ദുൽഹജ്ജ് മാസത്തിൽ വിവിധ പരിപാടികളുമായി സുന്നി ഔഖാഫ്
text_fieldsമനാമ: ദുൽഹജ്ജ് മാസത്തിൽ വിവിധ പരിപാടികൾ പൊതുജനങ്ങൾക്കായി സംഘടിപ്പിക്കുമെന്ന് സുന്നി വഖ്ഫ് കൗൺസിൽ ചെയർമാൻ ഡോ. റാശിദ് ബിൻ ഫതീസ് അൽ ഹാജിരി വ്യക്തമാക്കി.വിവിധ പള്ളികൾ കേന്ദ്രീകരിച്ച് ഉദ്ബോധന പ്രഭാഷണങ്ങളും മതപരമായ നിയമങ്ങളെക്കുറിച്ചുള്ള ഓർമപ്പെടുത്തലുകളും നടത്തും.
മുസ്ലിം സമൂഹം ഈ മാസത്തിന്റെ പവിത്രതയും അതിൽ ചെയ്യേണ്ട കാര്യങ്ങളെക്കുറിച്ചും ബോധവത്കരണമുദ്ദേശിച്ചുള്ള പരിപാടികളാണ് ഒരുക്കിയിട്ടുള്ളത്. ടെലിവിഷൻ, റേഡിയോ പരിപാടികളും വിജ്ഞാന സദസ്സുകളും, ഇ-ലീഫ് ലെറ്റുകളും നൽകും.
വിവിധ പണ്ഡിതരെയും മതപാഠശാലകളിലെ വിദ്യാർഥികളെയും ഉപയോഗപ്പെടുത്തിയാണ് പ്രഭാഷണങ്ങൾ സംഘടിപ്പിക്കുക. ഹജ്ജ്, ബലി, അറഫ നോമ്പ്, ദുൽ ഹജ്ജ് ആദ്യ പത്തിന്റെ പ്രത്യേകതകൾ എന്നിവയെക്കുറിച്ച് അറിവ് നൽകുന്നതായിരിക്കും ക്ലാസുകളും ഉദ്ബോധനങ്ങളുമെന്നും അദ്ദേഹം കൂട്ടിച്ചേർത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.