ത​ണു​പ്പ് തു​ട​ങ്ങി; ഇ​നി ക്യാ​മ്പി​ങ് സീസ​ൺ

മ​നാ​മ: ത​ണു​പ്പു​കാ​ല​ത്തെ വ​ര​വേ​റ്റു​കൊ​ണ്ട് ക്യാ​മ്പി​ങ് സീ​സ​ണി​നൊ​രു​ങ്ങി രാ​ജ്യം. ന​വം​ബ​ർ 20 മു​ത​ൽ അ​ടു​ത്ത​വ​ർ​ഷം ഫെ​ബ്രു​വ​രി 20 വ​രെ​യാ​ണ് സീ​സ​ൺ. ര​ജി​സ്‌​ട്രേ​ഷ​ൻ ന​വം​ബ​ർ 15 മു​ത​ൽ 25 വ​രെ ആ​രം​ഭി​ക്കു​മെ​ന്ന് ദ​ക്ഷി​ണ മേ​ഖ​ല ഗ​വ​ർ​ണ​ർ ​ശൈ​ഖ്​ ഖ​ലീ​ഫ ബി​ൻ അ​ലി ആ​ൽ ഖ​ലീ​ഫ അ​റി​യി​ച്ചു.

2024-2025 ക്യാ​മ്പി​ങ് സീ​സ​ണി​നാ​യു​ള്ള സു​ര​ക്ഷാ ത​യാ​റെ​ടു​പ്പു​ക​ളു​ടെ ഭാ​ഗ​മാ​യി, ന​ട​ന്ന കോ​ഓ​ഡി​നേ​ഷ​ൻ ക​മ്മി​റ്റി യോ​ഗ​ത്തി​ൽ അ​ദ്ദേ​ഹം അ​ധ്യ​ക്ഷ​ത​വ​ഹി​ച്ചു. അ​വാ​ലി​മു​ത​ൽ സാ​ഖി​ർ​വ​രെ​യാ​ണ് ക്യാ​മ്പി​ങ് ന​ട​ക്കു​ക. ന​ഗ​ര​ത്തി​ര​ക്കു​ക​ളി​ൽ​നി​ന്ന് ര​ക്ഷ​പ്പെ​ട്ട് മ​രു​ഭൂ​മി​യി​ലെ ത​ണു​ത്ത അ​ന്ത​രീ​ക്ഷ​ത്തി​ൽ വി​ശ്ര​മി​ച്ച് ക്യാ​മ്പി​ങ് ന​ട​ത്താ​ൻ ഇ​ത്ത​വ​ണ​യും ആ​യി​ര​ങ്ങ​ൾ എ​ത്തു​മെ​ന്നാ​ണ് ക​രു​തു​ന്ന​ത്. പൗ​ര​ന്മാ​ർ​ക്കും താ​മ​സ​ക്കാ​ർ​ക്കും സു​ര​ക്ഷി​ത​മാ​യി ക‍്യാ​മ്പി​ങ് ന​ട​ത്താ​നു​ള്ള അ​ന്ത​രീ​ക്ഷ​മൊ​രു​ക്കി​യി​ട്ടു​ണ്ട്.

സു​ര​ക്ഷാ നി​ർ​ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്കേ​ണ്ട​തു​ണ്ട്. പാ​രി​സ്ഥി​തി​ക​വും സു​ര​ക്ഷാ സം​ബ​ന്ധ​വു​മാ​യ നി​യ​ന്ത്ര​ണ​ങ്ങ​ൾ ക​ർ​ശ​ന​മാ​യി പാ​ലി​ച്ചാ​യി​രി​ക്കും ടെ​ന്റി​ങ് അ​നു​വ​ദി​ക്കു​ക. മൊ​ബൈ​ൽ ഫോ​ണു​ക​ളി​ൽ അ​ൽ ജ​നോ​ബി​യ ആ​പ് ഉ​പ​യോ​ഗി​ച്ച് ര​ജി​സ്ട്രേ​ഷ​ൻ ന​ട​ത്താം. അ​റ​ബി​ക്കി​ലും ഇം​ഗ്ലീ​ഷി​ലും ല​ഭ്യ​മാ​ണ്. ര​ജി​സ്ട്രേ​ഷ​ന് ഫീ​സ് ഉ​ണ്ടാ​യി​രി​ക്കി​ല്ല. സു​ര​ക്ഷി​ത​വും സ​മാ​ധാ​ന​പ​ര​മാ​യ​തു​മാ​യ ടെ​ന്‍റ്​ സീ​സ​ൺ ഒ​രു​ക്കാ​ൻ വി​വി​ധ വി​ഭാ​ഗ​ങ്ങ​ളെ യോ​ഗ​ത്തി​ൽ ചു​മ​ത​ല​പ്പെ​ടു​ത്തി.

ക്യാ​മ്പി​ങ് സു​ര​ക്ഷി​ത​വും കൂ​ടു​ത​ൽ സു​ഖ​ക​ര​മാ​ക്കാ​നും ക്യാ​മ്പ​ർ​മാ​രു​മാ​യു​ള്ള ആ​ശ​യ​വി​നി​മ​യം മെ​ച്ച​പ്പെ​ടു​ത്താ​നും ല​ക്ഷ്യ​മി​ട്ട് ‘ ഖ​യ്യിം’ ഡി​ജി​റ്റ​ൽ സം​രം​ഭം പോ​ലു​ള്ള ഇ​ല​ക്ട്രോ​ണി​ക് സേ​വ​ന​ങ്ങ​ൾ ല​ഭ്യ​മാ​ക്കി​യി​ട്ടു​ണ്ട്. പ​രാ​തി​ക​ൾ ന​ൽ​കു​ന്ന​തി​നു​ള്ള സം​വി​ധാ​ന​വും ഓ​ൺ​ലൈ​നി​ൽ ഒ​രു​ക്കി​യി​ട്ടു​ണ്ട്.

