ദു​ബൈ​യി​ൽ സ​ന്ദ​ർ​ശ​ക വി​സ നി​യ​മം ക​ർ​ശ​നം; വിസ പുതുക്കാനെത്തിയവർ ബ​ഹ്റൈ​നി​ൽ കു​ടു​ങ്ങി

മ​നാ​മ: ദു​ബൈ​യി​ൽ സ​ന്ദ​ർ​ശ​ക വി​സ നി​യ​മം ക​ർ​ശ​ന​മാ​ക്കി​യ​തോ​ടെ, സ​ന്ദ​ർ​ശ​ക വി​സ കാ​ലാ​വ​ധി ക​ഴി​ഞ്ഞ് പു​തി​യ വി​സ​യി​ൽ തി​രി​ച്ചെ​ത്താ​നാ​യി ബ​ഹ്റൈ​ന​ട​ക്ക​മു​ള്ള ജി.​സി.​സി രാ​ജ്യ​ങ്ങ​ളി​ലെ​ത്തി​യ​വ​ർ കു​ടു​ങ്ങി. ദു​ബൈ​യി​ലേ​ക്ക് തി​രി​ച്ചു​പോ​കാ​നാ​കാ​തെ ഇ​ങ്ങ​നെ നി​ര​വ​ധി​പേ​ർ ബ​ഹ്റൈ​ൻ വി​മാ​ന​ത്താ​വ​ള​ത്തി​ൽ മൂ​ന്നു ദി​വ​സ​മാ​യി കു​ടു​ങ്ങി​ക്കി​ട​ക്കു​ക​യാ​ണ്.

സ​ന്ദ​ർ​ശ​ക വി​സ കാ​ലാ​വ​ധി ക​ഴി​ഞ്ഞ​വ​ർ, എ​ക്സി​റ്റ് അ​ടി​ച്ച് ബ​ഹ്റൈ​ന​ട​ക്ക​മു​ള്ള രാ​ജ്യ​ങ്ങ​ളി​ലെ​ത്തി വീ​ണ്ടും പു​തി​യ വി​സ എ‍ടു​ത്ത് യു.​എ.​ഇ​യി​ലേ​ക്ക് തി​രി​ച്ചെ​ത്തു​ക​യാ​യി​രു​ന്നു ഇ​തു​വ​രെ. സ്വ​ന്തം നാ​ട്ടി​ലേ​ക്ക് മ​ട​ങ്ങാ​നു​ള്ള ചെ​ല​വ് കൂ​ടു​ത​ലാ​യ​തി​നാ​ലാ​ണ് ഇ​ങ്ങ​നെ എ​ക്സി​റ്റ് അ​ടി​ക്കാ​നാ​യി ജി.​സി.​സി രാ​ജ്യ​ങ്ങ​ൾ തി​ര​ഞ്ഞെ​ടു​ക്കു​ന്ന​ത്. എ​ന്നാ​ൽ, ദു​​ബൈ ഇ​​മി​​ഗ്രേ​​ഷ​​ൻ അ​​ധി​​കൃ​​ത​ർ ക​ഴി​ഞ്ഞ​യാ​ഴ്ച മു​ത​ൽ നി​യ​മം ക​ർ​ശ​ന​മാ​ക്കി​യ​തോ​ടെ ഇ​ങ്ങ​നെ എ​ത്തി​യ​വ​ർ വെ​ട്ടി​ലാ​യി.

ദു​​ബൈ​​യി​​ലേ​​ക്ക്​ ടൂ​​റി​​സ്റ്റ്, സ​​ന്ദ​​ർ​​ശ​​ക വി​​സ​​ക്ക്​ അ​​പേ​​ക്ഷ സ​​മ​​ർ​​പ്പി​​ക്കു​​മ്പോ​​ൾ ഹോ​​ട്ട​​ൽ ബു​​ക്കി​​ങ് രേ​​ഖ​​ക​​ളും​ റി​​ട്ടേ​​ൺ ടി​​ക്ക​​റ്റും അ​​പ്​​​ലോ​​ഡ്​ ചെ​​യ്യ​​ണ​​മെ​​ന്നാ​​ണ്​ പു​തി​യ നി​​ർ​​ദേ​​ശം. ക്യു.​​ആ​​ർ കോ​​ഡു​​ള്ള ഹോ​​ട്ട​​ൽ ബു​​ക്കി​​ങ്​ രേ​​ഖ​​യോ താ​​മ​​സി​​ക്കാ​​ൻ പോ​​കു​​ന്ന സ്ഥ​​ല​​ത്തി​​ന്‍റെ രേ​​ഖ​​ക​​ളോ ആ​​ണ്​ ന​​ൽ​​കേ​​ണ്ട​​ത്. കൂ​​ടാ​​തെ മ​​ട​​ക്ക യാ​​ത്ര​​ക്കു​​ള്ള ടി​​ക്ക​​റ്റി​​ന്‍റെ പ​​ക​​ർ​​പ്പും സ​​മ​​ർ​​പ്പി​​ക്ക​​ണം.

എ​ന്നാ​ൽ, പു​തി​യ വ്യ​വ​സ്ഥ​ക​ള​റി​യാ​തെ​യാ​ണ് മ​ല​യാ​ളി​ക​ള​ട​ക്കം എ​ക്സി​റ്റ് അ​ടി​ക്കാ​നാ​യി ടി​ക്ക​റ്റെ​ടു​ത്ത് ബ​ഹ്റൈ​നി​ലെ​ത്തി​യ​ത്. ദു​ബൈ​യി​ലേ​ക്ക് പു​തി​യ സ​ന്ദ​ർ​ശ​ക വി​സ​ക്ക് അ​പേ​ക്ഷി​ച്ച ഇ​വ​രു​ടെ​യെ​ല്ലാം അ​പേ​ക്ഷ നി​ര​സി​ക്ക​പ്പെ​ടു​ക​യാ​യി​രു​ന്നു. തു​ട​ർ​ന്ന് ഇ​വ​രി​ൽ ഭൂ​രി​ഭാ​ഗ​വും ഇ​മി​ഗ്രേ​ഷ​നി​ൽ രേ​ഖ​ക​ൾ ഹാ​ജ​രാ​ക്കി ഇ​ന്ത്യ​യി​ലേ​ക്ക് പോ​കു​ക​യാ​ണ്.

എ​ന്നാ​ൽ, പ​ല​രു​ടേ​യും കൈ​വ​ശം ആ​വ​ശ്യ​ത്തി​ന് പ​ണം ഇ​ല്ലാ​തി​രു​ന്ന​തി​നാ​ൽ ടി​ക്ക​റ്റെ​ടു​ക്കാ​ൻ സാ​ധി​ച്ചി​ല്ല. സ്ത്രീ​ക​ളും കു​ട്ടി​ക​ളു​മ​ട​ക്കം നി​ര​വ​ധി​പേ​ർ ഭ​ക്ഷ​ണ​ത്തി​നും ബു​ദ്ധി​മു​ട്ടി. നി​യ​മ​ത്തി​ൽ വ​ന്ന മാ​റ്റം സം​ബ​ന്ധി​ച്ച് ട്രാ​​വ​​ൽ ഏ​​ജ​​ൻ​​സി​​ക​ൾ അ​റി​യി​ച്ചി​രു​ന്നി​ല്ലെ​ന്ന് യാ​ത്ര​ക്കാ​ർ പ​റ​ഞ്ഞു.