യൂത്ത് ഇന്ത്യ ലേബർ ക്യാമ്പ് ഇഫ്താർ സംഘടിപ്പിച്ചു
text_fieldsയൂത്ത് ഇന്ത്യ ലേബർ ക്യാമ്പിൽ സംഘടിപ്പിച്ച ഇഫ്താർ
മനാമ: യൂത്ത് ഇന്ത്യയുടെ ആഭിമുഖ്യത്തിൽ അൽ മൊയ്ഡ് എയർ കണ്ടീഷനിങ്, ബാബുൽ കൺസ്ട്രക്ഷൻ, അസീരി കൺസ്ട്രക്ഷൻ, എയർമാക് കൺസ്ട്രക്ഷൻ ക്യാമ്പുകളിലായി ഇഫ്താർ സംഗമങ്ങൾ സംഘടിപ്പിച്ചു. സംഗമത്തിൽ മുന്നൂറോളം തൊഴിലാളികൾ പങ്കെടുത്തു. ഫ്രണ്ട്സ് സോഷ്യൽ അസോസിയേഷൻ എക്സിക്യൂട്ടിവ് അംഗം അബ്ദുൽ ഹക്ക് റമദാൻ സന്ദേശം നൽകി. സമൂഹത്തിൽ കഷ്ടതയനുഭവിക്കുന്ന ആളുകളെ ചേർത്തുപിടിക്കണമെന്നും അദ്ദേഹം ഓർമപ്പെടുത്തി.
മനസ്സിന്റെയും ശരീരത്തിന്റെയും ത്യാഗമാണ് നോമ്പിന്റെ ചൈതന്യമെന്നും അദ്ദേഹം കൂട്ടിച്ചേർത്തു. യൂത്ത് ഇന്ത്യ സേവനവിഭാഗം കൺവീനർ അൽത്താഫ് അഹ്മദ് സംഗമത്തിന് നേതൃത്വം നൽകി. യൂത്ത് ഇന്ത്യ അംഗങ്ങളായ സിറാജ് വി.പി, റഹീസ്, നൂർ, സാജിർ, റമീസ്, സാകിർ, സിറാജ് കിഴുപ്പുള്ളികര, ജുനൈസ്, ബാസിം റിഫ, അൻസീർ എന്നിവർ വളണ്ടിയർ സേവനമനുഷ്ഠിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.