ഷിഫയില്‍ സ്​തനാർബുദ ബോധവല്‍ക്കരണം സംഘടിപ്പിച്ചു

മനാമ: ലോക സ്​തനാര്‍ബുദ ബോധവത്​കരണ മാസാചരണത്തോടനുബന്ധിച്ച്​ മലയാളി ബിസിനസ് ഫോറം വനിതാ വിഭാഗവുമായി ചേര്‍ന്ന് ഷിഫ അല്‍ ജസീറ മെഡിക്കല്‍ സ​​െൻറര്‍ ക്ലാസ് സംഘടിപ്പിച്ചു. സല്‍മാനിയ മെഡിക്കല്‍ കോംപ്ലക്‌സ് സീനിയര്‍ റസിഡൻറ്​ സര്‍ജന്‍ ഡോ. നജീബ് അല്‍മൂസവി ക്ലാസ് നയിച്ചു. ഷിഫ നഴ്‌സിംഗ് അഡ്മിനിസ്‌ട്രേറ്റര്‍ സിസ്​റ്റര്‍ റേയ്ച്ചല്‍ ബാബു പരിശീലനം നല്‍കി.

ഷിഫ അല്‍ ജസീറ മെഡിക്കല്‍ ഡയറക്​ടർ ഡോ. സല്‍മാന്‍ ഗരീബ് സ്വാഗതം പറഞ്ഞു. ഷിഫ പേഴ്​സണല്‍ മാനേജര്‍ ഷീല അനില്‍ ഡോ. നജീബ അല്‍മൂസവിക്ക് ഉപഹാരം സമ്മാനിച്ചു. അന്നമ്മ ജോര്‍ജ്, ഷിഫ ജനറല്‍ ഫിസിഷ്യന്‍ ജോ. ജയ മിശ്ര, ബി.എം.ബി.എഫ് ചെയര്‍മാന്‍ ഡോ. ജോര്‍ജ് മാത്യൂ തുടങ്ങിയവര്‍ പങ്കെടുത്തു. ഷിഫ കസ്​റ്റമര്‍ കെയര്‍ ഓഫീസര്‍ റഹ്മത്ത് അബ്ദുല്‍ റഹ്മാന്‍ അവതാരികയായി. ഡിസ്‌കൗണ്ട്​ കൂപ്പണ്‍ ഡോ. നജീബ പ്രകാശനം ചെയ്​തു.