സു​ര​ക്ഷി​ത​ത്വ​മി​ല്ലാ​ത്ത സ്ത്രീ ​സു​ര​ക്ഷ

സ്ത്രീ​ക​ളു​ടെ ഉ​ന്ന​മ​ന​വും സം​ര​ക്ഷ​ണ​വും എ​ന്നും പ്ര​ധാ​ന ച​ർ​ച്ച വി​ഷ​യ​ങ്ങ​ൾ ത​ന്നെ​യാ​ണ്. ച​ർ​ച്ച​ക​ൾ​ക്ക​പ്പു​റ​ത്തേ​ക്ക് കാ​ര്യ​ങ്ങ​ൾ ക​ട​ക്കു​ന്നി​ല്ല എ​ന്ന യാ​ഥാ​ർ​ഥ്യം മ​ല​യാ​ളി ഇ​നി​യും മ​ന​സ്സി​ലാ​ക്കേ​ണ്ടി​യി​രി​ക്കു​ന്നു. ആ​വ​ർ​ത്തി​ച്ച്​ കേ​ൾ​ക്കു​ന്ന അ​തി​ക്ര​മ​ങ്ങ​ളി​ൽ മ​ന​സ്സ്​​ മ​ര​വി​ച്ച ന​മു​ക്കി​ട​യി​ലേ​ക്ക് ഈ ​കോ​വി​ഡ് കാ​ല​ത്തും അ​ത്ത​രം ന​ടു​ക്കു​ന്ന വാ​ർ​ത്ത​യെ​ത്തി.

നി​ർ​ഭ​യ പോ​ലു​ള്ള നി​ര​വ​ധി കേ​സു​ക​ൾ​ക്ക് പി​ന്തു​ണ പ്ര​ഖ്യാ​പി​ച്ച സ്ത്രീ ​ശാ​ക്തീ​ക​ര​ണ സം​ഘ​ട​ന​ക​ളും വ​ക്താ​ക്ക​ളും ആ​റ​ന്മു​ള​യി​ലെ സ​ഹോ​ദ​രി​യെ മ​റ​ന്നു​പോ​യോ? സാ​ക്ഷ​ര​ത​യി​ലും ഇ​പ്പോ​ൾ കോ​വി​ഡ് പ്ര​തി​രോ​ധ പ്ര​വ​ർ​ത്ത​ന​ങ്ങ​ളി​ലും ലോ​ക​ത്തി​ന്​ മാ​തൃ​ക​യാ​യ ന​മ്മു​ടെ കേ​ര​ള​ത്തി​ൽ ഇ​ത്ത​രം പൈ​ശാ​ചി​ക കൃ​ത്യം ന​ട​ന്നു​കൂ​ടാ​യി​രു​ന്നു.

ആ​ർ​ക്കാ​ണ് ഇ​തി​െൻറ ഉ​ത്ത​ര​വാ​ദി​ത്തം? ആ​രോ​ഗ്യ വ​കു​പ്പി​െൻറ അ​നാ​സ്ഥ​യെ​ന്ന് ഒ​രു വി​ഭാ​ഗം, പെ​ൺ​കു​ട്ടി​യു​ടെ സു​ര​ക്ഷ അ​വ​ളു​ടെ​യും വീ​ട്ടു​കാ​രു​ടെ​യും കൈ​യി​ലാ​ണെ​ന്ന്​ വേ​റൊ​രു വി​ഭാ​ഗം.

ഇ​ത്ത​ര​ത്തി​ൽ ഒ​രു കു​റ്റ​കൃ​ത്യം ന​ട​ന്നു ക​ഴി​യു​മ്പോ​ൾ പ​ര​സ്​​പ​രം പ​ഴി​ചാ​രി എ​ങ്ങു​മെ​ത്താ​തെ ഈ ​കേ​സും മാ​ഞ്ഞു​പോ​കും. ക​സ്​​റ്റ​ഡി​യി​ലെ​ടു​ത്ത പ്ര​തി കു​റ​ച്ചു​കാ​ല​ത്തി​നു ശേ​ഷം ജാ​മ്യ​ത്തി​ൽ ഇ​റ​ങ്ങു​ക​യോ അ​ല്ലെ​ങ്കി​ൽ ജീ​വ​പ​ര്യ​ന്തം ത​ട​വു​ശി​ക്ഷ ക​ഴി​ഞ്ഞു പു​റ​ത്തി​റ​ങ്ങു​ക​യോ ചെ​യ്യും.

