യു.എൻ സുരക്ഷാ കൗൺസിൽ തുറന്ന ചർച്ച: ഫലസ്​തീനിലെ സുർ ബാഹറിലെ വീടുകൾ ഇസ്രായേൽ തകർ​ത്തതിനെ ബഹ്​റൈൻ പ്രതിനിധി അപലപിച്ചു

മനാമ: ​ ഫലസ്​തീനിലെ സുർ ബാഹറിലെ നിരവധി വീടുകൾ ഇസ്രായേലി സേന തകർ​ത്തെറിഞ്ഞതിനെ യു.എന്നിലെ. ബഹ്​റൈൻ അംബാസഡർ ജമാ ൽ ഫാരീസ്​ അൽ റുവൈസ് അപലപിച്ചു. യു.എൻ. സുരക്ഷാ കൗൺസിൽ (യു.എൻ.എസ്​.സി) സംഘടിപ്പിച്ച ‘ഫലസ്​തീനിയൻ സംഭവങ്ങളെത്തുടർന് ന്​ പശ്​ചിമേഷ്യയിലെ സാഹചര്യം’എന്ന വിഷയത്തിലെ തുറച്ച ചർച്ചയിൽ സംസാരിക്കുകയായിരുന്നു അദ്ദേഹം. അന്താരാഷ്​ട്ര സമൂഹത്തിന്​ പശ്​ചിമേഷ്യയിൽ സമാധാനവും സുരക്ഷയും നടപ്പിൽ വരുത്തുന്നതിൽ രാഷ്​ട്രീയ കൂടിയാലോചനകൾ വിജയിപ്പിക്കുന്നതിന്​ മഹത്തായ ചുമതല ഉണ്ട്​.

ഈ മേഖലയിൽ സമഗ്രവും ശാശ്വതവുമായ സമാധാനം സ്ഥാപിക്കാനും ഫലസ്തീൻ പ്രശ്‌നം പരിഹരിക്കുന്നതിന്​ അന്താരാഷ്​ട്ര സമൂഹം ഇടപെടണം. ബഹ്​റൈനിൽ ജൂൺ 25 മുതൽ 26 വരെ നടന്ന ‘സമാധാനം സമൃദ്ധിക്ക​ുവേണ്ടി’എന്ന ലോകസമ്മേളനത്തെക്കുറിച്ചും ജമാൽ ഫാരീസ്​ അൽ റുവൈസ് വിശദീകരിച്ചു. നിരവധി രാജ്യങ്ങളിലെയും സിവിൽ സൊസൈറ്റി സംഘടനകളുടെയും മേഖലയിലെയും ലോകത്തിലെയും നിരവധി നേതാക്കളുടെ പങ്കാളിത്തം സമ്മേളനത്തിൽ ഉണ്ടായി.

വികസനത്തിലും സമൃദ്ധിയിലും ഫലസ്തീൻ ജനതയുടെ ആവശ്യങ്ങൾ യാഥാർഥ്യമാക്കുന്നതിനും ഫലസ്തീൻ സമ്പദ്‌വ്യവസ്ഥയെ പിന്തുണയ്ക്കുന്നതി​​​െൻറയും ഭാഗമായിരുന്നു ഇൗ സമ്മേളനം. ഫലസ്തീൻ സമ്പദ്‌വ്യവസ്ഥ മെച്ചപ്പെടുത്തുന്നതിനും നിക്ഷേപം പ്രോത്സാഹിപ്പിക്കുന്നതിനും അത്​ മികവുറ്റതാക്കാനുമുള്ള ലക്ഷ്യങ്ങൾ നേടുന്നതിൽ സമ്മേളനം വിജയിച്ചു. മേഖലയിൽ സമാധാനവും നീതിയും കൈവരിക്കാൻ അമേരിക്കൻ ​െഎക്യനാടുകൾ നടത്തുന്ന മഹത്തായ ശ്രമങ്ങളെ ബഹ്​റൈൻ അഭിനന്ദിക്കുന്നു എന്നും ജമാൽ ഫാരീസ്​ അൽ റുവൈസ് വ്യക്തമാക്കി.