അ​ബ്​​ദ​ലി ചാ​ര​ക്കേ​സി​ലെ 16 പ്ര​തി​ക​ൾ  ര​ക്ഷ​പ്പെ​ട്ട​താ​യി റി​പ്പോ​ർ​ട്ട്​

കു​വൈ​ത്ത്​ സി​റ്റി: പ്ര​മാ​ദ​മാ​യ അ​ബ്​​ദ​ലി ചാ​ര​ക്കേ​സി​ലെ 16 പ്ര​തി​ക​ൾ ര​ക്ഷ​പ്പെ​ട്ട​താ​യി റി​പ്പോ​ർ​ട്ട്​. ഇ​വ​ർ ബോ​ട്ടി​ൽ ഇ​റാ​നി​ലേ​ക്ക്​ ര​ക്ഷ​പ്പെ​ട്ട​താ​യി പ്രാ​ദേ​ശി​ക പ​ത്രം ക​ഴി​ഞ്ഞ ദി​വ​സം റി​പ്പോ​ർ​ട്ട്​ ചെ​യ്​​തു. 
സു​പ്രീം​കോ​ട​തി ത​ട​വ്​ വി​ധി​ച്ച 26 പേ​രി​ൽ 16 പേ​രാ​ണ്​ മു​ങ്ങി​യ​ത്​. അ​പ്പീ​ൽ കോ​ട​തി വെ​റു​തെ​വി​ട്ട ഘ​ട്ട​ത്തി​ൽ ഇ​വ​ർ ജ​യി​ലി​ന്​ പു​റ​ത്തെ​ത്തി. 
ഇൗ ​അ​വ​സ​രം മു​ത​ലെ​ടു​ത്താ​ണ്​ ഇ​വ​ർ മു​ങ്ങി​യ​ത്​. കേ​സി​ലെ 15 പ്ര​തി​ക​ൾ​ക്കെ​തി​രെ കു​റ്റാ​ന്വേ​ഷ​ണ കോ​ട​തി വി​ധി​ച്ച 15 വ​ർ​ഷ ത​ട​വ് അ​പ്പീ​ൽ കോ​ട​തി റ​ദ്ദാ​ക്കു​ക​യും അ​വ​രെ നി​ര​പ​രാ​ധി​ക​ളാ​ണെ​ന്നു​ക​ണ്ട് വെ​റു​തെ വി​ടു​ക​യും ചെ​യ്തി​രു​ന്നു​. 
എ​ന്നാ​ൽ, ഇ​ത്​ പി​ന്നീ​ട്​ സു​പ്രീ​കോ​ട​തി റ​ദ്ദാ​ക്കി. ഇ​തോ​ടൊ​പ്പം, കേ​സി​ലെ ഒ​ന്നാം പ്ര​തി​ക്ക് കീ​ഴ്​​കോ​ട​തി വി​ധി​ച്ച വ​ധ​ശി​ക്ഷ ക​ഴി​ഞ്ഞ മാ​സം സു​പ്രീം കോ​ട​തി ജീ​വ​പ​ര്യ​ന്ത​മാ​ക്കി​യി​രു​ന്നു. 
അ​പ്പീ​ൽ കോ​ട​തി നി​ര​പ​രാ​ധി​യാ​യി പ്ര​ഖ്യാ​പി​ച്ച 13ാം പ്ര​തി​യാ​യ സ്വ​ദേ​ശി​ക്ക് 10 വ​ർ​ഷം ത​ട​വും വി​ധി​ച്ചി​ട്ടു​ണ്ട്. 
