യുനസ്​കോ പൈതൃക പട്ടികയിലേക്ക്​ ഡെൻമാർക്കിലെയും ജർമനിയിലെയും ചരിത്രദേശങ്ങൾ കൂടി

മനാമ: യുനസ്​കോയുടെ ലോക പൈതൃക പട്ടികയിൽ രണ്ട്​ പുരാതന ചരിത്രങ്ങൾ ആലേഖനം ചെയ്യപ്പെട്ട സ്ഥലങ്ങളെ കൂടി ഉൾ​പ്പെടുത്തി. ഡെൻമാർക്കിലെയും ജർമനിയിലെയും ആദിമ സംസ്​കാരം പേറുന്ന ഇടങ്ങളാണ്​ നിലവിലുള്ള പൈതൃക സംരക്ഷണ പട്ടികയിലേക്ക്​ ഇടംപിടിച്ചത്​. ​ബഹ്​റൈനിൽ  നടന്നുവരുന്ന ലോക പൈതക സമ്മേളനത്തി​​െൻറ പ്രത്യേക സെഷനിലായി  ൈശഖ ഹയ ബിൻത്​ റാഷിദ്​ ആൽ ഖലീഫയുടെ അധ്യക്ഷതയിൽ നടന്ന ​യോഗമാണ്​ ഇൗ നിർണ്ണായക തീരുമാനം കൈക്കൊണ്ടത്​.  

ഡെൻമാർക്കിലെ ആസിവിസ്സയിത്​-നിപിസാത്​  മഞ്ഞുകട്ടകളുടെയും സമുദ്രത്തി​​െൻറയും ഇടയിലുള്ള ദ്വീപ്​ പ്രദേശമാണ്​. സാംസ്​കാരിക ചരിത്രങ്ങളുടെ വിളനിലമാണ്​ ഇൗ മേഖല. വെസ്​റ്റ്​  ഗ്രീൻലാൻറി​​െൻറ മധ്യഭാഗത്ത് 4,200 വർഷത്തെ മനുഷ്യ ചരിത്രത്തി​​െൻറ അവശിഷ്​ടങ്ങൾ അടങ്ങിയിരിക്കുന്ന സ്ഥലമാണിവിടെ. ഭൂമി, കടൽ മൃഗങ്ങൾ, സീസൻ അനുസരിച്ചുള്ള ദേശാടനങ്ങൾ, കാലാവസ്ഥ, കപ്പലോട്ടം, ഒൗഷധങ്ങൾ  എന്നിവയുമായി ബന്ധപ്പെട്ട സമ്പന്നവും സംരക്ഷിക്കപ്പെ​േടണ്ടതുമായ സാംസ്​കാരികതയുടെ   പ്രകൃതിദത്തമായ കലവറയാണിത്​. വലിയ ശീതകാല ക്ഷേത്രങ്ങളും, പാലിയോ-ഇൻയൂട്  സംസ്​കാരങ്ങളിൽ നിന്നുള്ള പുരാവസ്​തു പ്രദേശങ്ങൾ എന്നിവയും മേഖലയുടെ പ്രത്യേകതയാണ്​. പുരാതന മനുഷ്യ കുടിയേറ്റത്തി​​െൻറ സ്​മാരങ്ങളുടെ അവശേഷിപ്പുകൾ ഇവിടെ തെളിഞ്ഞുകാണാം.

ജർമനിയിലെ പ​ുരാചരിത്രം പേറുന്ന ഹെബി, ദാനെവിർകെ എന്നിവയാണ്​ യുനസ്​കോ പൈതൃകയിൽ രണ്ടാമതായി ഇടംപിടിച്ചിരിക്കുന്നവ. ആദ്യ കാല നാഗരികതയുടെ അടയാളപ്പെട​ുത്തലുകൾ ഇവിടെ തെളിഞ്ഞുകാണാവുന്നതാണ്​.  ക്രിസ്​തുവർഷം ഒന്നും രണ്ടും നൂററാണ്ടുകളിലായി നിർമിക്കപ്പെട്ടതെന്ന്​ കരുതുന്ന റോഡുകളും കെട്ടിടങ്ങളും ശവകുടീരങ്ങളും തുറമുഖവും എല്ലാം ഇവിടെ ഉണ്ടായിരുന്നതായി ഗവേഷകർ കണ്ടെത്തിയിട്ടുണ്ട്​. ആദ്യകാല സമുദ്ര സഞ്ചാരികളുടെ അധിനിവേശമായിരുന്നു ഇതെന്നും തെളിവുകൾ ചൂണ്ടിക്കാട്ടുന്നു. തൊഴിൽ നഗരങ്ങൾ ഉൾപ്പെടെയുള്ള  നിരവധി കാഴ്​ചകളാണ്​ ചരിത്രകാരൻമാർക്ക്​ ഇവിടെ നിന്നും ലഭിച്ചതും.   യൂറോപ്പിലെ സാമ്പത്തിക, സാമൂഹ്യ, ചരിത്ര സംഭവവികാസങ്ങളുടെ ആദിമ സാംസ്​കാരികത കൂടി അടയാളപ്പെടുത്തപ്പെട്ട ഇൗ മേഖലക്ക്​ യുനസ്​കോ പൈതൃക പട്ടികയിലേക്ക്​ പദവി നൽകു​േമ്പാൾ, ചരിത്രം വീണ്ടും ആദരിക്കപ്പെടുക കൂടിയാണ്​.