ബ​ഹ്​​റൈ​നിൽ ​വില​ക്ക​യ​റ്റം നി​യ​ന്ത്രി​ക്കാ​ൻ ന​ട​പ​ടി സ്വീ​ക​രി​ക്കും

മ​നാ​മ: വി​ല​ക്ക​യ​റ്റം നി​യ​ന്ത്രി​ക്കു​ന്ന​തി​ന്​ ഉ​ചി​ത ന​ട​പ​ടി കൈ​ക്കൊ​ള്ളാ​ൻ മ​ന്ത്രി​സ​ഭ യോ​ഗം തീ​രു​മാ​നി​ച്ചു. അ​ടി​സ്ഥാ​ന ഭ​ക്ഷ്യ​വ​സ്തു​ക്ക​ളു​ടെ വി​ല വ​ർ​ധി​ക്കു​ന്നി​ല്ലെ​ന്ന് ഉ​റ​പ്പാ​ക്കാ​ൻ മാ​ർ​ക്ക​റ്റു​ക​ളി​ൽ പ​രി​​ശോ​ധ​ന ശ​ക്ത​മാ​ക്കാ​നും നി​ർ​ദേ​ശം ന​ൽ​കി. ഓ​ഫ​ർ ന​ൽ​കു​ന്ന സ്ഥാ​പ​ന​ങ്ങ​ൾ​ക്ക്​ ഏ​ർ​പ്പെ​ടു​ത്തു​ന്ന പ്ര​ത്യേ​ക ഫീ​സ്​ മൂ​ന്നു​ മാ​സ​ത്തേ​ക്ക്​ മ​ര​വി​പ്പി​ക്കാ​ൻ തീ​രു​മാ​നി​ച്ചു. ഭ​ക്ഷ​ണ സാ​ധ​ന​ങ്ങ​ൾ സൂ​ക്ഷി​ക്കു​ന്ന വ്യ​വ​സാ​യി​ക ഭൂ​മി​ക​ൾ​ക്കു​ള്ള ഫീ​സ്​ മൂ​ന്നു​ മാ​സ​ത്തേ​ക്ക്​ മ​ര​വി​പ്പി​ക്കാ​നും കു​റ​ഞ്ഞ വ​രു​മാ​ന​ക്കാ​രാ​യ കു​ടും​ബ​ങ്ങ​ൾ​ക്ക്​ സ​ർ​ക്കാ​ർ ന​ൽ​കു​ന്ന വി​ല​ക്ക​യ​റ്റ അ​ല​വ​ൻ​സ് ഒ​രു മാ​സം അ​ധി​കം ന​ൽ​കാ​നും ​യോ​ഗം തീ​രു​മാ​നി​ച്ചു.

ബ​ഹ്​​റൈ​ൻ-​ജോ​ർ​ഡ​ൻ സം​യു​ക്​​ത ഉ​ന്ന​താ​ധി​കാ​ര സ​മി​തി തീ​രു​മാ​ന​ങ്ങ​ളെ സം​ബ​ന്ധി​ച്ച്​ യോ​ഗ​ത്തി​ൽ വി​ശ​ദീ​ക​രി​ച്ചു. ജോ​ർ​ഡ​ൻ പ്ര​ധാ​ന​മ​ന്ത്രി ഡോ. ​ബ​ഷ​ർ ഹാ​നി​യു​ടെ നേ​തൃ​ത്വ​ത്തി​ലു​ള്ള മ​ന്ത്രി​ത​ല സം​ഘ​വും ബ​ഹ്റൈ​ൻ കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ നേ​തൃ​ത്വ​ത്തി​ലു​ള്ള മ​ന്ത്രി​ത​ല സം​ഘ​വു​മാ​ണ്​ സം​യു​ക്​​ത ഉ​ന്ന​താ​ധി​കാ​ര സ​മി​തി​യി​ൽ പ​​​​​​ങ്കെ​ടു​ത്ത​ത്. വി​വി​ധ മേ​ഖ​ല​ക​ളി​ൽ സ​ഹ​ക​ര​ണം ശ​ക്​​തി​പ്പെ​ടു​ത്താ​നു​മു​ള്ള തീ​രു​മാ​ന​ത്തെ കാ​ബി​ന​റ്റ്​ അ​ഭി​ന​ന്ദി​ച്ചു.

