യോഗ്യത റൗണ്ടിൽ നമ്പർ വൺ സെബാസ്​റ്റ്യൻ വെറ്റേൽ

മനാമ: ഫോർമുല വൺ ഗ്രാൻറ്​ പ്രിയുടെ രണ്ടാം ദിനമായ ഇന്നലെ നടന്ന യോഗ്യത നിർണ്ണയ മത്​സരത്തിൽ എല്ലാവരുടെയും കണ്ണുകളും തെര​ഞ്ഞത്​ നിലവിലെ ചാമ്പ്യനായ സെബാസ്​റ്റ്യൻ വെറ്റേലിനെയായിരുന്നു. ലോക ക​ാറോട്ടരംഗത്തെ ഇൗ വമ്പനല്ലാതെ മറ്റാരാണ്​ യോഗ്യത നിർണ്ണയ ഒാട്ടത്തിലുൾപ്പെടെ ഒന്നാമനാകുക എന്ന ചോദ്യമായിര​ുന്നു ആരാധകർക്കും കായിക പ്രേമികൾക്കും ഉൾപ്പടെ. ​ആ നിരീക്ഷണം അക്ഷരംപ്രതി ശരിയെന്ന്​ തെളിയുകയും ചെയ്​തു. ഒരു മണിക്കൂർ 27 മിനിറ്റ്​ 958 സെക്കൻറ്​ കൊണ്ടായിരുന്നു കാറോട്ട മാ​​ന്ത്രികൻ ഫിനിഷ്​ ചെയ്​തത്​.

കിമി റൈക്കോണൻ രണ്ടാം സ്ഥാനത്തും വൾ​േട്ടരി ബൊട്ടാസ്​ മൂന്നാമതും എത്തിയപ്പോൾ വരാൻ പോകുന്ന യഥാർഥ മത്​സരത്തി​​​െൻറ ഫലം എന്താകുമെന്ന സൂചനയും കായിക ലോകത്തിന്​ ലഭിച്ച മട്ടായി. കിമി റൈ​ക്കോൻ ഒരു മണിക്കൂർ 28 മിനിറ്റ്​  101 സെക്കൻറ്​ കൊണ്ടാണ്​ ഫിനിഷ്​ ചെയ്​തത്​. വൾ​േട്ടരി ബൊട്ടാസ്​ ഒരു മണിക്കൂർ 28 മിനിറ്റ്​ 124 സെക്കൻറ്​ കൊണ്ടും ഫിനിഷ്​ ചെയ്​തു. ഇന്നലെ വൈകിട്ട്​ ആറ്​ മുതലാണ്​  ഫോർമുല വൺ ഗ്രാൻറ്​ പ്രിയുടെ മത്​സരത്തി​ലേക്കുള്ള ആദ്യനിരയിലുള്ളവരെ കണ്ടെത്തുന്നതിനുള്ള മത്​സരം ആരംഭിച്ചത്​. മത്​സരത്തി​​​െൻറ ഒരുക്കങ്ങൾ തുടങ്ങുംമു​െമ്പ കായികപ്രേമികൾ ഗാലറികളിൽ നിറഞ്ഞു. ലോകത്തി​​​െൻറ വിവിധ ഭാഗങ്ങളിൽ നിന്നും എത്തിയ കാണികൾ തങ്ങളുടെ ഇഷ്​ടതാരങ്ങളുടെ പേരും ചിത്രങ്ങളും നിറഞ്ഞ പ്ലക്കാർഡുകൾ ഉയർത്തിപ്പിടിച്ചും ആവേശം സൃഷ്​ടിച്ചു.

