നബിൽ അൽ ബുസയ്​ദി ദക്ഷിണധ്രുവത്തിലേക്ക് നടക്കാൻ ഒരുങ്ങുന്നു

മനാമ: അറബ്​ പര്യവേക്ഷകനായ നബിൽ അൽ ബുസയ്​ദി വീണ്ടും സാഹസികയുടെ ലക്ഷ്യത്തിലേക്ക്​ നടന്നടുക്കാന​ുള്ള ഒരുക്കത്തിലാണ്​. വടക്കേധ്രുവത്തിൽ കൂടി 650 കിലോമീറ്റർ നടന്ന്​ ചരിത്രമെഴുതിയിട്ടുണ്ട്​. ഇനി  അൻറാർട്ടിക്ക തീരത്ത് നിന്ന് 1,000 കിലോമീറ്റർ അകലെയുള്ള ദക്ഷിണധ്രുവത്തിലേക്ക് നടക്കുന്ന ആദ്യ ജി.സി.സി പൗരൻ എന്ന ചരിത്രനേട്ടമാണ്​ ആഗ്രഹിക്കുന്നത്​. അടുത്ത വർഷത്തോടെയായിരിക്കും ഇതിനുള്ള ശ്രമം. ബഹ്​റൈനിൽ  14 വർഷങ്ങൾ ചെലവിട്ട വ്യക്തിയാണ്​ നബിൽ.

പിതാവ്   ഗൾഫ് എയർ ജീവനക്കാരനായിരുന്നതിനാലാണ്​ ബഹ്​റൈനിനിൽ 1998 മുതൽ 2011 വരെ താമസിച്ചിരുന്നത്​.  ത​​​െൻറ ജീവിതത്തിലെ ഏറ്റവും സുന്ദരമായ കാലമായിരുന്നു ബഹ്​റൈനിലെ താമസകാലമെന്നും നബീൽ വ്യക്തമാക്കി. കുട്ടിക്കാലത്ത് ബഹ്റൈനിലെ സ​​െൻറ്​ ക്രിസ്​റ്റഫർസ് സ്കൂളിലായിരുന്നു  ആദ്യ പഠനം. ഇൗ സ്​കൂളിൽ സന്ദർശനം നടത്തി നബീൽ കുട്ടികളോട്​ അടുത്തിടെ സംവദിച്ചിരുന്നു. അപകടം പതിയിരിക്കുന്ന പാതകളെ കീഴടക്കി നിരന്തര യാത്രകൾ നടത്തി വിജയിച്ച ഇൗ സാഹസികൻ നിരവധി യാത്രാപുസ്​തകങ്ങളും രചിച്ചിട്ടുണ്ട്​. 2010 ൽ എവറസ്​റ്റ്​ കീഴടക്കുകയും തൊട്ടടുത്ത വർഷത്തിൽ അറ്റ്ലാൻറിക്​ സമുദ്രം കടന്നും കഴിവ്​ തെളിയിച്ചു.

2011 ലാണ്​ നബീലി​​​െൻറ ആദ്യപുസ്​തകമായ ‘ദ അറബ്​ ഹു റ്റ​ുക്​ ഒാൺ ദ ആർട്ടിക്​’  പുറത്തിറങ്ങിയത്​. കൊടും ശൈത്യത്തിനെ അതിജീവിച്ചുകൊണ്ട്​ ആർട്ടിക്കിൽ 650 കിലോമീറ്റർ നടന്നുള്ള യാത്രാനുഭവങ്ങളായിരുന്നു അതി​ലുൾക്കൊള്ളിച്ചിരുന്നത്​. മൈനസ്​ 32 മുതൽ 42 വരെയുള്ള തണുപ്പിനെ തോൽപ്പിച്ചുകൊണ്ട്​ നടത്തിയ യാത്ര നബീലിന്​ നൽകിയ ഉൗർജം വലുതായിരുന്നു. പുസ്​തകം സഞ്ചാരികളിൽ പ്രശസ്​തമാകുകയും ചെയ്​തു. പുസ്​തക രചനയിൽ നിന്നുള്ള വരുമാനം ചാരിറ്റി പ്രവർത്തനങ്ങൾക്ക്​ നൽകുകയാണ്​ ഇദ്ദേഹത്തി​​​െൻറ രീതി. വടക്കേ ധ്രുവത്തിൽകൂടിയുള്ള യാത്രാനുഭവം എഴുതിയതി​​​െൻറ റോയൽറ്റി ജീവകാരുണ്യ പ്രവർത്തനങ്ങൾക്ക്​ നൽകി​. ജി.സി.സി രാജ്യങ്ങളിലെ 50 സ്​കൂളുകളിൽ സന്ദർശനം നടത്തുകയും വിവിധ രാജ്യങ്ങളിൽ ചാരിറ്റി പ്രവർത്തനം നടത്തുകയും ചെയ്​തിട്ടുള്ള നബീൽ അൽ ബുസയ്​ദിക്ക്​ യാത്ര ജീവിതകാലം മുഴുവൻ തുടരണമെന്ന ആഗ്രഹക്കാരനാണ്​.