വി​ളി വ​രു​ന്ന​ത്. 'അ​വ​ർ ബി​ൽ​ഡി​ങ്ങി​ൽ​നി​ന്ന്​ ചാ​ടി; പ​ക്ഷേ, മ​രി​ച്ചി​ട്ടി​ല്ല. നീ ​പേ​ടി​ക്ക​ണ്ട കേ​ട്ടോ.' അ​വ​ൻ പ​റ​ഞ്ഞ​തു​ കേ​ട്ട് ഞാ​ൻ ഒ​ന്ന് അ​ന്ധാ​ളി​ച്ചു നി​ന്നു​പോ​യി. പ​രി​ശോ​ധ​ന​യി​ൽ പോ​സി​റ്റി​വ് എ​ന്ന​റി​ഞ്ഞ​പ്പോ​ൾ അ​വ​ന്​ ആ​വ​ശ്യ​മു​ള്ള സാ​ധ​ന​ങ്ങ​ൾ വാ​ങ്ങി​ക്കൊ​ടു​ക്കാ​ൻ ര​ണ്ടു​ദി​വ​സം മു​മ്പ് വീ​ട്ടി​ൽ പോ​യി​രു​ന്നു. ഭാ​ര്യ വ​ള​രെ വി​ഷ​മ​ത്തി​ലാ​ണ്; ഭ​യ​ങ്ക​ര ടെ​ൻ​ഷ​നി​ലാ​ണ് എ​ന്ന് മ​റ്റും അ​വ​ൻ പ​റ​ഞ്ഞി​രു​ന്നു. അ​വ​െൻറ സം​സാ​രം കേ​ട്ട​പ്പോ​ൾ പെ​ട്ടെ​ന്ന്​ ആ ​ഓ​ർ​മ​യാ​ണ് മ​ന​സ്സി​ൽ വ​ന്ന​ത്.

മ​നാ​മ​യി​ൽ​നി​ന്ന്​ റി​ഫ വ​രെ മ​റ്റൊ​രു സു​ഹൃ​ത്തി​നെ​യും കൂ​ട്ടി കാ​റോ​ടി​ച്ച് എ​ത്തി​യ​ത് എ​ങ്ങ​നെ​യെ​ന്ന് ഇ​പ്പോ​ഴും അ​റി​യി​ല്ല. ഒ​രു നൂ​റാ​യി​രം ചി​ന്ത​ക​ളാ​യി​രു​ന്നു യാ​ത്ര​യി​ൽ. എ​ന്ത് കാ​ഴ്​​ച​യാ​യി​രി​ക്കും അ​വി​ടെ ചെ​ല്ലു​മ്പോ​ൾ കാ​ണേ​ണ്ടി​വ​രു​ക എ​ന്ന ടെ​ൻ​ഷ​നും. ഒ​രു​ത​ര​ത്തി​ൽ അ​വി​ടെ എ​ത്തി​യ​പ്പോ​ൾ ക​ണ്ട കാ​ഴ്​​ച ആ​ത്മ​ഹ​ത്യ ചെ​യ്യാ​ൻ ത​യാ​റാ​യി നി​ൽ​ക്കു​ന്ന അ​മ്മ​യെ​യും ൈക​യി​ൽ ഒ​മ്പ​തു​മാ​സം മാ​ത്രം പ്രാ​യ​മാ​യ കു​ഞ്ഞി​നെ​യു​മാ​ണ്. കി​ര​ണി​നെ അ​വി​ടെ കാ​ണു​ന്നു​ണ്ടാ​യി​രു​ന്നി​ല്ല. ഒ​രു​വി​ധ​ത്തി​ൽ അ​വ​രെ കാ​ര്യ​ങ്ങ​ൾ പ​റ​ഞ്ഞു സ​മാ​ധാ​നി​പ്പി​ച്ച്​ കി​ര​ൺ എ​വി​ടെ​പ്പോ​യെ​ന്ന് അ​ന്വേ​ഷി​ക്കാ​നാ​യി പു​റ​ത്തി​റ​ങ്ങി. അ​വ​രു​ടെ ഭ​ർ​ത്താ​വി​നെ എ​വി​ടെ​യാ​ണെ​ങ്കി​ലും അ​ന്വേ​ഷി​ച്ചു ക​ണ്ടെ​ത്തി​ത്ത​രാം എ​ന്ന് വാ​ക്കു​കൊ​ടു​ത്ത്​ അ​വി​ടെ​നി​ന്നി​റ​ങ്ങി.

