സൗദി, ബഹ്റൈൻ വിദ്യാഭ്യാസ മന്ത്രിമാർ കൂടിക്കാഴ്ച നടത്തി

മനാമ: സൗദി വിദ്യാഭ്യാസ മന്ത്രി ഡോ. ഹമദ് ബിൻ മുഹമ്മദ് ആൽ ശൈഖുമായി ബഹ്റൈൻ വിദ്യാഭ്യാസ മന്ത്രി ഡോ. മാജിദ് ബിൻ അലി അന്നുഐമി കൂടിക്കാഴ്ച നടത്തി. ന്യൂയോർക്കിലെ യു.എൻ ആസ്ഥാനത്ത് നടക്കുന്ന വിദ്യാഭ്യാസ ഉച്ചകോടിയിൽ പങ്കെടുക്കാനെത്തിയതായിരുന്നു ഇരുവരും. വിദ്യാഭ്യാസ മേഖലയിൽ ഇരുരാജ്യങ്ങളും തമ്മിൽ കൂടുതൽ സഹകരണം ആവശ്യമാണെന്ന് വിലയിരുത്തി.

കൂടിക്കാഴ്ചയിൽ സൗദിയുടെ യുനെസ്കോയിലെ സ്ഥിരം പ്രതിനിധി പ്രിൻസ് ഹൈഫ ബിൻത് അബ്ദുൽ അസീസ് ആൽ മുഖ്രിനും കൂടിക്കാഴ്ചയിൽ സന്നിഹിതയായിരുന്നുവെന്ന് അധികൃതർ പറഞ്ഞു.