പ്ര​വാ​സ​ലോ​ക​ത്തെ മ​ല​യാ​ളി​യു​ടെ ഉ​റ്റ​ച​ങ്ങാ​തി​യാ​യ ദി​ന​പ​​ത്രം

മ​നാ​മ: മാ​ധ്യ​മം പ​ത്ര​ത്തി​ന്റെ രാ​ഷ്ട്രീ​യ​ത്തോ​ട് യോ​ജി​പ്പി​ല്ലാ​ത്ത​യാ​ളാ​ണ് ഞാ​ൻ. എ​ന്നാ​ൽ, പ്ര​വാ​സ​ലോ​ക​ത്തെ മ​ല​യാ​ളി​യു​ടെ ഉ​റ്റ​ച​ങ്ങാ​തി​യാ​ണ് ഗ​ൾ​ഫ്മാ​ധ്യ​മം. പ​ത്ര​ത്തി​ന്റെ ര​ണ്ടാം പേ​ജ് പ്ര​വാ​സി​ക​ൾ​ക്ക് ന​ൽ​കു​ന്ന പി​ന്തു​ണ​യും ക​രു​ത​ലും ഒ​ട്ടും ചെ​റു​ത​ല്ല. നി​യ​മ​ങ്ങ​ളും ഊ​രാ​ക്കു​ടു​ക്കു​ക​ളും ച​തി​യും വ​ഞ്ച​ന​യു​മെ​ല്ലാം വാ​യ​ന​ക്കാ​രി​ലെ​ത്തി​ക്കു​ന്ന​തി​ലും അ​വ​രെ ബോ​ധ​വാ​ന്മാ​രാ​ക്കു​ന്ന​തി​ലും ഗ​ൾ​ഫ്മാ​ധ്യ​മം കാ​ണി​ക്കു​ന്ന ജാ​ഗ്ര​ത ക​ഴി​ഞ്ഞ കാ​ൽ​നൂ​റ്റാ​ണ്ടാ​യി ശ്ര​ദ്ധി​ക്കു​ന്ന ഒ​രാ​ളാ​ണ് ഞാ​ൻ.

മ​ല​യാ​ളി​യു​ടെ സാം​സ്കാ​രി​ക പ്ര​വ​ർ​ത്ത​ന​ത്തി​ന് ന​ൽ​കു​ന്ന പ​രി​ഗ​ണ​ന​യും പി​ന്തു​ണ​യും എ​ടു​ത്തു​പ​റ​യേ​ണ്ട​താ​ണ്. മു​ഖ്യ​ധാ​ര സാം​സ്കാ​രി​ക സം​ഘ​ട​ന​ക​ളും ജാ​തി​മ​ത സം​ഘ​ട​ന​ക​ളും അ​ലു​മ്നി അ​സോ​സി​യേ​ഷ​നു​ക​ളും സാ​ഹോ​ദ​ര്യ കൂ​ട്ടാ​യ്മ​ക​ളും പ്രാ​ദേ​ശി​ക സം​ഘ​ട​ന​ക​ളു​മെ​ല്ലാം ന​ട​ത്തി​വ​രു​ന്ന പ്ര​വ​ർ​ത്ത​ന​ങ്ങ​ൾ​ക്ക് ഗ​ൾ​ഫ്മാ​ധ്യ​മം വ​ലി​യ ഊ​ർ​ജ​മാ​ണ് ന​ൽ​കി​വ​രു​ന്ന​ത്.

2003ൽ ​ബ​ഹ്റൈ​ൻ പ്ര​തി​ഭ സം​ഘ​ടി​പ്പി​ച്ച കൈ​ര​ളി പ​ജ​ൻ​ട്രി​യെ മ​ല​യാ​ളി​യു​ടെ മ​ഹോ​ത്സ​വ​മെ​ന്ന് പ്ര​​ത്യേ​ക പ​തി​പ്പി​റ​ക്കി പ്ര​ച​രി​പ്പി​ച്ച​ത് ഞാ​നോ​ർ​മി​ക്കു​ക​യാ​ണ്. മാ​ധ്യ​മ​ങ്ങ​ളു​ടെ മൂ​ല്യ​ച്യു​തി​യെ​ക്കു​റി​ച്ച് ഗൗ​ര​വ​പൂ​ർ​വം ച​ർ​ച്ച ചെ​യ്യ​പ്പെ​ടേ​ണ്ടു​ന്ന ഭീ​തി​ദ​മാ​യ അ​ന്ത​രീ​ക്ഷ​ത്തി​ലാ​ണ് പ്ര​വാ​സ​ലോ​ക​ത്ത് ഈ ​പ​ത്രം കാ​ൽ​നൂ​റ്റാ​ണ്ട് പൂ​ർ​ത്തി​യാ​ക്കു​ന്ന​ത്.

ജ​നാ​ധി​പ​ത്യ​ത്തി​ന്റെ നാ​ലാം തൂ​ണാ​യ മീ​ഡി​യ അ​തി​ന്റെ അ​ന്ത​സ്സ​ത്ത നി​ല​നി​ർ​ത്തി മു​ന്നോ​ട്ടു​പോ​യാ​ൽ ജ​ന​ങ്ങ​ളു​ടെ വി​ശ്വാ​സം ആ​ർ​ജി​ക്കാ​ൻ സാ​ധി​ക്കും.

അ​ല്ലാ​ത്ത​പ​ക്ഷം ജ​ന​ങ്ങ​ൾ​ക്ക് മു​ന്നി​ൽ പ​രി​ഹാ​സ്യ​രാ​കും. പ്ര​ഭാ​ത​ഭ​ക്ഷ​ണ​ത്തോ​ടൊ​പ്പം പ്ര​വാ​സ​ലോ​ക​ത്ത് ഗ​ൾ​ഫ്മാ​ധ്യ​മ​വും മ​ല​യാ​ളി​ക്ക് ഇ​ഷ്ട​വി​ഭ​വ​മാ​ണ്. സ​ത്യ​സ​ന്ധ​ത​യും നി​ഷ്പ​ക്ഷ​ത​യും സാ​മൂ​ഹി​ക പ്ര​തി​ബ​ദ്ധ​ത​യും നി​ല​നി​ർ​ത്തി മു​ന്നോ​ട്ടു​പോ​കാ​ൻ ഗ​ൾ​ഫ്മാ​ധ്യ​മ​ത്തി​ന് ക​ഴി​യ​ട്ടെ എ​ന്നാ​ശം​സി​ക്കു​ന്നു.