വിദേശ തൊഴിലാളിക്കുള്ള സോഷ്യൽ ഇൻഷുറൻസ് ആനുകൂല്യങ്ങൾ

ബഹ്റൈനിലെ തൊഴിൽ നിയമങ്ങൾ എന്തൊക്കെയാണെന്നത് ഓരോ വിദേശ തൊഴിലാളിയും നിർബന്ധമായും അറിഞ്ഞിരിക്കേണ്ടതാണ്. ഇത് അറിയാത്തതുകൊണ്ടാണ് പല വഞ്ചനകളിലും പ്രയാസങ്ങളിലും പ്രവാസി തൊഴിലാളികൾ അകപ്പെടുന്നത്. അടിസ്​ഥാനപരമായി തൊഴിലാളികൾ അറിഞ്ഞിരിക്കേണ്ട നിയമങ്ങളെക്കുറിച്ച പംക്തിയാണിത്. പ്രവാസികളുടെ സംശയങ്ങൾക്കുള്ള മറുപടിയും പംക്തിയിലൂടെ ലഭ്യമാകും. bahrain@gulfmadhyamam.net എന്ന വിലാസത്തിലോ 39203865 വാട്​സാപ്​ നമ്പറിലോ സംശയങ്ങൾ അയക്കാം. ഇ​വി​ടെ ന​ൽ​കു​ന്ന വി​വ​ര​ങ്ങ​ൾ നി​യ​മോ​പ​ദേ​ശ​മാ​യി ക​ണ​ക്കാ​ക്ക​രു​ത്. വ്യ​ക്​​ത​മാ​യ നി​യ​മോ​പ​ദേ​ശം ല​ഭി​ക്കാ​ൻ ഒ​രു ബ​ഹ്​​റൈ​നി അ​ഭി​ഭാ​ഷ​ക​നെ സ​മീ​പി​ക്ക​ണം.

?ഒ​രു വി​ദേ​ശ തൊ​ഴി​ലാ​ളി​ക്ക് എ​ന്തെ​ല്ലാം ആ​നു​കൂ​ല്യ​ങ്ങ​ളാ​ണ് സോ​ഷ്യ​ൽ ഇ​ൻ​ഷു​റ​ൻ​സി​ൽ​നി​ന്ന് ല​ഭി​ക്കു​ന്ന​ത്?- സന്തോഷ് കുമാർ

• എ​ല്ലാ വി​ദേ​ശ തൊ​ഴി​ലാ​ളി​ക​ൾ​ക്കും സോ​ഷ്യ​ൽ ഇ​ൻ​ഷു​റ​ൻ​സി​ന്റെ ര​ണ്ട് വ​കു​പ്പു​ക​ൾ പ്ര​കാ​ര​മു​ള്ള ഇ​ൻ​ഷു​റ​ൻ​സ് സം​ര​ക്ഷ​ണ​മാ​ണ് ല​ഭി​ക്കു​ന്ന​ത്. ഒ​ന്ന്, തൊ​ഴി​ലി​നി​ട​യി​ൽ സം​ഭ​വി​ക്കു​ന്ന അ​പ​ക​ട​ങ്ങ​ൾ​ക്കു​ള്ള സം​ര​ക്ഷ​ണം. ര​ണ്ട്, തൊ​ഴി​ലി​ല്ലാ​യ്മ​ക്കു​ള്ള സം​ര​ക്ഷ​ണം.

സോ​ഷ്യ​ൽ ഇ​ൻ​ഷു​റ​ൻ​സി​ൽ ന​ൽ​കി​യി​ട്ടു​ള്ള ശ​മ്പ​ള​ത്തി​​ന്റെ നാ​ല് ശ​ത​മാ​ന​മാ​ണ് മാ​സ​ന്തോ​റും ഓ​രോ തൊ​ഴി​ലാ​ളി​യു​ടെ​യും വി​ഹി​ത​മാ​യി തൊ​ഴി​ലു​ട​മ അ​ട​ക്കേ​ണ്ട​ത്. മൂ​ന്ന് ശ​ത​മാ​നം തൊ​ഴി​ലു​ട​മ​യു​ടെ വി​ഹി​ത​വും ഒ​രു ശ​ത​മാ​നം തൊ​ഴി​ലാ​ളി​യു​ടെ വി​ഹി​ത​വു​മാ​ണ്. തൊ​ഴി​ലി​നി​ടെ​യു​ണ്ടാ​കു​ന്ന അ​പ​ക​ട​ങ്ങ​ൾ​ക്കു​ള്ള ഇ​ൻ​ഷു​റ​ൻ​സി​​ന്റെ വി​ഹി​ത​മാ​ണ് മൂ​ന്ന് ശ​ത​മാ​നം. തൊ​ഴി​ലി​ല്ലാ​യ്മ​ക്കു​ള്ള ഇ​ൻ​ഷു​റ​ൻ​സി​​ന്റെ വി​ഹി​ത​മാ​ണ് ഒ​രു ശ​ത​മാ​നം. ഇ​ത് തൊ​ഴി​ലാ​ളി​യാ​ണ് ന​ൽ​കേ​ണ്ട​ത്. ജോ​ലി സ​മ​യ​ത്ത് ഉ​ണ്ടാ​കു​ന്ന അ​പ​ക​ട​ങ്ങ​ൾ​ക്ക് സോ​ഷ്യ​ൽ ഇ​ൻ​ഷു​റ​ൻ​സി​ൽ​നി​ന്ന് ല​ഭി​ക്കു​ന്ന ആ​നു​കൂ​ല്യ​ങ്ങ​ൾ താ​ഴെ പ​റ​യു​ന്ന​വ​യാ​ണ്.