വിദേശത്തുനിന്നും എത്തിയ ചാനൽ പ്രവർത്തകർ ഉൾപ്പെടെയുള്ള മാധ്യമ പ്രവർത്തകർ കാറോട്ടപാച്ചിലി​​​െൻറ ഒാരോ ദൃശ്യങ്ങളും ഒാരോ നിമിഷങ്ങളിലായി പകർത്തിക്കൊണ്ടിരുന്നു. ബഹ്​റൈൻ ടി.വിയും റേഡിയോയും കാറോട്ടത്തി​​​െൻറ തത്​സമയ സംപ്രേക്ഷണം നടത്തുന്നുണ്ടായിരുന്നു. സഖീർ ഇൻറർനാഷണൽ സർക്യൂട്ടിൽ കാറോട്ടത്തി​​​െൻറ യോഗ്യത റൗണ്ട്​ തുടങ്ങിയപ്പോൾ മത്​സരാർഥികളുടെ ഒപ്പമെത്തിയവരും ആരാധകരും ജിഞ്​ജാസയുമായി നിരത്തിലേക്ക്​ നോക്കിയിരുന്നു. ആദ്യത്തെ പതിനഞ്ച്​ മിനിറ്റ്​ കഴിഞ്ഞപ്പോൾ ഇരമ്പിപ്പായുന്ന കാറുകളിലേക്ക്​  ഉറ്റുനോക്കുകയും ആർപ്പ്​ വിളിക്കുകയും ചെയ്യുന്നവരുടെ എണ്ണംകൂടി വന്നു. വി.​െഎ.പികൾ പോലും ആകാംക്ഷയുമായി തങ്ങളുടെ ഇഷ്​ടതാരങ്ങളുടെ പേർവിളിച്ച്​ കയ്യടിച്ച്​ കൊണ്ടിരുന്നു. മത്​സരം തുടങ്ങി മുക്കാൽ മണിക്കൂർ കഴിഞ്ഞപ്പോൾ ഗാലറികളിൽ ആവേശത്തിനും ആഹ്ലാദത്തിനുമപ്പുറം ഉത്​കണ്​ഠകൾ നിറഞ്ഞു. ആരെല്ലാം മുന്നിലെത്തും എന്നതിലായി എല്ലാവരുടെയും ശ്രദ്ധ.

അത്​ഭുതങ്ങൾ സൃഷ്​ടിക്കപ്പെടുമോ അട്ടിമറികൾ ഉണ്ടാകുമോ എന്നും തോന്നലുകൾ കാണികളിൽ ഉണ്ടായി. ഏഴര മണിയോടെ ഫിനിഷിങ്​ പോയിൻറിലേക്ക്​ സെബാസ്​റ്റ്യൻ വെറ്റേലി​​​െൻറ ​െഫറാരി ചുവപ്പൻ ഇരമ്പിപ്പാ​ഞ്ഞെത്തി. അലകടൽപോലെ ആരാധകർ ഗാലറികളിൽ ആഹ്ലാദം സൃഷ്​ടിക്കു​േമ്പാൾ ത​​​െൻറ ചുവന്ന വേഷവിധാനവുമായി അദ്ദേഹം കാറിൽ നിന്നിറങ്ങി ഏവരെയും അഭിവാദ്യം ചെയ്​തു. സ്വീകരിക്കാനെത്തിയ സംഘാടകരുടെ അടുത്തേക്ക്​ പുഞ്ചിരിയോടെ നടന്നെത്തിയ അദ്ദേഹം തുടർന്ന്​ ​പ്രസ്​ ഫോ​േട്ടാഗ്രാഫർമാരുടെ നടുവിലായി. ചിത്രങ്ങൾക്കായി പോസ്​ ചെയ്​ത അ​േദ്ദഹത്തെ തുടർന്ന്​ വാർത്തസമ്മേളന ഹാളിലേക്ക്​ ധൃതിയിൽ നടന്നു.

കനത്ത സുരക്ഷാ സന്നാഹങ്ങൾക്കിടയിൽ മാധ്യമ പ്രവർത്തകരുടെ നടുവിലേക്ക്​ പോകു​േമ്പാൾ ഒാ​േട്ടാഗ്രാഫിനായി ഒാടിവന്ന കൊച്ചുകുട്ടിക്ക്​ ആശംസ എഴുതി ഒപ്പുചാർത്താനും സെബാസ്​റ്റ്യൻ മറന്നില്ല. വാർത്താസമ്മേളനത്തിന്​ നേരത്തെ എത്തി കാത്തിരിക്കുന്നവരുടെ മുന്നി​േലക്ക്​ എത്തു​േമ്പാൾ കിമി റൈക്കോണനും വൾ​േട്ടരി ബൊട്ടാസും സെബാസ്​റ്റ്യനെ ആലിംഗനം ചെയ്​താണ്​ സ്വാഗതം ചെയ്​തത്​. പിന്നെ ചടുലതയോടെ ചോദ്യങ്ങളുടെ തുരുമഴ വന്നു. എല്ലാത്തിനും പുഞ്ചിരിയോടെ സെബാസ്​റ്റ്യൻ മറുപടി നൽകുകയും ചെയ്​തു.