ഹി​പ്പോ​ക​ൾ​ക്ക്​ തു​ണ​യാ​യി അ​ൽ​ഐ​ൻ മൃ​ഗ​ശാ​ല​യു​ണ്ട്

ലോ​ക​ത്ത് വം​ശ​നാ​ശ​ഭീ​ഷ​ണി നേ​രി​ടു​ന്ന ഹി​പ്പോ​പ്പൊ​ട്ടാ​മ​സു​ക​ളെ സം​ര​ക്ഷി​ക്കു​ക​യും പ​രി​പാ​ലി​ക്കു​ക​യും ചെ​യ്യു​ന്ന​തി​ന് വൈ​വി​ധ്യ​മാ​ർ​ന്ന മൃ​ഗ​ക്ഷേ​മ പ​രി​പാ​ടി​ക​ളാ​ണ് അ​ൽ​ഐ​ൻ മൃ​ഗ​ശാ​ല ഒ​രു​ക്കി​യി​രി​ക്കു​ന്ന​ത്. വം​ശ​നാ​ശ​ഭീ​ഷ​ണി നേ​രി​ടു​ന്ന മൃ​ഗ​ങ്ങ​ളു​ടെ സം​ര​ക്ഷ​ണ​ത്തി​ന് ഉ​ന്ന​ത​വും ആ​ഗോ​ള നി​ല​വാ​ര​ത്തി​ലു​ള്ള​തു​മാ​യ പ​ദ്ധ​തി​ക​ളാ​ണ് ഇ​വി​ടെ സം​വി​ധാ​നി​ച്ചി​രി​ക്കു​ന്ന​ത്. മൃ​ഗ​ശാ​ല​യി​ൽ ആ​കെ ഒ​മ്പ​ത്​ ഹി​പ്പോ​പ്പൊ​ട്ടാ​മ​സു​ക​ളാ​ണ് ഉ​ള്ള​ത്.

ഇ​തി​ൽ മൂ​ന്നെ​ണ്ണ​ത്തി​നെ പൊ​തു​ജ​ന​ങ്ങ​ൾ​ക്ക്​ കാ​ണാം. എ​ന്നാ​ൽ, ആ​റ്​ എ​ണ്ണ​ത്തി​നെ പ്ര​ച​ന​ന​ത്തി​നു​മാ​യി പ്ര​ത്യേ​ക സ്ഥ​ല​ത്താ​ണ്​ പാ​ർ​പ്പി​ച്ചി​രി​ക്കു​ന്ന​ത്. അ​ന്താ​രാ​ഷ്ട്ര നി​ല​വാ​ര​ത്തി​ലു​ള്ള സ​മ​ഗ്ര​മാ​യ പ​രി​ച​ര​ണ​മാ​ണ് ന​ൽ​കു​ന്ന​ത്. ആ​രോ​ഗ്യ​ക​ര​വും വൈ​വി​ധ്യ​മാ​ർ​ന്ന​തു​മാ​യ ഭ​ക്ഷ​ണം, സ്വാ​ഭാ​വി​ക വാ​സ​സ്ഥ​ല​ത്തോ​ട് കി​ട​പി​ടി​ക്കു​ന്ന കൃ​ത്രി​മ​മാ​യ​തും വി​ശാ​ല​മാ​യ​തു​മാ​യ വാ​സ​സ്ഥ​ലം എ​ന്നി​വ ഒ​രു​ക്കി​യി​രി​ക്കു​ന്നു. വി​ദ​ഗ്‌​ധ മൃ​ഗ​ഡോ​ക്ട​ർ​മാ​രു​ടെ സം​ഘം ന​ൽ​കു​ന്ന ആ​രോ​ഗ്യ​പ​രി​ര​ക്ഷ​യും ഇ​വ​ക്ക് ല​ഭി​ക്കു​ന്നു.

740 ക്യു​ബി​ക് മീ​റ്റ​ർ (ഏ​ക​ദേ​ശം 195,000 ഗാ​ല​ൻ വെ​ള്ളം) ഉ​ൾ​കൊ​ള്ളു​ന്ന അ​ത്യാ​ധു​നി​ക ശു​ചീ​ക​ര​ണ സം​വി​ധാ​ന​മു​ള്ള ജ​ല സം​ഭ​ര​ണി ഉ​ൾ​ക്കൊ​ള്ളു​ന്ന​താ​ണ് ഹി​പ്പോ​പ്പൊ​ട്ടാ​മ​സു​ക​ളു​ടെ പ്ര​ദ​ർ​ശ​ന സ്ഥ​ലം. മി​ഡി​ൽ ഈ​സ്റ്റി​ലെ ഇ​ത്ത​ര​ത്തി​ലു​ള്ള ആ​ദ്യ പ്ര​ദ​ർ​ശ​ന​മാ​ണി​ത്. ഇ​വ​യു​ടെ ജീ​വി​ത​ത്തെ​ക്കു​റി​ച്ച് കൂ​ടു​ത​ല​റി​യാ​നു​ള്ള അ​വ​സ​രം സ​ന്ദ​ർ​ശ​ക​ർ​ക്ക്​ ല​ഭി​ക്കും. വം​ശ​നാ​ശ​ഭീ​ഷ​ണി നേ​രി​ടു​ന്ന ഇ​ത്ത​രം ജീ​വി​ക​ളെ സം​ര​ക്ഷി​ക്കേ​ണ്ട​തി​ന്‍റെ പ്രാ​ധാ​ന്യം ജ​ന​ങ്ങ​ളെ ബോ​ധ​വ​ത്ക​രി​ക്കു​ക​യും ചെ​യ്യു​ന്നു​ണ്ട് ഇ​വി​ടെ.

ഹി​പ്പോ​പ്പൊ​ട്ടാ​മ​സ് ഉ​ൾ​പ്പെ​ടെ വം​ശ​നാ​ശ​ഭീ​ഷ​ണി നേ​രി​ടു​ന്ന നി​ര​വ​ധി ജീ​വി​ക​ളെ സം​ര​ക്ഷി​ക്കു​ന്ന​തി​ൽ അ​ൽ ഐ​ൻ മൃ​ഗ​ശാ​ല പ്ര​ധാ​ന പ​ങ്ക് വ​ഹി​ക്കു​ന്നു​ണ്ട്. ജീ​വ​ജാ​ല​ങ്ങ​ളെ സം​ര​ക്ഷി​ക്കു​ന്ന​തി​നും വം​ശ​നാ​ശ​ഭീ​ഷ​ണി നേ​രി​ടു​ന്ന ജീ​വി​ക​ളെ അ​വ​യു​ടെ സ്വാ​ഭാ​വി​ക ആ​വാ​സ വ്യ​വ​സ്ഥ​ക​ളി​ലേ​ക്ക് പു​ന​ര​വ​ത​രി​പ്പി​ക്കു​ന്ന​തി​നും സം​ര​ക്ഷ​ണം, പ്ര​ജ​ന​നം, അ​വ​യു​ടെ വി​ത​ര​ണം എ​ന്നി​വ​യെ​ക്കു​റി​ച്ച് ഗ​വേ​ഷ​ണം ന​ട​ത്തു​ന്ന​തി​നും അ​ൽ​ഐ​ൻ മൃ​ഗ​ശാ​ല നി​ര​വ​ധി സു​പ്ര​ധാ​ന പ​രി​പാ​ടി​ക​ൾ സം​ഭാ​വ​ന ന​ൽ​കു​ന്നു​ണ്ട്.