1. തൊ​ഴി​ലി​ന് പോ​കാ​ൻ പ​റ്റാ​ത്ത ദി​വ​സ​ങ്ങ​ളി​ലെ അ​ല്ലെ​ങ്കി​ൽ ചി​കി​ത്സ സ​മ​യ​ത്തെ മു​ഴു​വ​ൻ ശ​മ്പ​ളം.

2. ചി​കി​ത്സ അ​ല്ലെ​ങ്കി​ൽ അ​തി​നു​ള്ള മു​ഴു​വ​ൻ ചെ​ല​വ്.

3. അം​ഗ​വൈ​ക​ല്യം സം​ഭ​വി​ച്ചാ​ൽ അ​തി​നു​ള്ള ന​ഷ്ട​പ​രി​ഹാ​രം. അം​ഗ​വൈ​ക​ല്യ​ത്തി​​ന്റെ തോ​ത് അ​നു​സ​രി​ച്ചാ​ണ് ന​ഷ്ട​പ​രി​ഹാ​രം ല​ഭി​ക്കു​ന്ന​ത്. മെ​ഡി​ക്ക​ൽ ക​മീ​ഷ​ൻ റി​പ്പോ​ർ​ട്ട് ല​ഭി​ച്ചാ​ൽ മാ​ത്ര​മേ ന​ഷ്ട​പ​രി​ഹാ​രം ല​ഭി​ക്കു​ക​യു​ള്ളൂ.

ന​ഷ്ട​പ​രി​ഹാ​രം ക​ണ​ക്കാ​ക്കു​ന്ന​ത് സോ​ഷ്യ​ൽ ഇ​ൻ​ഷു​റ​ൻ​സി​ൽ കാ​ണി​ക്കു​ന്ന ശ​മ്പ​ള​ത്തി​ന്റെ അ​ടി​സ്ഥാ​ന​ത്തി​ലാ​ണ്. വി​ദേ​ശ തൊ​ഴി​ലാ​ളി​ക്ക് പെ​ൻ​ഷ​ൻ ല​ഭി​ക്കാ​ൻ അ​ർ​ഹ​ത​യി​ല്ലാ​ത്ത​തു​കൊ​ണ്ട് ന​ഷ്ട​പ​രി​ഹാ​രം ഒ​രു നി​ശ്ചി​ത തു​ക ഒ​ന്നി​ച്ചാ​ണ് ല​ഭി​ക്കു​ക.

4. മ​ര​ണം സം​ഭ​വി​ച്ചാ​ൽ ന​ഷ്ട​പ​രി​ഹാ​രം ഒ​രു നി​ശ്ചി​ത തു​ക​യാ​ണ് ല​ഭി​ക്കു​ക.

5. ഡെ​ത്ത് ഗ്രാ​ന്റ് (ആ​റ് മാ​സ​ത്തെ ശ​മ്പ​ളം).

6. മൃ​ത​ദേ​ഹം സം​സ്ക​രി​ക്കാ​നു​ള്ള ചെ​ല​വ്. ഈ ​ആ​നു​കൂ​ല്യം ല​ഭി​ക്കാ​ൻ കു​റ​ഞ്ഞ​ത് ആ​റ് മാ​സം ഒ​രു തൊ​ഴി​ലു​ട​മ​യു​ടെ കൂ​ടെ ജോ​ലി ചെ​യ്തി​രി​ക്ക​ണം.

അ​പ​ക​ട​ങ്ങ​ളി​ൽ പ​രി​ക്ക് പ​റ്റി​യാ​ൽ 24 മ​ണി​ക്കൂ​റി​ന​കം അ​പ​ക​ടം ന​ട​ന്ന​തി​ന​ടു​ത്തു​ള്ള പൊ​ലീ​സ് സ്​​റ്റേ​ഷ​നി​ലും സോ​ഷ്യ​ൽ ഇ​ൻ​ഷു​റ​ൻ​സി​ലും വി​വ​രം അ​റി​യി​ക്ക​ണം. തൊ​ഴി​ലി​ല്ലാ​യ്മ​ക്കു​ള്ള ഇ​ൻ​ഷു​റ​ൻ​സ് ആ​നു​കൂ​ല്യം ല​ഭി​ക്കാ​ൻ ചി​ല നി​ബ​ന്ധ​ന​ക​ൾ പാ​ലി​ച്ചി​രി​ക്ക​ണം. സാ​ധാ​ര​ണ വി​ദേ​ശ തൊ​ഴി​ലാ​ളി​ക​ൾ​ക്ക് അ​ത് മു​ഴു​വ​ൻ ല​ഭി​ക്കാ​ൻ പ്ര​യാ​സ​മാ​ണ്.