സ്പെക്ട്ര 2020 ഡിസംബർ 11ന്

മനാമ: ഇന്ത്യൻ കമ്യൂണിറ്റി റിലീഫ് ഫണ്ട് (ഐ.സി.ആർ.എഫ്) സംഘടിപ്പിക്കുന്ന 'സ്പെക്ട്ര 2020' ആർട്ട് കാർണിവൽ ഡിസംബർ 11ന്​ ഓൺലൈനിൽ നടക്കും. കുട്ടികളുടെ കലാപരമായ കഴിവുകൾ പ്രോത്സാഹിപ്പിക്കുന്ന ആർട്ട് കാർണിവൽ ബഹ്‌റൈനിലെ വിദ്യാർഥികൾക്കുള്ള ഏറ്റവും വലിയ കലാമത്സരമാണ്. സ്പെക്ട്ര 2020 വിജയത്തിന്​ പ്രവർത്തനങ്ങൾ ആരംഭിച്ചു. ഐ.സി.ആർ.എഫ് സ്പെക്ട്ര ജനറൽ കൺവീനർ റോസ്​ലി​െൻറ നേതൃത്വത്തിൽ സ്​കൂൾ കോഒാഡിനേറ്റർമാരുടെയും വളൻറിയർമാരുടെയും യോഗങ്ങൾ നടത്തി.

കുട്ടികളെ നാലു പ്രായവിഭാഗങ്ങളായി തിരിച്ചാണ്​ മത്സരം. അഞ്ചുമുതൽ എട്ടുവയസ്സ് വരെ, എട്ടുമുതൽ 11 വരെ, 11 മുതൽ 14 വരെ, 14 മുതൽ 18 വരെ എന്നീ വിഭാഗങ്ങളാണുള്ളത്​. സ്​കൂളുകൾ മുഖേന രജിസ്ട്രേഷൻ നടത്തുന്നവർക്ക്​ മാത്രമേ മത്സരത്തിൽ പങ്കെടുക്കാൻ സാധിക്കൂ. പങ്കെടുക്കുന്ന എല്ലാവർക്കും ഡ്രോയിങ്​ പേപ്പറും മെറ്റീരിയലുകളും നൽകും. ഓരോ വിഭാഗത്തിലും മികച്ച മൂന്നു വിജയികൾക്ക് വ്യക്തിഗത ട്രോഫികളും സർട്ടിഫിക്കറ്റുകളും ലഭിക്കും. പങ്കെടുക്കുന്ന എല്ലാവർക്കും പങ്കാളിത്ത സർട്ടിഫിക്കറ്റ് നൽകും. സ്​കൂളുകൾക്ക്​ റോളിങ്​ ട്രോഫിയും സമ്മാനിക്കും.

മത്സരത്തിൽ നിന്നുള്ള വരുമാനം കുടുംബക്ഷേമ ഫണ്ടിലേക്കാണ് ഉപയോഗിക്കുക. ബഹ്​റൈനിൽ മരിച്ച പ്രതിമാസം 100 ദീനാറിൽ താഴെ വേതനം ലഭിച്ചിരുന്ന ഇന്ത്യൻ തൊഴിലാളികളുടെ കുടുംബങ്ങളെ സഹായിക്കാനാണ്​ ഇത് ഉപയോഗിക്കുക. മരിച്ച ഇന്ത്യക്കാര​െൻറ ആശ്രിതർക്ക് ഒരുലക്ഷം രൂപ ധനസഹായം നൽകും. സ്‌പെക്ട്രയുടെ കൂടുതൽ വിവരങ്ങൾക്ക് റോസ്​ലിൻ റോയി (39290346), അനീഷ് ശ്രീധരൻ (39401394), നിതിൻ ജേക്കബ് (39612819) എന്നിവരെ ബന്ധപ്പെടാം​.