തൊഴിൽ സമയവും വിശ്രമവും

തൊഴിൽ നിയമപ്രകാരം തൊഴിൽ സമയവും വിശ്രമവും താഴെ പറയുന്നവയാണ്​.

1. സാധാരണ രീതിയിൽ ഒരു ദിവസം എട്ട്​ മണിക്കൂർ അല്ലെങ്കിൽ ആഴ​്​ചയിൽ 48 മണിക്കൂറാണ്​ തൊഴിൽസമയം. ഇൗ വ്യവസ്​ഥ എല്ലാ തൊഴിലാളികൾക്കും ബാധകമാണ്​. ഒരു തൊഴിലാളിയെക്കൊണ്ട്​ ഒരു ദിവസത്തിൽ 10 മണിക്കൂറിൽ കൂടുതൽ ജോലി ചെയ്യിക്കാൻ പാടില്ല. തൊഴിൽ സമയം ക്രമീകരിക്കു​േമ്പാൾ ഒരു തൊഴിലാളി 11 മണിക്കൂറിൽ കൂടുതൽ തൊഴിൽ സ്​ഥലത്ത്​ ഉണ്ടാകാൻ പാടില്ല. വിശ്രമസമയത്ത്​ തൊഴിലാളി തൊഴിൽ സ്​ഥലത്താണെങ്കിൽ അത്​ തൊഴിൽ സമയത്തി​െൻറ ഭാഗമാണ്​.

2. അനുബന്ധ വ്യവസ്​ഥകൾ പ്രകാരം ചില തൊഴിലി​െൻറ സ്വഭാവം മൂലം മുകളിൽ പറഞ്ഞ വ്യവസ്​ഥകൾ ബാധകമല്ല. പക്ഷേ, അവർ തൊഴിൽ സ്​ഥലത്ത്​ 12 മണിക്കൂറിൽ കൂടുതൽ ഉണ്ടാകാൻ പാടില്ല.

3. വെള്ളിയാഴ്​ച അവധി ദിവസമാണ്​. വേറെ ഏതെങ്കിലും ദിവസം അവധി നൽകിയാലും മതി. ആഴ​്​ചയിൽ കുറഞ്ഞത്​ 24 മണിക്കൂർ തുടർച്ചയായ വിശ്രമം നൽകണം. മാസത്തിൽ തുടർച്ചയായി രണ്ട്​ അവധി ദിവസം (വെള്ളിയാഴ്​ച) മാത്രമേ തൊഴിൽ ചെയ്യിക്കാൻ പാടുള്ളൂ.

4. മുസ്​ലിം തൊഴിലാളികൾ റമദാൻ മാസത്തിൽ ദിവസവും ആറ്​ മണിക്കൂർ അല്ലെങ്കിൽ ആഴ്​ചയിൽ 36 മണിക്കൂർ ജോലി ചെയ്​താൽ മതി.

5. ജോലി തുടങ്ങി ആറ്​ മണിക്കൂർ കഴിഞ്ഞാൽ കുറഞ്ഞത്​ 30 മിനിറ്റ്​​ വിശ്രമം നൽകണം. വിശ്രമസമയം തൊഴിൽ സമയത്തി​െൻറ ഭാഗമായി കണക്കാക്കില്ല. അതായത്​, എട്ട്​ മണിക്കൂറാണ്​ ജോലി സമയമെങ്കിൽ 30 മിനിറ്റ്​ വിശ്രമവും ചേർത്ത്​ എട്ടര മണിക്കൂർ ജോലി സ്​ഥലത്ത്​ ഉണ്ടായിരിക്കണം.

6. തൊഴിലുടമക്ക്​ ആവശ്യമെങ്കിൽ കൂടുതൽ സമയം ജോലി ചെയ്യാൻ തൊഴിലാളിയോട്​ ആവശ്യപ്പെടാം. എന്നാൽ, കൂടുതൽ സമയം തൊഴിലെടുത്താൽ ഒാവർടൈം നൽകണം. പകൽ സമയമാണെങ്കിൽ (രാവിലെ ഏഴ്​ മുതൽ വൈകീട്ട്​ ഏഴ്​ വരെ) ശമ്പളവും അതി​െൻറ കൂടെ 25 ശതമാനം അധിക തുകയും നൽകണം. രാത്രിയാണെങ്കിൽ ശമ്പളവും അതി​െൻറ കൂടെ 50 ശതമാനം അധിക തുകയും നൽകണം.

7. വെള്ളിയാഴ്​ചയും മറ്റ്​ അവധി ദിവസങ്ങളിലും ജോലി ചെയ്​താൽ ശമ്പളവും അതി​െൻറ കൂടെ 150 ശതമാനം അധിക തുകയും നൽകണം. അല്ലെങ്കിൽ വേറെ ഒരു ദിവസം അവധി നൽകണം. ഏത്​ വേണമെന്ന്​ തൊഴിലാളിക്ക്​ തീരുമാനിക്കാം.

8. തൊഴിലുടമ അധികാരപ്പെടുത്തിയ ഏജൻറ്​, സാധാരണ തൊഴിൽ സമയം തുടങ്ങുന്നതിന്​ മുമ്പും അത്​ കഴിഞ്ഞും ജോലി ചെയ്യുന്ന തൊഴിലാളികൾ, സെക്യൂരിറ്റി ഗാർഡുകൾ, ക്ലീനിങ്​ തൊഴിലാളികൾ എന്നിവർക്ക്​ മുകളിൽ പറഞ്ഞിരിക്കുന്ന വ്യവസ്​ഥകൾ ബാധകമല്ല. അനുബന്ധ വ്യവസ്​ഥകൾ പ്രകാരം ഇവരുടെ തൊഴിൽ സമയം, വിശ്രമം, ഒാവർടൈം എന്നിവ തീരുമാനിക്കാം.

9. എല്ലാ തൊഴിലാളികളും കാണത്തക്കവിധത്തിൽ തൊഴിൽ സമയം, ആഴ്​ചയിലുള്ള അവധി ദിവസം, വിശ്രമസമയം എന്നിവ എഴുതിനോട്ടിസ്​ ബോർഡിൽ പതിച്ചിരിക്കണം.

10. അനുബന്ധ വ്യവസ്​ഥകൾ പ്രകാരം ചില ജോലികൾ ചെയ്യുന്ന തൊഴിലാളിയുടെ പരമാവധി ജോലി സമയം നിശ്ചയിക്കാൻ തൊഴിൽ മന്ത്രാലയത്തിന്​ അധികാരമുണ്ട്​. ഇത്​ തൊഴിലി​െൻറ വ്യവസ്​ഥകളും സാഹചര്യവും അനുസരിച്ചായിരിക്കും.