മുഴുവൻ മനുഷ്യർക്കും വേണ്ടിയുള്ളതാണ് ഖുർആൻ -സജീർ കുറ്റ്യാടി
text_fieldsമനാമ: ലോകത്തുള്ള മുഴുവൻ മനുഷ്യർക്കും വേണ്ടി അവതരിപ്പിക്കപ്പെട്ട വേദപുസ്തകമാണ് ഖുർആനെന്ന് പ്രഭാഷകനും പണ്ഡിതനുമായ സജീർ കുറ്റ്യാടി. ഫ്രൻഡ്സ് സ്റ്റഡി സർക്കിൾ റിഫ ഏരിയ ദാറുൽ ഈമാൻ കേരള മദ്റസയുമായി സഹകരിച്ച് നടത്തിയ ‘ഖുർആൻ ടോക്ക്’ പരിപാടിയിൽ മുഖ്യപ്രഭാഷണം നടത്തുകയായിരുന്നു അദ്ദേഹം. ലോകജനതക്കുള്ള മാർഗദർശനമാണ് വിശുദ്ധ ഖുർആൻ. ഏറ്റവും ശരിയായ മാർഗത്തിലൂടെ ലോകത്തെ നയിക്കുക എന്ന ദൗത്യമാണ് വിശുദ്ധ ഖുർആൻ നിർവഹിക്കുന്നത്. ഇരുട്ടിൽനിന്ന് വെളിച്ചത്തിലേക്ക് മാനവിക സമൂഹത്തെ നയിക്കുക എന്നതാണ് അതിന്റെ ധർമം.
ഖുർആൻ അനന്തമായ അറിവുകളെ മനുഷ്യർക്ക് നൽകുന്നുണ്ട്. അറിവുകൾ പ്രസരിപ്പിക്കുന്നതിലൂടെ മനുഷ്യനെ തന്റെ അസ്ഥിത്വത്തെക്കുറിച്ചും ജീവിതലക്ഷ്യത്തെക്കുറിച്ചുമുള്ള തിരിച്ചറിവ് ലഭ്യമാക്കുന്നതിന് വേണ്ടി മുൻഗണന നൽകുന്നു എന്നും അദ്ദേഹം പറഞ്ഞു. ഏരിയ പ്രസിഡന്റ് അബ്ബാസ് മലയിൽ അധ്യക്ഷത വഹിച്ച പരിപാടിയിൽ സക്കീർ ഹുസൈൻ നന്ദി പറഞ്ഞു. അഹ്മദ് ത്വാഹ ഖുർആനിൽനിന്ന് അവതരിപ്പിച്ചു. അഷറഫ് അലി, പി.എം. അഷറഫ്, മഹമൂദ് മായൻ, ബുഷ്റ റഹീം, സോന സകരിയ, ലുലു അബ്ദുൽ ഹഖ് തുടങ്ങിയവർ പരിപാടിക്ക് നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.