ഗസ്സയിൽ സമാധാനശ്രമങ്ങളുണ്ടാകണമെന്ന്​ ബഹ്​റൈൻ; അടിയന്തര ഇടപെടൽ ആവശ്യം

മനാമ: ഗസ്സയിലെ സംഭവവികാസങ്ങൾ ബഹ്​റൈൻ വിലയിരുത്തുകയും സമാധാന ശ്രമങ്ങളുണ്ടാകണമെന്ന്​ അന്താരാഷ്​ട്ര സമൂഹത്തോട്​ ആവ​ശ്യപ്പെടുകയും ചെയ്​തു. ഫലസ്​തീനിലെ​ വിവിധ ഗ്രൂപ്പുകളും ഇസ്രാ​യേൽ സൈനികരും തമ്മിൽ നടക്കുന്ന ആക്രമണങ്ങളിൽ നൂറിലധികംപേർ കൊല്ലപ്പെടുകയും ആയിരത്തിലധികം പേർക്ക്​ പരിക്കേൽക്കുകയും ചെയ്​തിട്ടുണ്ട്​. സമാധാനം തിരികെ കൊണ്ടുവരുന്നതിന്​ എല്ലാവരും സംയമനത്തിലേക്കും സമവായത്തിലേക്കും എത്തേണ്ടതുണ്ട്​. അക്രമങ്ങൾ തുടരുന്നത്​ സമാധാനശ്രമങ്ങളെ ബഹുദൂരം അകറ്റുകയും മേഖല അശാന്തമാവുകയും ചെയ്യും. അന്താരാഷ്​ട്ര നിയമങ്ങളനുസരിച്ച്​ സമാധാനപൂർണമായ അന്തരീക്ഷം തിരികെയെത്തിക്കുന്നതിന്​ അടിയന്തര ഇടപെടൽ ആവശ്യമാണെന്നും ബഹ്​റൈൻ വിദേശകാര്യ മന്ത്രാലയം പ്രസ്​താവനയിൽ വ്യക്തമാക്കി.