ത​ള​ർ​ന്ന വി​പ​ണി​യു​ടെ അ​ട​യാ​ള​മാ​യി തി​ര​ക്കൊ​ഴി​ഞ്ഞ റോ​ഡു​ക​ൾ

കു​വൈ​ത്ത്​ സി​റ്റി: കോ​വി​ഡ്​ പ്ര​തി​സ​ന്ധി​യി​ൽ ത​ള​ർ​ന്ന വി​പ​ണി​യു​ടെ അ​ട​യാ​ള​മാ​യി രാ​ജ്യ​ത്തെ തി​ര​ക്കൊ​ഴി​ഞ്ഞ റോ​ഡു​ക​ൾ. നേ​ര​ത്തെ രൂ​ക്ഷ​മാ​യ ഗ​താ​ഗ​ത​ക്കു​രു​ക്ക്​ അ​നു​ഭ​വ​പ്പെ​ട്ടി​രു​ന്ന മി​ക്ക​വാ​റും റോ​ഡു​ക​ളി​ൽ ഇ​പ്പോ​ൾ വ​ലി​യ തി​ര​ക്കി​ല്ല. വി​ദേ​ശി​ക​ളി​ൽ ന​ല്ലൊ​രു ശ​ത​മാ​നം നാ​ട്ടി​ൽ പോ​യ​തും ആ​ളു​ക​ൾ അ​ത്യാ​വ​ശ്യ​ത്തി​ന്​ മാ​ത്രം പു​റ​ത്തി​റ​ങ്ങു​ന്ന​തു​മാ​ണ്​ ഇ​തി​ന്​ കാ​ര​ണം.

ഗ​താ​ഗ​ത​ക്കു​രു​ക്ക്​ കു​റ​ഞ്ഞ​ത്​ വാ​ഹ​ന യാ​ത്ര​ക്കാ​ർ​ക്ക്​ ആ​ശ്വാ​സ​മാ​ണെ​ങ്കി​ലും വ്യാ​പാ​രി​ക​ൾ​ക്ക്​ ശു​ഭ സൂ​ച​ന​യ​ല്ല. മു​ൻ​കാ​ല​ങ്ങ​ളി​ൽ തി​ര​ക്കേ​റി​യി​രു​ന്ന ജ​ങ്​​ഷ​നു​ക​ളി​ലും മാ​ളു​ക​ളി​ലും സ​ന്ദ​ർ​ശ​ക​ർ കു​റ​വാ​ണ്. ഇ​ത്​ ക​ച്ച​വ​ട​ത്തെ ബാ​ധി​ച്ച​താ​യി വ്യാ​പാ​രി​ക​ൾ സാ​ക്ഷ്യ​പ്പെ​ടു​ത്തു​ന്നു.

മാ​സ​ങ്ങ​ൾ ലോ​ക്ഡൗ​ണി​ൽ വി​പ​ണി അ​ട​ച്ചി​ട്ട​ത്​ സാ​മ്പ​ത്തി​ക വി​നി​മ​യ ച​ക്രം മു​റി​ച്ചു. ഇ​ത്​ പൂ​ർ​വ സ്ഥി​തി​യി​ലാ​വാ​ൻ സ​മ​യ​മെ​ടു​ക്കു​മെ​ന്നാ​ണ്​ സാ​മ്പ​ത്തി​ക വി​ദ​ഗ്​​ധ​ർ പ​റ​യു​ന്ന​ത്. അ​വ​ധി​ക്ക്​ പോ​യി നാ​ട്ടി​ൽ കു​ടു​ങ്ങി​ക്കി​ട​ക്കു​ന്ന വി​ദേ​ശി​ക​ൾ തി​രി​ച്ചു​വ​രു​ന്ന​തോ​ടെ വി​പ​ണി​യി​ൽ ഉ​ണ​ർ​വ്​ പ്ര​ക​ട​മാ​വു​മെ​ന്നാ​ണ്​ പ്ര​തീ​ക്ഷ.

