യു.എസ് മറൈന്‍ ഫോഴ്​സ്​ കമാൻഡറുമായി പ്രധാനമന്ത്രി ചർച്ച നടത്തി

മനാമ: യു.എസ് ഫിഫ്​ത്​ മറൈന്‍ ഫോഴ്​സ്​ കമാൻഡര്‍ അഡ്​മിറല്‍ സാമുവല്‍ ബാബ്റോയുമായി കിരീടാവകാശിയും പ്രധാനമന്ത്രിയുമായ പ്രിന്‍സ് സല്‍മാന്‍ ബിന്‍ ഹമദ് ആല്‍ ഖലീഫ കൂടിക്കാഴ്​ച നടത്തി. റിഫ പാലസില്‍ നടന്ന കൂടിക്കാഴ്​ചയില്‍ ഇരു രാജ്യങ്ങളും തമ്മില്‍ നിലനില്‍ക്കുന്ന ബന്ധവും സഹകരണവും ചര്‍ച്ചയായി. മേഖലയിലെയും അന്താരാഷ്ട്ര രംഗത്തെയും വിവിധ പ്രശ്​നങ്ങളും ഇരുവരും ചര്‍ച്ച നടത്തി. മേഖലയുടെ സുരക്ഷക്ക് അമേരിക്ക വഹിക്കുന്ന പങ്കിനെ പ്രിന്‍സ് സല്‍മാന്‍ നന്ദിപൂര്‍വം അനുസ്​മരിച്ചു.