റമദാൻ എ​െൻറ പ്രാർഥന

ലോകത്തെ പിടിച്ചുലക്കുന്ന മഹാമാരിയുടെ ദിവസങ്ങളിൽ വീണ്ടും പരമസത്യമായ ദൈവത്തി​​െൻറ സാമീപ്യം യാചിക്കുന്ന ദിവസ ങ്ങൾ. റമദാൻ ദിവസങ്ങളുടെ നന്മയും പ്രത്യാശയും എല്ലാ മനുഷ്യ ഹൃദയങ്ങളെയും ആശ്വസിപ്പിക്കട്ടെ. റമദാൻ നാളുകളുടെ പുണ ്യം എ​​െൻറ ജീവിതത്തിൽ ഉൾക്കൊണ്ടിട്ട് അഞ്ചുവർഷം ആകുന്നു. എന്നെപ്പോലെ നോമ്പെടുക്കുന്ന വേറെയും ഏറെ പേരുണ്ട്. ലോകത്തിലെ വിശപ്പി​​െൻറ വേദന അനുഭവിക്കുന്ന കോടാനുകോടി സഹോദരങ്ങളെ അറിയാൻ പരിശുദ്ധ നോമ്പ് അവസരം ഒരുക്കുന്നു. വിശപ്പ് എന്ന വികാരമാണ് ലോകത്തിലെ ഏറ്റവും ദയനീയം എന്ന ഉദ്​ബോധനം എന്നിലെ മാനുഷികതയെ ഉണർത്തുന്നതാണ്​. വിശന്നുവലയുന്ന കുഞ്ഞുങ്ങളുടെ മുന്നിൽ കല്ലിട്ടു വെള്ളം തിളപ്പിക്കുന്നവർ, തളർന്ന്​ ഉറങ്ങിപ്പോകുന്ന കുഞ്ഞുവയറുകൾ, കല്ലുകൾ വയറിൽ വരിഞ്ഞുകെട്ടി വിശപ്പി​​െൻറ ആധിക്യം കുറക്കാൻ ശ്രമിക്കുന്ന എരിത്രീയൻ സ്ത്രീകൾ... ഇവരൊക്കെ ഇൗ നാളുകളിൽ മനസ്സിലേക്കെത്തുന്നു.

റമദാൻ എ​​െൻറ പ്രാർഥനയാണ്, എ​​െൻറ അപേക്ഷയാണ്, വെറും ഒരു സാധാരണ മനുഷ്യ ജന്മത്തി​​െൻറ നിലവിളിയാണ്. ലോകത്തി​​െൻറ നന്മക്കുവേണ്ടി, മഹാകാരുണ്യവാനായ ദൈവത്തി​​െൻറ സന്നിധിയിലേക്ക് കടന്നുവരാനുള്ള എളിയ ശ്രമം.സര്‍വശക്തനായ അല്ലാഹുവില്‍ വിശ്വാസമർപ്പിച്ച് സഹജീവികളോടു സ്നേഹവും ആത്മാര്‍ഥതയും പുലര്‍ത്തുന്നവരായി മാറാന്‍ റമദാൻ വ്രതാനുഷ്ഠാനം മനുഷ്യനെ പ്രാപ്​തനാക്കുന്നു. മറ്റുള്ള ആരാധനകള്‍ പ്രത്യക്ഷത്തില്‍ കാണാന്‍ സാധിക്കുമ്പോള്‍ നോമ്പ് വിശ്വാസിയും ദൈവവും തമ്മിലുള്ള നേരിട്ടുള്ള അർപ്പണമാണ്. ഭക്ഷണം ഉണ്ടായിട്ടും അത് ഉപേക്ഷിക്കുന്ന മനുഷ്യന്‍ വിശപ്പി​​െൻറ ഉള്‍വിളി ദൈവത്തിനായി സമര്‍പ്പിക്കുന്നു. റമദാനില്‍ വിശപ്പി​​െൻറ രുചി അറിയുന്ന വിശ്വാസി സമൂഹത്തില്‍ ദാരിദ്ര്യംകൊണ്ട് പട്ടിണി കിടക്കുന്നവരെയും അല്‍പഭക്ഷണം കഴിക്കുന്നവരെയും ഓര്‍ക്കണം എന്ന സന്ദേശം കൂടിയുണ്ട്.ഈ നോമ്പിനു പിന്നിലെ എ​​െൻറ എളിയ ശ്രമം എല്ലാ മതങ്ങളും എല്ലാ വിശ്വാസങ്ങളും ഒരേ സ്രഷ്​ടാവിനെ സ്​തുതിക്കുന്നു എന്ന തിരിച്ചറിവ്​ നേടുക എന്നതാണ്​. എല്ലാവരും ഒരേ ദൈവത്തി​​െൻറ കുഞ്ഞുങ്ങൾ എന്ന സന്തോഷം പങ്കിടലാണ്.