റഷ്യൻ ഗ്രാൻഡ് മുഫ്തി കൗൺസിൽ അധ്യക്ഷനുമായി സുന്നി ഔഖാഫ് ചെയർമാൻ കൂടിക്കാഴ്ച നടത്തി
text_fieldsമനാമ: റഷ്യൻ ഗ്രാൻഡ് മുഫ്തി കൗൺസിൽ അധ്യക്ഷൻ ശൈഖ് റാവി ഐനുദ്ദീനുമായി സുന്നി വഖ്ഫ് കൗൺസിൽ ചെയർമാൻ ശൈഖ് റാശിദ് ബിൻ മുഹമ്മദ് ബിൻ ഫതീസ് അൽ ഹാജിരി കൂടിക്കാഴ്ച നടത്തി. റഷ്യൻ മുസ്ലിം യൂനിയൻ മുഹമ്മദ് ബിൻ സായിദ് യൂനിവേഴ്സിറ്റി ഫോർ ഹ്യൂമൺ സയൻസുമായി ചേർന്ന് സംഘടിപ്പിച്ച അഞ്ചാമത് അന്താരാഷ്ട്ര സമ്മേളനത്തിൽ പങ്കെടുക്കുന്നതിനിടെയായിരുന്നു കൂടിക്കാഴ്ച. റഷ്യയിലെ ഖാസാൻ പട്ടണത്തിലായിരുന്നു സമ്മേളനം.
ബഹ്റൈൻ ഭരണാധികാരികൾക്കും ജനങ്ങൾക്കും ശൈഖ് റാവി പ്രത്യേകം അഭിവാദ്യങ്ങൾ നേരുകയും വിവിധ വിഷയങ്ങളിൽ ഇസ്ലാമിന്റെ സന്തുലിതവും നീതിയുക്തവുമായ കാഴ്ചപ്പാടുകൾ പുലർത്തുകയും ചെയ്യുന്ന ബഹ്റൈൻ നിലപാടിനെ മുക്തകണ്ഠം പ്രശംസിക്കുകയും ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.