കൊല്ലം പ്രവാസി അസോസിയേഷന് ആദരം

മനാമ: രക്തദാന സേവനരംഗത്ത് മികച്ച പ്രവര്‍ത്തനത്തിന് കൊല്ലം പ്രവാസി അസോസിയേഷനെ കിങ്​ ഹമദ് യൂനിവേഴ്സിറ്റി ആദരിച്ചു. ലോക രക്തദാന ദിനത്തോടനുബന്ധിച്ചായിരുന്നു ചടങ്ങ്. കൊല്ലം പ്രവാസി അസോസിയേഷന്‍ പ്രസിഡന്‍റ് നിസാര്‍ കൊല്ലം, ജനറല്‍സെക്രട്ടറി ജഗത് കൃഷ്ണകുമാര്‍ എന്നിവര്‍ ആദരം ഏറ്റുവാങ്ങി. കഴിഞ്ഞകാലങ്ങളിൽ ബഹ്‌റൈന്‍ ഡിഫന്‍സ് ഫോഴ്സ് ആശുപത്രിയില്‍നിന്ന് കൊല്ലം പ്രവാസി അസോസിയേഷന്​ ആദരം​ ലഭിച്ചിരുന്നു. സ്നേഹസ്പര്‍ശം എന്ന പേരില്‍ അസോസിയേഷന്‍ നടത്തുന്ന രക്തദാന ക്യാമ്പുകളില്‍ നിരവധി പ്രവാസികള്‍ പങ്കാളികളാകാറുണ്ട്. ജൂലൈ എട്ടിന്​ ഈദ് ദിനാഘോഷത്തോടനുബന്ധിച്ച് ഹമദ് ടൗണ്‍ ഏരിയ കമ്മിറ്റിയുടെ നേതൃത്വത്തില്‍ കിങ്​ ഹമദ് ആശുപത്രിയില്‍ രക്തദാന ക്യാമ്പ് സംഘടിപ്പിക്കുമെന്ന് പ്രസിഡന്റ് നിസാർ കൊല്ലവും ജനറ ല്‍സെക്രട്ടറി ജഗത് കൃഷ്ണകുമാറും പറഞ്ഞു. വിവരങ്ങൾക്ക് 34029179) ബന്ധപ്പെടാവുന്നതാണ്​.