ഇന്ത്യയും ബഹ്​റൈനും തമ്മിൽ ശക്​തമായ ബന്ധം - കിരീടാവകാശി

മനാമ: ബഹ്​റൈൻ സന്ദർശനത്തി​െൻറ രണ്ടാം ദിവസം ഇന്ത്യൻ വിദേശകാര്യ സഹമന്ത്രി വി. മുരളീധരൻ കിരീടാവകാശിയും പ്രധാനമന്ത്രിയുമായ പ്രിൻസ്​ സൽമാൻ ബിൻ ഹമദ് ആൽ ഖലീഫയുമായി കൂടിക്കാഴ്​ച നടത്തി. റിഫ പാലസിൽ നടന്ന കൂടിക്കാഴ്​ചയിൽ ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം ശക്​തിപ്പെടുത്തുന്നതിനുള്ള സാധ്യതകൾ ഇരുവരും ചർച്ച ചെയ്​തു.

സാമ്പത്തിക സഹകരണത്തിലും നിക്ഷേപ രംഗത്തും ഇരു രാജ്യങ്ങളും തമ്മിൽ മികച്ച ബന്ധമാണ്​ നിലനിൽക്കുന്നതെന്ന്​ കിരീടാവകാശി ചൂണ്ടിക്കാട്ടി. പരസ്​പര സഹകരണത്തിനുള്ള കൂടുതൽ മേഖലകൾ തേടേണ്ടത്​ അനിവാര്യമാണ്​. ഇരു രാജ്യങ്ങളുടെയും സാമ്പത്തിക വളർച്ചക്കും അഭിവൃദ്ധിക്കും ഉഭയകക്ഷി വ്യാപാരവും നിക്ഷേപങ്ങളും വർധിപ്പിക്കണമെന്നും അദ്ദേഹം പറഞ്ഞു.

കോവിഡ്​ -19 മഹാമാരിയെ പ്രതിരോധിക്കുന്നതിന്​ ഇന്ത്യയും ബഹ്​റൈനും സഹകരിച്ച്​ പ്രവർത്തിച്ചത്​ കിരീടാവകാശി എടുത്തുപറഞ്ഞു. ബഹ്​റൈ​െൻറ വളർച്ചക്ക്​ ഇന്ത്യൻ സമൂഹം നൽകുന്ന സേവനം പ്രശംസനീയമാണെന്നും അദ്ദേഹം അഭിപ്രായപ്പെട്ടു.

മേഖലയിലും അന്താരാഷ്​ട്ര തലത്തിലും പരസ്​പര താൽപര്യമുള്ള വിയഷങ്ങളും ഇരുവരും ചർച്ച ചെയ്​തു. മേഖലയിലെ സുസ്​ഥിരതയും സുരക്ഷയും ഉറപ്പ്​ വരുത്തുന്നതിന്​ മറ്റ്​ രാജ്യങ്ങൾക്കൊപ്പം ഇന്ത്യ വഹിക്കുന്ന പങ്കിനെയും അദ്ദേഹം പ്രശംസിച്ചു.

കിരീടാവകാശിയെ കാണാൻ അവസരം ലഭിച്ചതിലു​ം ഉഭയകക്ഷി ബന്ധം ശക്​തിപ്പെടുത്തുന്നതിന്​ കിരീടാവകാശി നൽകുന്ന പിന്തുണക്കും വി. മുരളീധരൻ നന്ദി പറഞ്ഞു. ​ബഹ്​റൈൻ വിദേശകാര്യ മന്ത്രി ഡോ. അബ്​ദുൽ ലത്തീഫ്​ ബിൻ റാഷിദ്​ അൽസയാനിയും കൂടിക്കാഴ്​ചയിൽ പ​െങ്കടുത്തു.

പ്രധാനമന്ത്രി നരേന്ദ്ര മോദിയുടെ സന്ദേശം വി. മുരളീധരൻ കിരീടാവകാശിക്ക്​ കൈമാറി. ഇന്ത്യൻ പ്രധാനമന്ത്രിക്കുള്ള ആശംസകൾ​ കിരീടാവകാശി അറിയിച്ചു.