ഫെ​ബ്രു​വ​രി ര​ണ്ടി​ന് കാ​യി​ക ദി​നാ​ച​ര​ണം സം​ഘ​ടി​പ്പി​ക്കാ​ൻ തീ​രു​മാ​നി​ച്ചു. മു​ഴു​വ​ൻ മ​ന്ത്രാ​ല​യ​ങ്ങ​ളും സ​ർ​ക്കാ​ർ അ​തോ​റി​റ്റി​ക​ളും പ​കു​തി ​​ജോ​ലി സ​മ​യം കാ​യി​ക പ​രി​പാ​ടി​ക​ൾ​ക്കാ​യി മാ​റ്റി​വെ​ക്കാ​നാ​ണ് തീ​രു​മാ​നം. മേ​ഖ​ല​യി​ലും അ​ന്താ​രാ​ഷ്​​ട്ര ത​ല​ത്തി​ലും പ്ര​വ​ർ​ത്ത​ന മി​ക​വി​നു​ള്ള​ അ​വാ​ർ​ഡ്​ ക​ര​സ്ഥ​മാ​ക്കി​യ മ​ന്ത്രാ​ല​യ​ങ്ങ​ളെ കാ​ബി​ന​റ്റ്​ ശ്ലാ​ഘി​ച്ചു. നീ​തി​ന്യാ​യ, ഇ​സ്​​ലാ​മി​ക കാ​ര്യ, ഔ​ഖാ​ഫ്​ മ​ന്ത്രാ​ല​യം, ആ​രോ​ഗ്യ മ​ന്ത്രാ​ല​യം, വി​ദ്യാ​ഭ്യാ​സ മ​ന്ത്രാ​ല​യം എ​ന്നി​വ​ക്കാ​ണ്​ അ​റ​ബ്​ സ​ർ​ക്കാ​ർ അ​വാ​ർ​ഡ്​ ല​ഭി​ച്ച​ത്.

സ​ർ​ക്കാ​ർ പ​ദ്ധ​തി​ക​ളു​​ടെ ഏ​കോ​പ​ന​ങ്ങ​ളു​മാ​യി ബ​ന്ധ​പ്പെ​ട്ട പ്ര​വ​ർ​ത്ത​ന പു​രോ​ഗ​തി യോ​ഗം വി​ല​യി​രു​ത്തി. മ​ഴ കാ​ര​ണം വൈ​ദ്യു​തി ത​ട​സ്സ​മു​ണ്ടാ​യ ഇ​ട​ങ്ങ​ളി​ൽ ആ​വ​ശ്യ​മാ​യ ഇ​ട​പെ​ട​ൽ ന​ട​ത്തി​യ വൈ​ദ്യു​തി, ജ​ല മ​​ന്ത്രാ​ല​യ​ത്തി​ന്‍റെ​യും വെ​ള്ള​ക്കെ​ട്ട്​ ഒ​ഴി​വാ​ക്കാ​ൻ നീ​ക്ക​ങ്ങ​ൾ ന​ട​ത്തി​യ മു​നി​സി​പ്പ​ൽ, കാ​ർ​ഷി​ക മ​ന്ത്രാ​ല​യ​ത്തി​ന്‍റെ​യും പൊ​തു​മ​രാ​മ​ത്ത്​ മ​ന്ത്രാ​ല​യ​ത്തി​ന്‍റെ​യും പ്ര​വ​ർ​ത്ത​ന​ങ്ങ​ളി​ൽ യോ​ഗം മ​തി​പ്പ്​ രേ​ഖ​പ്പെ​ടു​ത്തി.

ഹെ​ൽ​ത്ത്​ ഇ​ൻ​ഷു​റ​ൻ​സ്​ നി​യ​മം ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട്​ സ​ർ​ക്കാ​ർ ആ​രോ​ഗ്യ സ്ഥാ​പ​ന​ങ്ങ​ളെ നി​ർ​ണ​യി​ക്കു​ന്ന​തി​നു​ള്ള ബി​ൽ സ​ഭ​യി​ൽ അ​വ​ത​രി​പ്പി​ച്ചു. പൊ​തു ആ​വ​ശ്യ​ങ്ങ​ൾ​ക്കാ​യി വി​വി​ധ സ്ഥ​ല​ങ്ങ​ൾ ഏ​റ്റെ​ടു​ക്കു​ന്ന​തി​നു​ള്ള ബി​ൽ മു​നി​സി​പ്പ​ൽ, കാ​ർ​ഷി​ക മ​ന്ത്രി അ​വ​ത​രി​പ്പി​ച്ചു. കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ അ​ധ്യ​ക്ഷ​ത​യി​ൽ ഗു​ദൈ​ബി​യ പാ​ല​സി​ലാ​യി​രു​ന്നു കാ​ബി​ന​റ്റ്​ യോ​ഗം.