12-17 പ്രായക്കാർക്ക് ഇഷ്ടാനുസരണം രണ്ടാം ബൂസ്റ്റർ ഡോസ്

മനാമ: ബഹ്റൈനിൽ 12-17 പ്രായക്കാർക്ക് ഇഷ്ടാനുസരണം രണ്ടാം ബൂസ്റ്റർ ഡോസിന് ദേശീയ മെഡിക്കൽ പ്രതിരോധ സമിതി അനുമതി നൽകി. അവസാന ഡോസ് സ്വീകരിച്ച് ഒമ്പതുമാസം കൂടുമ്പോൾ ഇവർക്ക് കോവിഡ് -19 ബൂസ്റ്റർ ഡോസ് സ്വീകരിക്കാം. തീരുമാനം വെള്ളിയാഴ്ച മുതൽ പ്രാബല്യത്തിൽ വരും.

ഫൈസർ-ബയോൺടെക് വാക്സിൻ അല്ലെങ്കിൽ, ആദ്യ ബൂസ്റ്റർ ഡോസായി സ്വീകരിച്ച വാക്സിൻ രണ്ടാം ബൂസ്റ്റർ ഡോസായി സ്വീകരിക്കാം. രോഗമുക്തി നേടിയവർക്ക് രോഗം സ്ഥിരീകരിച്ച തീയതി മുതൽ ആറുമാസത്തിന് ശേഷവും ആദ്യ ഡോസ് സ്വീകരിച്ച് ഒമ്പത് മാസത്തിനുശേഷവും ഇഷ്ടാനുസരണം രണ്ടാം ബൂസ്റ്റർ ഡോസ് സ്വീകരിക്കാം.