എസ്​.പി.ബി: വേദനയോടെ പ്രവാസ ലോകം

മനാമ: പ്രിയഗായകൻ എസ്​.പി. ബാലസുബ്രഹ്മണ്യത്തി​െൻറ വേർപാടിൽ വേദനയോടെ ബഹ്​റൈനിലെ പ്രവാസലോകവും. രണ്ടുവർഷം മുമ്പ്​ ബഹ്​റൈനിൽ എത്തിയ അദ്ദേഹം ആരാധകർക്ക്​ എന്നും ഒാർമിക്കാവുന്ന സുന്ദര നിമിഷങ്ങൾ സമ്മാനിച്ചാണ്​ മടങ്ങിയത്​. അദ്ദേഹത്തി​െൻറ ബഹ്​റൈൻ സന്ദർശനത്തി​െൻറ ഒാർമയിലാണ്​ അന്നത്തെ പരിപാടിയുടെ സംഘാടകരും എസ്​.പി.ബിയുടെ ആരാധകരും.

'ഫ്രൻഡ്​​സ്​ ഒാഫ്​ ബഹ്​റൈൻ' കൂട്ടായ്​മയുടെ ഇന്ത്യൻ ​െഎക്കൺ അവാർഡ്​ ഏറ്റുവാങ്ങാനാണ്​ 2018 മേയ്​ മൂന്നിന്​ എസ്​.പി.ബി ബഹ്​റൈനിൽ എത്തിയത്​. വിനയത്തോടെയുള്ള അദ്ദേഹത്തി​െൻറ ഇടപെടലുകൾ വിസ്​മയിപ്പിക്കുന്നതായിരുന്നുവെന്ന്​ ചെയർമാൻ എഫ്​.എം. ഫൈസൽ അനുസ്​മരിച്ചു. പ്രശസ്​തിയിൽ നിൽക്കു​േമ്പാഴും വിനയം കാത്തുസൂക്ഷിക്കുന്നവർക്കാണ്​ ഫ്രൻഡ്​സ്​ ഒാഫ്​ ബഹ്​റൈൻ അവാർഡ്​ സമ്മാനിക്കുന്നത്​.

പരിപാടിക്കെത്തിയ എസ്​.പി.ബി രണ്ടു​ ദിവസമാണ്​ ബഹ്​റൈനിലുണ്ടായിരുന്നത്​. ഇൗ സമയംകൊണ്ട്​ ഒ​േട്ടറെ പേരുമായി ബന്ധം സ്ഥാപിക്കാൻ അ​ദ്ദേഹം ശ്രദ്ധിച്ചു. പരിപാടിക്ക്​ ക്ഷണിക്കു​േമ്പാൾ അദ്ദേഹം വരുമോയെന്ന്​ സംശയമുണ്ടായിരുന്നു. എന്നാൽ, ഒരു എതിർപ്പുമില്ലാതെയാണ്​ സമ്മതിച്ചതെന്ന്​ എഫ്​.എം. ഫൈസൽ പറഞ്ഞു.പാർക്ക്​ റെജിസ്​ ഹോട്ടലിലായിരുന്നു താമസം​. ഭക്ഷണ നിയന്ത്രണമുണ്ടായിരുന്നതിനാൽ ചോറും തൈരും മാത്രമാണ്​ തിരഞ്ഞെടുത്തത്​.

അവാർഡ്​ ഏറ്റുവാങ്ങിയ വേദിയിൽ ആരാധകർക്കായി നാലു​ ഗാനങ്ങൾ ആലപിക്കാനും തയാറായി. വേദിയിൽ നൃത്തം ചെയ്​ത കുട്ടികളെ അഭിനന്ദിക്കാനും അവർക്കൊപ്പം ​ഫോ​​േട്ടായെടുക്കാനും അദ്ദേഹം മറന്നില്ല.അവാർഡിനൊപ്പം സമ്മാനിച്ച ​മെമ​േൻറാ നാട്ടിലേക്ക്​ കൊണ്ടുപോകാൻ പ്രത്യേകമായി പാക്ക്​ ചെയ്​ത്​ കൊടുക്കണമെന്നും അദ്ദേഹം പറഞ്ഞു. അവാർഡ്​ തുക ത​െൻറ ഫാൻസി​െൻറ പേരിലുള്ള ചാരിറ്റി പ്രവർത്തനത്തിന്​ കൊടുക്കാനാണ്​ എസ്​.പി.ബി നിർ​ദേശിച്ചത്​.