കോ​വി​ഡ്​ വ്യാ​പ​നം ത​ട​യൽ ജ​ന​ങ്ങ​ളു​ടെ ഉ​ത്ത​ര​വാ​ദി​ത്തം വ​ലു​ത്​ –ആ​രോ​ഗ്യ അ​ണ്ട​ർ സെ​ക്ര​ട്ട​റി

-മ​നാ​മ: കോ​വി​ഡ്​ വ്യാ​പ​നം നേ​രി​ടു​ന്ന​തി​ൽ ജ​ന​ങ്ങ​ൾ​ക്ക്​ നി​ർ​ണാ​യ​ക പ​ങ്കാ​ണു​ള്ള​തെ​ന്ന്​ ആ​രോ​ഗ്യ മ​ന്ത്രാ​ല​യ​ത്തി​ലെ അ​ണ്ട​ർ​സെ​ക്ര​ട്ട​റി ഡോ. ​വ​ലീ​ദ്​ ഖ​ലീ​ഫ അ​ൽ മാ​നി​അ്​ പ​റ​ഞ്ഞു. രോ​ഗി​ക​ളു​ടെ എ​ണ്ണം കൂ​ടു​ന്ന​തി​നാ​ൽ അ​തീ​വ ജാ​ഗ്ര​ത പു​ല​ർ​ത്തേ​ണ്ട സ​മ​യ​മാ​ണി​തെ​ന്നും അ​ദ്ദേ​ഹം ഒാ​ർ​മി​പ്പി​ച്ചു. ബ​ന്ധ​പ്പെ​ട്ട അ​ധി​കൃ​ത​ർ ന​ൽ​കു​ന്ന മു​ൻ​ക​രു​ത​ൽ നി​ർ​ദേ​ശ​ങ്ങ​ൾ പാ​ലി​ക്കാ​ൻ എ​ല്ലാ​വ​രും ത​യാ​റാ​ക​ണം. സ​മൂ​ഹ​ത്തി​ലെ എ​ല്ലാ​വ​രു​ടെ​യും ആ​രോ​ഗ്യം സം​ര​ക്ഷി​ക്കാ​ൻ ഇ​ത്​ അ​നി​വാ​ര്യ​മാ​ണ്.

ജ​ന​ങ്ങ​ളു​ടെ അ​വ​ബോ​ധ​വും സ​ഹ​ക​ര​ണ​വും ഇ​ല്ലാ​തെ ഇൗ ​വെ​ല്ലു​വി​ളി വി​ജ​യ​ക​ര​മാ​യി നേ​രി​ടാ​ൻ ക​ഴി​യി​ല്ല. എ​ല്ലാ സ്വ​ദേ​ശി​ക​ളും പ്ര​വാ​സി​ക​ളും സ​മൂ​ഹ​ത്തി​െൻറ ന​ന്മ​ക്കും സു​ര​ക്ഷി​ത​ത്വ​ത്തി​നും ക്രി​യാ​ത്​​മ​ക​മാ​യ സം​ഭാ​വ​ന ന​ൽ​ക​ണം. കെ​ാ​റോ​ണ വൈ​റ​സി​െൻറ പു​തി​യ വ​ക​ഭേ​ദം ബ​ഹ്​​റൈ​നി​ൽ ക​ണ്ടെ​ത്തി​യ സാ​ഹ​ച​ര്യ​ത്തി​ൽ ജ​ന​ങ്ങ​ൾ അ​ലം​ഭാ​വം കാ​ണി​ക്ക​രു​ത്. കോ​വി​ഡ്​ വ്യാ​പ​നം ത​ട​യാ​ൻ പു​റ​പ്പെ​ടു​വി​ച്ചി​ട്ടു​ള്ള മു​ൻ​ക​രു​ത​ൽ നി​ർ​ദേ​ശ​ങ്ങ​ൾ പാ​ലി​ക്കാ​ൻ എ​ല്ലാ​വ​രും ത​യാ​റാ​ക​ണ​മെ​ന്നും അ​ദ്ദേ​ഹം പ​റ​ഞ്ഞു.

759 പേർക്കുകൂടി കോവിഡ്

മനാമ: ബഹ്​റൈനിൽ പുതുതായി 759 പേർക്കുകൂടി കോവിഡ്​ സ്ഥിരീകരിച്ചു. ഇവരിൽ 306 പേർ പ്രവാസികളാണ്​. 440 പേർക്ക്​ സമ്പർക്കത്തിലൂടെയും 13 പേർക്ക്​ യാത്രയിലൂടെയുമാണ്​ രോഗം പകർന്നത്​. നിലവിൽ 6131 പേരാണ്​ ചികിത്സയിൽ കഴിയുന്നത്​. പുതുതായി 660 പേർ സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. ഇതോടെ, രാജ്യത്ത്​ രോഗമുക്തി നേടിയവരുടെ എണ്ണം 1,02,289 ആയി ഉയർന്നു. ബുധനാഴ്​ച രണ്ടുപേർ കൂടി കോവിഡ്​ ബാധിച്ച്​ മരിച്ചു. ഒരു സ്വദേശി വനിതയും ഒരു പ്രവാസി വനിതയുമാണ്​ മരിച്ചത്​.

കോ​വി​ഡ് വാ​ക്​​സി​ന്‍ സ്വീ​ക​രി​ച്ച​വ​രു​ടെ എ​ണ്ണം 2,12,940

മ​നാ​മ: രാ​ജ്യ​ത്ത് കോ​വി​ഡ് വാ​ക്​​സി​ൻ സ്വീ​ക​രി​ച്ച​വ​രു​ടെ എ​ണ്ണം 2,12,940 ആ​യ​താ​യി ആ​രോ​ഗ്യ മ​ന്ത്രാ​ല​യം അ​റി​യി​ച്ചു. ക​ഴി​ഞ്ഞ ദി​വ​സം 11,824 പേ​രാ​ണ് വാ​ക്​​സി​ന്‍ സ്വീ​ക​രി​ക്കാ​ന്‍ മു​ന്നോ​ട്ടു​വ​ന്ന​ത്.