തൊ​ഴി​ൽ നി​യ​മ​ലം​ഘ​ന​ത്തി​നെ​തി​രെ ന​ട​പ​ടി ക​ർ​ശ​ന​മാ​ക്കു​ന്നു

മ​നാ​മ: വി​സി​റ്റ് വി​സ​യി​ൽ വ​ന്ന​ശേ​ഷം ജോ​ലി​യി​ൽ പ്ര​വേ​ശി​ക്കു​ന്ന സം​ഭ​വ​ങ്ങ​ൾ വ്യാ​പ​ക​മാ​യി റി​പ്പോ​ർ​ട്ട് ചെ​യ്യു​ന്ന സാ​ഹ​ച​ര്യ​ത്തി​ൽ ക​ർ​ശ​ന​ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​​മെ​ന്ന് ദേ​ശീ​യ​ത, പാ​സ്‌​പോ​ർ​ട്ട്, റ​സി​ഡ​ൻ​സ് അ​ഫ​യേ​ഴ്സ് (എ​ൻ.​പി.​ആ​ർ.​എ) അ​ണ്ട​ർ സെ​ക്ര​ട്ട​റി ഷെ​യ്ഖ് ഹി​ഷാം ബി​ൻ അ​ബ്ദു​ൽ​റ​ഹ്മാ​ൻ ആ​ൽ ഖ​ലീ​ഫ.

ക​ഴി​ഞ്ഞ ര​ണ്ടു വ​ർ​ഷ​ത്തി​നി​ടെ ആ​യി​ര​ക്ക​ണ​ക്കി​ന് റെ​സി​ഡ​ൻ​സി നി​യ​മ​ലം​ഘ​ന​ങ്ങ​ൾ ര​ജി​സ്റ്റ​ർ ചെ​യ്തി​ട്ടു​ണ്ട്. എ​ൻ.​പി.​ആ​ർ.​എ​യും ലേ​ബ​ർ മാ​ർ​ക്ക​റ്റ് റെ​ഗു​ലേ​റ്റ​റി അ​തോ​റി​റ്റി​യും (എ​ൽ.​എം.​ആ​ർ.​എ) പ​രി​ശോ​ധ​ന​ക​ൾ ശ​ക്ത​മാ​ക്കി​യ​തി​നെ തു​ട​ർ​ന്നാ​ണി​വ ക​ണ്ടെ​ത്തി​യ​ത്. ടൂ​റി​സ്റ്റ് വി​സ​ക​ളു​ടെ ദു​രു​പ​യോ​ഗം ത​ട​യാ​നാ​യി ക​ർ​ശ​ന നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യി​ട്ടു​ണ്ട്.

വി​സി​റ്റ് വി​സ, സ്പോ​ൺ​സ​ർ ഇ​ല്ലാ​തെ തൊ​ഴി​ൽ വി​സ​യോ ആ​ശ്രി​ത വി​സ​യോ ആ​ക്കി മാ​റ്റാ​ൻ ക​ഴി​യാ​ത്ത ത​ര​ത്തി​ൽ ക​ഴി​ഞ്ഞ ഫെ​ബ്രു​വ​രി മു​ത​ൽ നി​യ​മം നി​ല​വി​ൽ വ​ന്നി​രു​ന്നു. സ്പോ​ൺ​സ​റി​ല്ലാ​ത്ത വി​സി​റ്റ് വി​സ​ക​ൾ തൊ​ഴി​ൽ വി​സ​യാ​ക്കി മാ​റ്റാ​നാ​വി​ല്ല.​സ്പോ​ൺ​സ​റു​ള്ള വി​സി​റ്റ് വി​സ​ക​ൾ 250 ദീ​നാ​റ​ട​ച്ച് തൊ​ഴി​ൽ അ​ല്ലെ​ങ്കി​ൽ ആ​ശ്രി​ത വി​സ​യി​ലേ​ക്ക് മാ​റ്റാ​വു​ന്ന​താ​ണ്. മു​മ്പ് ഇ​ത് 60 ദീ​നാ​റാ​യി​രു​ന്നു. വി​സി​റ്റ് വി​സ സ്​​പോ​ൺ​സ​ർ ചെ​യ്യു​ന്ന​യാ​ൾ ത​ന്നെ​യാ​യി​രി​ക്ക​ണം തൊ​ഴി​ൽ​വി​സ സ്‌​പോ​ൺ​സ​റു​മെ​ന്ന നി​ബ​ന്ധ​ന​യു​ണ്ട്.​പൗ​ര​ന്മാ​ർ​ക്ക് തൊ​ഴി​ല​വ​സ​ര​ങ്ങ​ൾ വ​ർ​ധി​പ്പി​ക്കാ​നു​ള്ള ന​യ​പ​ര​മാ​യ തീ​രു​മാ​ന​ത്തി​ന്റെ അ​ടി​സ്ഥാ​ന​ത്തി​ലാ​ണ് ഈ ​ന​ട​പ​ടി​ക​ൾ.​

വി​സി​റ്റ് വി​സ കൈ​മാ​റ്റം ചെ​യ്യാ​നാ​കി​ല്ലെ​ന്നും ബ​ഹ്‌​റൈ​നി​ൽ ജോ​ലി ല​ഭി​ക്ക​ണ​മെ​ങ്കി​ൽ ഒ​രു ക​മ്പ​നി ന​ൽ​കി​യ ശ​രി​യാ​യ വ​ർ​ക്ക് പെ​ർ​മി​റ്റ് ന​ൽ​ക​ണ​മെ​ന്നും വി​സി​റ്റ് വി​സ​യി​ൽ വ്യ​ക്ത​മാ​യി രേ​ഖ​പ്പെ​ടു​ത്തി​യി​ട്ടു​ണ്ട്.​ക​ഴി​ഞ്ഞ വ​ർ​ഷം 47,023 പ​രി​ശോ​ധ​ന​ക​ളാ​ണ് എ​ൽ.​എം.​ആ​ർ.​എ ന​ട​ത്തി​യ​ത്.

4,232 നി​യ​മ​വി​രു​ദ്ധ തൊ​ഴി​ലാ​ളി​ക​ളെ ക​ണ്ടെ​ത്തി. നി​യ​മ​ന​ട​പ​ടി​ക​ൾ​ക്ക് ശേ​ഷം 5,477 വ്യ​ക്തി​ക​ളെ നാ​ടു​ക​ട​ത്തി. ഈ ​വ​ർ​ഷം ഇ​തു​വ​രെ 1,254 നി​യ​മ​ലം​ഘ​ന​ങ്ങ​ൾ ര​ജി​സ്റ്റ​ർ ചെ​യ്തു. 1,781 ക്ര​മ​ര​ഹി​ത തൊ​ഴി​ലാ​ളി​ക​ളെ നാ​ടു​ക​ട​ത്തി​യി​ട്ടു​ണ്ട്.