മ​ണി​ക്കൂ​റു​ക​ൾ ക​ഴി​ഞ്ഞി​ട്ടും ആ​ളെ ക​ണ്ടെ​ത്താ​നാ​യി​ല്ല. ര​ണ്ടും ക​ൽ​പി​ച്ച് പൊ​ലീ​സി​ൽ പ​രാ​തി​പ്പെ​ടാം എ​ന്ന് ഉ​റ​പ്പി​ച്ചു നി​ൽ​ക്കു​മ്പോ​ഴാ​ണ് സി​ത്ര കോ​വി​ഡ് ക്വാ​റ​ൻ​റീ​ൻ ക്യാ​മ്പി​ൽ​നി​ന്ന്​ അ​ന്വേ​ഷി​ക്കു​ന്ന ആ​ൾ അ​വി​ടെ എ​ത്തി​യി​ട്ടു​ണ്ട് എ​ന്ന വി​വ​രം ല​ഭി​ച്ച​ത്. മാ​ന​സി​ക സം​ഘ​ർ​ഷം മൂ​ലം സ​മ​നി​ല തെ​റ്റി​യ അ​വ​നെ സെ​ക്യൂ​രി​റ്റി​ക്കാ​ർ മ​ദ്യ​പി​ച്ച് ല​ക്കു​കെ​​ട്ട​യാ​ളെ​ന്ന്​ തെ​റ്റി​ദ്ധ​രി​ക്കു​ക​യാ​യി​രു​ന്നു. കാ​ര്യം പ​റ​ഞ്ഞ് മ​ന​സ്സി​ലാ​ക്കി അ​വ​നെ അ​ന്ന് രാ​ത്രി​ത​ന്നെ സ​ൽ​മാ​നി​യ ഹോ​സ്​​പി​റ്റ​ലി​ലേ​ക്ക് മാ​റ്റി. കോ​വി​ഡ് ചി​കി​ത്സ​ക്കൊ​പ്പം മ​നോ​രോ​ഗ​ത്തി​നു​ള്ള ചി​കി​ത്സ​യും ന​ൽ​കി ജീ​വി​ത​ത്തി​ലേ​ക്ക് തി​രി​ച്ചു​കൊ​ണ്ടു​വ​രാ​ൻ ക​ഴി​ഞ്ഞു.

ഭ​ർ​ത്താ​വ്​ തി​രി​ച്ചെ​ത്തി​യി​ട്ടും ആ​ദ്യ ദി​വ​സ​ങ്ങ​ളി​ൽ ഭ​ക്ഷ​ണം ക​ഴി​ക്കാ​തെ​യും വെ​ള്ളം കു​ടി​ക്കാ​തെ​യു​മി​രു​ന്ന ആ ​പെ​ൺ​കു​ട്ടി​യെ ജീ​വി​ത​ത്തി​ലേ​ക്ക് തി​രി​കെ കൊ​ണ്ടു​വ​ന്ന​ത്​ തി​രി​ഞ്ഞു​നോ​ക്കു​മ്പോ​ൾ അ​വി​ശ്വ​സ​നീ​യ​മാ​യി തോ​ന്നു​ന്നു. ആ​ത്മ​ഹ​ത്യ​യു​ടെ വ​ക്കി​ൽ​നി​ന്ന്​ അ​വ​രെ സ​ന്തോ​ഷ​ക​ര​മാ​യ ജീ​വി​ത​ത്തി​ലേ​ക്ക് തി​രി​ച്ചെ​ത്തി​ക്കാ​ൻ ക​ഴി​ഞ്ഞു​വെ​ന്ന​ത് വ​ള​രെ വ​ലി​യ ചാ​രി​താ​ർ​ഥ്യം ന​ൽ​കു​ന്നു.