റ​സ്​​റ്റാ​റ​ൻ​റ്, ഗാ​ർ​മെൻറ്​​സ്, ഇ​ല​ക്​​ട്രോ​ണി​ക്​ ഉ​ൽ​പ​ന്ന​ങ്ങ​ൾ, ഗൃ​ഹോ​പ​ക​ര​ണ​ങ്ങ​ള്‍, ഫു​ട്​​വെ​യ​ർ, ആ​രോ​ഗ്യ - സൗ​ന്ദ​ര്യ സം​ര​ക്ഷ​ണ ഉ​ല്‍പ​ന്ന​ങ്ങ​ള്‍, ഫാ​ഷ​ൻ വ​സ്​​തു​ക്ക​ൾ തു​ട​ങ്ങി​യ​വ​യെ​ല്ലാം വി​ൽ​പ​ന കു​റ​ഞ്ഞി​ട്ടു​ണ്ട്.

നി​ത്യോ​പ​യോ​ഗ സാ​ധ​ന​ങ്ങ​ൾ, മ​ത്സ്യം, മാം​സം, പ​ച്ച​ക്ക​റി​ക​ൾ എ​ന്നി​വ​ക്ക്​ വി​ൽ​പ​ന​യു​ണ്ട്. ഒാ​ൺ​ലൈ​ൻ ക്ലാ​സു​ക​ൾ മൊ​ബൈ​ൽ​ഫോ​ൺ, ലാ​പ്​​ടോ​പ്​ എ​ന്നി​വ​യു​ടെ വി​ൽ​പ​ന വ​ർ​ധി​പ്പി​ച്ച​താ​യി റി​പ്പോ​ർ​ട്ടു​ണ്ടാ​യി​രു​ന്നു. എ​ന്നാ​ൽ, കു​വൈ​ത്തി​ക​ൾ ആ​ശ്ര​യി​ക്കു​ന്ന സ്ഥാ​പ​ന​ങ്ങ​ൾ​ക്കാ​ണ്​ ഇ​തി​െൻറ ഗു​ണം ല​ഭി​ച്ച​ത്. ഇ​ന്ത്യ​ക്കാ​ർ ഉ​ൾ​പ്പെ​ടെ ന​ട​ത്തു​ന്ന ചെ​റു​കി​ട സ്ഥാ​പ​ന​ങ്ങ​ൾ​ക്ക്​ ഇൗ ​മേ​ഖ​ല​യി​ലും വ്യാ​പാ​ര മാ​ന്ദ്യ​മു​ണ്ട്.

കു​വൈ​ത്തി​ലെ വി​ദേ​ശി ജ​ന​സം​ഖ്യ കു​റ​ക്കാ​നു​ള്ള ന​ട​പ​ടി​ക​ൾ​ക്ക്​ കു​വൈ​ത്ത്​ സ​ർ​ക്കാ​ർ തു​ട​ക്കം കു​റി​ച്ചി​ട്ടു​ണ്ട്. എ​ളു​പ്പ​മ​ല്ലെ​ങ്കി​ലും ജ​ന​സം​ഖ്യാ സ​ന്തു​ല​നം സാ​ധ്യ​മാ​ക്ക​ണ​മെ​ന്ന ദൃ​ഢ​നി​ശ്ച​യ​വു​മാ​യാ​ണ്​ അ​ധി​കൃ​ത​ർ മു​ന്നോ​ട്ടു​പോ​വു​ന്ന​ത്.

ഇ​ത്​ ന​ട​പ്പാ​വു​േ​മ്പാ​ൾ നി​ല​വി​ലെ പ്ര​ശ്​​നം രൂ​ക്ഷ​മാ​വാ​നും ഇ​ട​യു​ണ്ട്. ജ​ന​ങ്ങ​ൾ കു​റ​യു​േ​മ്പാ​ൾ ഉ​ൽ​പ​ന്ന​ങ്ങ​ളു​ടെ ഡി​മാ​ൻ​ഡ്​ കു​റ​യു​മെ​ന്ന സാ​മ്പ​ത്തി​ക ത​ത്ത്വം പ​രി​ഗ​ണി​ക്ക​ണ​മെ​ന്നും വി​ദേ​ശി​ക​ളെ കൂ​ട്ട​ത്തോ​ടെ ഒ​ഴി​വാ​ക്കു​ന്ന​ത്​ കു​വൈ​ത്ത്​ സാ​മ്പ​ത്തി​ക വ്യ​വ​സ്ഥ​ക്ക്​ ഗു​ണം ചെ​യ്യി​ല്ലെ​ന്നും സാ​മ്പ​ത്തി​ക വി​ദ​ഗ്​​ധ​ർ മു​ന്ന​റി​യി​പ്പ്​ ന​ൽ​കു​ന്നു.