ഇ​തു​ത​ന്നെ​യാ​ണ് ക​ഴി​ഞ്ഞ കു​റെ വ​ർ​ഷ​മാ​യി ന​മ്മ​ൾ കാ​ണു​ന്ന​തും ഇ​നി കാ​ണാ​നി​രി​ക്കു​ന്ന​തും. ത​ങ്ങ​ളു​ടേ​ത​ല്ലാ​ത്ത കു​റ്റം​കൊ​ണ്ട്​ ശ​രീ​ര​വും മ​ന​സ്സും ഹോ​മി​ക്ക​പ്പെ​ട്ട എ​ത്ര സ​ഹോ​ദ​രി​മാ​ർ ന​മു​ക്ക് ചു​റ്റു​മു​ണ്ട്. തു​ട​ർ​ന്നു​ള്ള ജീ​വി​തം ചോ​ദ്യ​ചി​ഹ്ന​മാ​യി അ​വ​ശേ​ഷി​ച്ചു​കൊ​ണ്ട്​ മ​ന​സ്സും ശ​രീ​ര​വും ഒ​രു​പോ​ലെ ത​ള​ർ​ന്ന ആ ​സ​ഹോ​ദ​രി ഒ​രു ഉ​ദാ​ഹ​ര​ണം മാ​ത്രം.

ക്രി​മി​ന​ൽ പ​ശ്ചാ​ത്ത​ല​മു​ള്ള ഒ​രു വ്യ​ക്തി എ​ങ്ങ​നെ ആ​രോ​ഗ്യ വ​കു​പ്പി​ന് കീ​ഴി​ലു​ള്ള ഡ്രൈ​വ​ർ ജോ​ലി​യി​ൽ പ്ര​വേ​ശി​ച്ചു? നി​യ​മ​വും വ​കു​പ്പു​മെ​ല്ലാം ക​ട​ലാ​സി​ൽ ഒ​തു​ങ്ങു​മ്പോ​ൾ സാ​ധാ​ര​ണ​ക്കാ​രു​ടെ ജീ​വി​ത​മാ​ണ് വ​ഴി​മു​ട്ടു​ന്ന​ത്. പ​ണ​വും സ്വാ​ധീ​ന​വും ഉ​പ​യോ​ഗി​ച്ച് എ​ന്തു​മാ​കാ​മെ​ന്ന വി​ശ്വാ​സം പ​ല​രി​ലും ഉ​ട​ലെ​ടു​ത്തി​ട്ടു​ണ്ട്. അ​തു​ത​ന്നെ​യാ​ണ് ഇ​ത്ത​രം പ്ര​വൃ​ത്തി​ക​ൾ​ക്ക് അ​വ​രെ പ്രേ​രി​പ്പി​ക്കു​ന്ന​തും.

നി​യ​മം ക​ർ​ശ​ന​മാ​യി പാ​ലി​ക്കു​ന്ന ഏ​തൊ​രു രാ​ജ്യ​ത്തും സ്ത്രീ​ക​ൾ​ക്ക് പൂ​ർ​ണ പ​രി​ര​ക്ഷ​യും സ്വാ​ത​ന്ത്ര്യ​വും ഉ​ണ്ടാ​യി​രി​ക്കും.പ​ഴു​ത​ട​ച്ച നി​യ​മ നി​ർ​വ​ഹ​ണ​ത്തി​ലൂ​ടെ കു​റ്റ​വാ​ളി​ക​ൾ​ക്ക് ത​ക്ക​താ​യ ശി​ക്ഷ ന​ട​പ്പാ​ക്കി​യാ​ൽ ഇ​ത്ത​രം ഹീ​ന പ്ര​വൃ​ത്തി​ക​ൾ ആ​വ​ർ​ത്തി​ക്ക​പ്പെ​ടു​ക​യി​ല്ല.

ധ​ന്യ മേ​നോ​ൻ