ഇ​തേ​കേ​സി​ൽ ജീ​വ​പ​ര്യ​ന്തം വി​ധി​ച്ച മ​റ്റൊ​രു സ്വ​ദേ​ശി​യു​ടെ ശി​ക്ഷ 15 വ​ർ​ഷം ത​ട​വാ​യി കു​റ​ക്കു​ക​യും ചെ​യ്തു. കീ​ഴ്​​ക്കോ​ട​തി വി​ധി​ച്ച 15 വ​ർ​ഷ ത​ട​വ് സു​പ്രീം​കോ​ട​തി പ​ത്ത്​ വ​ർ​ഷം വ​രെ ത​ട​വ്​ ആ​ക്കി ചു​രു​ക്കു​ക​യും ചെ​യ്​​തു. രാ​ജ്യ​സു​ര​ക്ഷ​ക്ക്​ ഭീ​ഷ​ണി​യാ​കും​വി​ധം പ്ര​വ​ർ​ത്തി​ച്ചു​വെ​ന്ന​തി​ന്ന് 2015 സെ​പ്റ്റം​ബ​റി​ലാ​ണ് ചി​ല​ർ​ക്കെ​തി​രെ കേ​സെ​ടു​ത്ത​ത്. 
ഇ​റാ​നും ഹി​സ്ബു​ല്ല​ക്കും ര​ഹ​സ്യ​വി​വ​ര​ങ്ങ​ൾ ചോ​ർ​ത്തി ന​ൽ​കു​ന്നു​വെ​ന്നും ഇ​വ​ർ​ക്കെ​തി​രെ ആ​രോ​പ​ണം ഉ​ണ്ടാ​യി​രു​ന്നു. 
അ​ബ്‌​ദ​ലി കാ​ർ​ഷി​ക മേ​ഖ​ല​യി​ൽ ഇ​വ​രു​ടെ താ​മ​സ​സ്ഥ​ല​ത്തു​നി​ന്ന് ആ​യു​ധ​ങ്ങ​ളും സ്ഫോ​ട​ക​വ​സ്തു​ക്ക​ളും വാ​ർ​ത്താ​വി​നി​മ​യ ഉ​പ​ക​ര​ണ​ങ്ങ​ളും ക​ണ്ടെ​ടു​ത്തു. ര​ഹ​സ്യ​വി​വ​ര​ത്തി​​​െൻറ അ​ടി​സ്​​ഥാ​ന​ത്തി​ൽ പൊ​ലീ​സ്​ പ്ര​ദേ​ശ​ത്ത്​ റെ​യ്ഡ് ന​ട​ത്തി​യാ​ണ് ഇ​വ പി​ടി​കൂ​ടി​യ​ത്. 
അ​ന്വേ​ഷ​ണ​ത്തി​ൽ ഇ​റാ​​െൻറ​യും ഹി​സ്​​ബു​ല്ല​യു​ടെ​യും പി​ന്തു​ണ​യോ​ടെ സ്​​ഫോ​ട​ന പ​ര​മ്പ​ര​ക​ൾ ന​ട​ത്തി രാ​ജ്യ​ത്തെ ത​ക​ർ​ക്കാ​നു​ള്ള ശ്ര​മം ക​ണ്ടെ​ത്തി​യെ​ന്നാ​ണ്​ അ​ധി​കൃ​ത​രു​ടെ വി​ശ​ദീ​ക​ര​ണം. 
രാ​ജ്യ​സു​ര​ക്ഷ​ക്ക്​ ഭീ​ഷ​ണി​യു​യ​ർ​ത്തി​യ സം​ഭ​വ​ത്തി​ലെ പ്ര​തി​ക​ൾ ര​ക്ഷ​പ്പെ​ട്ട​ത്​ രാ​ജ്യ​ത്ത്​ ച​ർ​ച്ച​യാ​യി​ട്ടു​ണ്ട്​.
 പ്ര​തി​പ​ക്ഷ എം.​പി​യാ​യ മു​ഹ​മ്മ​ദ്​ ഹാ​യി​ഫ്​ ആ​ഭ്യ​ന്ത​ര വ​കു​പ്പ്​ വി​ഷ​യ​ത്തി​ൽ പ്ര​സ്​​താ​വ​ന പു​റ​പ്പെ​ടു​വി​ക്ക​ണ​മെ​ന്നാ​വ​ശ്യ​പ്പെ​ട്ട്​ രം​ഗ​ത്തെ​ത്തി​യി​രു​ന്നു.