സമാജം സാഹിത്യവിഭാഗം പ്രവർത്തനത്തിന് തുടക്കം
text_fieldsമനാമ: ബഹ്റൈൻ കേരളീയ സമാജം സാഹിത്യ വിഭാഗത്തിന്റെ 2024 - 26 കാലയളവിലെ പ്രവർത്തനങ്ങളുടെ ഉദ്ഘാടനം പി.പി. സുനീർ എം.പി നിർവഹിച്ചു. സമാജം ആക്ടിങ് പ്രസിഡന്റ് ദിലീഷ് കുമാറിന്റെ അധ്യക്ഷതയിൽ ചേർന്ന യോഗത്തിൽ, സമാജം ജനറൽ സെക്രട്ടറി വർഗീസ് കാരക്കൽ സ്വാഗതം ആശംസിച്ചു.
പ്രശസ്ത സാഹിത്യ നിരൂപകനും അധ്യാപകനുമായ ഡോ. എം.എം. ബഷീർ, കഥാകാരി സുഹറ ബി.എം എന്നിവർ വിശിഷ്ട അതിഥികളായി പങ്കെടുത്തു. മലയാളം പാഠശാല, സാഹിത്യ വേദി, പ്രസംഗവേദി, ജാലകം വാർത്ത മാസിക, ക്വിസ് ക്ലബ്, മീഡിയ സെൽ ഉപഘടകങ്ങൾ അടങ്ങിയതാണ് സമാജത്തിന്റെ ഭാഷ- സാഹിത്യ - വൈഞ്ജാനിക പ്രവർത്തനങ്ങൾക്ക് നേതൃത്വം നൽകുന്ന സാഹിത്യവിഭാഗം.
പുതിയകാലത്ത് വായനയെ തൊട്ടറിയുന്നതിനായി ജാലകം വാർത്ത മാസികയുടെ ഇ-പതിപ്പ്, കുട്ടികൾക്കും വനിതകൾക്കും പ്രത്യേകം പ്രാതിനിധ്യം നൽകിക്കൊണ്ടുള്ള പ്രസംഗം കളരികൾ, കുട്ടികൾക്കും മുതിർന്നവർക്കുമായി വ്യക്തിത്വ വികസന വേദികൾ, സ്ഥിരം ആനുകാലിക സാഹിത്യ ചർച്ച വേദികൾ, വൈജ്ഞാനിക മേഖലയെ സമ്പന്നമാക്കാൻ വിവിധ പഠന ക്ലാസുകൾ, പ്രശ്നോത്തരി തുടങ്ങിയ പുതിയ കാലവുമായി ഇണങ്ങുന്ന നിരവധി കർമ പദ്ധതികൾക്കാണ് സാഹിത്യ വിഭാഗം ഈ പ്രവർത്തന വർഷത്തിൽ പദ്ധതി ഇട്ടിട്ടുള്ളതെന്ന് സാഹിത്യ വിഭാഗം സെക്രട്ടറി വിനയചന്ദ്രൻ നായർ അറിയിച്ചു.
ഭരണസമിതി അംഗങ്ങളും വിവിധ സബ് കമ്മിറ്റി അംഗങ്ങളുമടക്കം നിരവധിപേർ സന്നിഹിതരായിരുന്നു. ചടങ്ങിൽ സാഹിത്യ വേദി കൺവീനർ സന്ധ്യ ജയരാജ് നന്ദി പറഞ്ഞു. ഉദ്ഘാടനത്തിന് മുന്നോടിയായി ഇഷാ ആഷിക്ക്, അർജുൻ രാജ്, പ്രിയംവദ, എയ്ഡൻ ആഷ് ലി മഞ്ഞില എന്നിവർ കവിതകൾ ആലപിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.