2024-2025 സീ​സ​ണു​മാ​യി ബ​ന്ധ​പ്പെ​ട്ട എ​ല്ലാ അ​ന്വേ​ഷ​ണ​ങ്ങ​ളും campers@southern.gov.bh എ​ന്ന ഇ-​മെ​യി​ൽ വ​ഴി ന​ട​ത്താം. 17750000 എ​ന്ന ന​മ്പ​റി​ലും വി​വ​ര​ങ്ങ​ൾ ല​ഭ്യ​മാ​ണ്. അ​ൽ ജ​നോ​ബി​യ ആ​പ്പി​ൽ ഇ​ൻ​സ്റ്റ​ന്റ് ചാ​റ്റ് വ​ഴി​യും വി​വ​ര​ങ്ങ​ൾ ല​ഭി​ക്കും.

ക്യാ​മ്പി​ങ് സീ​സ​ൺ കോ​ഓ​ഡി​നേ​ഷ​ൻ ക​മ്മി​റ്റി യോ​ഗ​ത്തി​ൽ ഡെ​പ്യൂ​ട്ടി ഗ​വ​ർ​ണ​ർ ബ്രി​ഗേ​ഡി​യ​ർ ഹ​മ​ദ് മു​ഹ​മ്മ​ദ് അ​ൽ ഖ​യ്യ​ത്ത്, സ​തേ​ൺ മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ ഈ​സ അ​ബ്ദു​ൾ​റ​ഹ്മാ​ൻ അ​ൽ സി​സി അ​ൽ ബു​വൈ​നൈ​ൻ, ആ​ഭ്യ​ന്ത​ര മ​ന്ത്രാ​ല​യ​ത്തി​ലെ സു​ര​ക്ഷാ വ​കു​പ്പ് ഉ​ദ്യോ​ഗ​സ്ഥ​ർ തു​ട​ങ്ങി​യ​വ​ർ പ​ങ്കെ​ടു​ത്തു. ആ​ഴ്ച​തോ​റും തി​ര​ഞ്ഞെ​ടു​ക്കു​ന്ന ഏ​റ്റ​വും മി​ക​ച്ച ടെ​ന്‍റി​ന്​ കാ​ഷ്​ അ​വാ​ർ​ഡ്​ ന​ൽ​കു​മെ​ന്ന് ക​ഴി​ഞ്ഞ​വ​ർ​ഷം യു​വ​ജ​ന, ചാ​രി​റ്റി കാ​ര്യ​ങ്ങ​ൾ​ക്കാ​യു​ള്ള ഹ​മ​ദ്​ രാ​ജാ​വി​ന്‍റെ ​പ്ര​തി​നി​ധി ​ശൈ​ഖ്​ നാ​സി​ർ ബി​ൻ ഹ​മ​ദ്​ ആ​ൽ ഖ​ലീ​ഫ​യു​ടെ പ്ര​ഖ്യാ​പി​ച്ചി​രു​ന്നു.

ടെ​ന്റു​ക​ളി​ൽ ക്യാ​മ്പി​ങ് ന​ട​ത്തു​ന്ന​വ​ർ ബാ​ർ​ബി​ക്യൂ​വും ബോ​ൺ​ഫ​യ​റു​മൊ​ക്കെ​യാ​യി രാ​ത്രി ആ​സ്വ​ദി​ക്കും. സ്വ​ന്ത​മാ​യി ടെ​ന്റു​ക​ൾ സ്ഥാ​പി​ക്കു​ന്ന​വ​രും വാ​ട​ക​ക്കെ​ടു​ക്കു​ന്ന​വ​രു​മു​ണ്ട്. ടെ​ന്റ് ക്യാ​മ്പി​ങ്ങി​ന് പു​റ​മേ, കു​തി​ര​സ​വാ​രി​യ​ട​ക്കം വി​നോ​ദോ​പാ​ധി​ക​ളും ഏ​ർ​പ്പെ​ടു​ത്തി​യി​ട്ടു​ണ്ട്. പ്ര​വാ​സി തൊ​ഴി​ലാ​ളി​ക​ൾ​ക്കും ടെ​ന്റി​ങ് സീ​സ​ൺ പ്ര​യോ​ജ​ന​പ്ര​ദ​മാ​ണ്. കൂ​ടാ​ര​ങ്ങ​ൾ സ്ഥാ​പി​ക്കു​ന്ന​തും ബ​ന്ധ​പ്പെ​ട്ട ജോ​ലി​ക​ൾ ചെ​യ്യു​ന്ന​തും പ്ര​വാ​സി തൊ​ഴി​ലാ​ളി​ക​ളാ​ണ്. ടെ​ന്‍റ്​ കെ​ട്ടു​ന്ന​വ​ർ​ക്കു​ള്ള സു​ര​ക്ഷാ നി​ർ​ദേ​ശ​ങ്ങ​ൾ ഓ​ൺ​ലൈ​നാ​യി ല​ഭ്യ​മാ​ക്കി​യി​ട്ടു​ണ്ട്.