മൂന്ന് സ്​കൂളുകള്‍ക്ക്​ നേരെ അക്രമം

മനാമ: രാജ്യത്തെ മൂന്ന് സ്​കൂളുകള്‍ക്ക് നേരെ നടന്ന അക്രമ പ്രവര്‍ത്തനങ്ങളില്‍ നാശനഷ്​ടം സംഭവിച്ചതായി വിദ്യാഭ്യാസ മന്ത്രാലയത്തിലെ പി.ആര്‍ വിഭാഗം അറിയിച്ചു. മുന്‍ദിര്‍ ബിന്‍ സാവി അത്തമീമി പ്രൈമറി ആൺകുട്ടികളുടെ സ്​കൂളിലെ സ്പോർട്​സ്​ ഹാളി​​​െൻറ ജനല്‍ ചില്ലുകള്‍ കല്ലെറിഞ്ഞ് തകര്‍ക്കുകയും അല്‍മഅ്മൂന്‍ പ്രൈമറി ആൺകുട്ടികളുടെ സ്​കൂളിന് നേരെ സ്ഫോടക വസ്​തുക്കള്‍ വലിച്ചെറിയുകയും സല്‍മാബാദ് പ്രൈമറി പെൺകുട്ടികളുടെ സ്​കൂള്‍ മതിലിനടുത്തുള്ള മാലിന്യ വീപ്പ പെട്രോളൊഴിച്ച് കത്തിക്കുകയും മതിലിന് കേടു വരുത്തുകയും ചെയ്​തു. ഏറെ കാലത്തിന് ശേഷം ഇതാദ്യമായാണ് സ്​കൂളുകള്‍ക്ക് നേരെ അക്രമ പ്രവര്‍ത്തനങ്ങളുണ്ടാകുന്നത്. ഇതിന് പിന്നിലുള്ളവരെ ക​ണ്ടെത്തുകയും നിയമ നടപടി സ്വീകരിക്കുകയും ചെയ്യുന്നതിനുള്ള പ്രവര്‍ത്തനങ്ങള്‍ നടക്കുന്നതായും അധികൃതര്‍ കൂട്ടിച്ചേര്‍ത്തു.