വാഹനാപകടം: കോഴിക്കോട് സ്വദേശി മരിച്ചു

കുവൈത്ത് സിറ്റി: കുവൈത്തിലുണ്ടായ വാഹനാപകടത്തില്‍ കോഴിക്കോട് സ്വദേശി മരിച്ചു. പയ്യോളി അയനിക്കാട് ചാക്കണ്ടി നിസാര്‍ (48) ആണ് സുലൈബികാത്തില്‍ വ്യാഴാഴ്ച പുലര്‍ച്ചെയുണ്ടായ വാഹനാപകടത്തില്‍ മരിച്ചത്. 
24 വര്‍ഷമായി സുലൈബികാത്ത് ഗര്‍നാത്ത് ഹോട്ടലില്‍ ജോലി ചെയ്യുകയായിരുന്നു. മകന്‍ നിഷാദ് ഗള്‍ഫ്മാര്‍ട്ട് ജീവനക്കാരനാണ്. 
ഭാര്യ: സുഹറ. മറ്റു മക്കള്‍: നിസാല്‍, നിസ്ലത്ത്. കെ.കെ.എം.എ ജഹ്റ ശാഖ അംഗമാണ്. 
മൃതദേഹം നാട്ടിലേക്ക് കൊണ്ടുപോകാനുള്ള നടപടികള്‍ കെ.കെ.എം.എ മാഗ്നറ്റ് വിഭാഗത്തിന്‍െറ നേതൃത്വത്തില്‍ നടക്കുന്നു.