വിലക്ക് ലംഘിച്ച് ചെമ്മീൻ പിടിച്ചു; രണ്ടുപേർ പിടിയിൽ

മനാമ: വിലക്ക് ലംഘിച്ച് ചെമ്മീൻ പിടിച്ചതിന്​ രണ്ട്​ പേരെ കസ്റ്റഡിയിലെടുത്തതായി കോസ്റ്റ്​ ഗാർഡ്​ അധികൃതർ അറിയിച്ചു. 33ഉം 37ഉം പ്രായമുള്ള രണ്ട്​ പേരാണ്​ പിടിയിലായത്​. കർസകാനിൽ വെച്ച്​ രണ്ട്​ വാഹനങ്ങളിൽ നിന്നാണ്​ ചെമ്മീൻ കണ്ടെടുത്തത്​.

മൊത്തം 60 കിലോ ചെമ്മീനാണ്​ നിരോധിത വലയായ കുറാഫ്​ ഉപയോഗിച്ച്​ പിടിച്ചതായി കണ്ടെത്തിയത്​. നിയമ നടപടികൾക്കായി ഇവരെ റിമാൻഡ് ചെയ്​തിരിക്കുകയാണ്​.