13 വ​ർ​ഷ​ത്തി​നു​ശേ​ഷം രാ​മു നാ​ട​ണ​ഞ്ഞു

മ​നാ​മ: 13 വ​ർ​ഷ​മാ​യി നാ​ട്ടി​ൽ പോ​കാ​തെ ബ​ഹ്റൈ​നി​ൽ ക​ഴി​ഞ്ഞി​രു​ന്ന ല​ഖ്നോ സ്വ​ദേ​ശി​യാ​യ രാ​മു അ​വ​സാ​നം നാ​ട​ണ​ഞ്ഞു. വി​സ കാ​ലാ​വ​ധി ക​ഴി​ഞ്ഞും ബ​ഹ്‌​റൈ​നി​ൽ തു​ട​ർ​ന്ന അ​ദ്ദേ​ഹ​ത്തി​ന് യാ​ത്ര​ക്കാ​വ​ശ്യ​മാ​യ പാ​സ്​​പോ​ർ​ട്ടോ മ​റ്റ് രേ​ഖ​ക​ളോ കൈ​വ​ശം ഉ​ണ്ടാ​യി​രു​ന്നി​ല്ല എ​ന്ന​താ​ണ് നാ​ട്ടി​ൽ പോ​കാ​ൻ ക​ഴി​യാ​തി​രു​ന്ന​തി​ലെ പ്ര​ധാ​ന കാ​ര​ണം.

പ​ക്ഷാ​ഘാ​ത​ത്തെ​ത്തു​ട​ർ​ന്ന് ര​ണ്ടു മാ​സ​ത്തി​ല​ധി​ക​മാ​യി സ​ൽ​മാ​നി​യ ഹോ​സ്പി​റ്റ​ലി​ൽ അ​ഡ്മി​റ്റാ​യി​രു​ന്ന രാ​മു​വി​നെ ഹോ​പ്പി​ന്‍റെ ഹോ​സ്പി​റ്റ​ൽ വി​സി​റ്റ് ടീം ​അം​ഗ​ങ്ങ​ളു​ടെ ശ്ര​ദ്ധ​യി​ൽ​പെ​ടു​ക​യാ​യി​രു​ന്നു. ശേ​ഷ​മാ​ണ് നാ​ട്ടി​ൽ പോ​കാ​നു​ള്ള കാ​ര്യ​ങ്ങ​ൾ​ക്ക് പ്ര​തീ​ക്ഷ​യാ​കു​ന്ന​ത്. വി​ഷ​യം ഐ.​സി.​ആ​ർ.​എ​ഫി​ന്‍റെ​യും ഇ​ന്ത്യ​ൻ എം​ബ​സി​യു​ടെ​യും ശ്ര​ദ്ധ​യി​ൽ​പ്പെ​ടു​ത്തു​ക​യും സാ​മൂ​ഹി​ക പ്ര​വ​ർ​ത്ത​ക​രു​ടെ കൂ​ട്ടാ​യ ശ്ര​മ​ഫ​ല​മാ​യി യാ​ത്ര​ക്കു​ള്ള രേ​ഖ​ക​ൾ ത​യാ​റാ​ക്കു​ക​യു​മാ​യി​രു​ന്നു.

ഐ.​സി.​ആ​ർ.​എ​ഫ് അം​ഗ​ങ്ങ​ളാ​യ കെ.​ടി. സ​ലീം, സു​ബൈ​ർ ക​ണ്ണൂ​ർ, പ്ര​വാ​സി ലീ​ഗ​ൽ സെ​ൽ പ്ര​സി​ഡ​ന്‍റ് സു​ധീ​ർ തി​രു​നി​ല​ത്ത്, ഹോ​പ് അം​ഗ​ങ്ങ​ളാ​യ സാ​ബു ചി​റ​മേ​ൽ, ഫൈ​സ​ൽ പ​ട്ടാ​ണ്ടി, അ​ഷ്‌​ക​ർ പൂ​ഴി​ത്ത​ല തു​ട​ങ്ങി​യ​വ​ർ പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി.

ഇ​ന്ത്യ​ൻ എം​ബ​സി യാ​ത്ര​ക്കാ​വ​ശ്യ​മാ​യ ഔ​ട്ട് പാ​സും ടി​ക്ക​റ്റും ന​ൽ​കി. വി​സ​യി​ല്ലാ​തെ ബ​ഹ്‌​റൈ​നി​ൽ ക​ഴി​ഞ്ഞ​തി​ന്‍റെ എ​മി​ഗ്രേ​ഷ​ൻ ഫൈ​ൻ ഐ.​സി.​ആ​ർ.​എ​ഫ് അ​ട​ച്ചു. ഹോ​പ് ബ​ഹ്‌​റൈ​ൻ ഗ​ൾ​ഫ് കി​റ്റും ചി​കി​ത്സ സ​ഹാ​യ​മാ​യി 20,000/- രൂ​പ​യും ന​ൽ​കി അ​ദ്ദേ​ഹ​ത്തെ യാ​ത്ര​യാ​ക്കി.