കഴിഞ്ഞ മാസം കുവൈത്ത് വിമാനത്താവള യാത്രക്കാർ 3.5 ദശലക്ഷം
text_fieldsകുവൈത്ത് സിറ്റി: പ്രാദേശിക, അന്തർദേശീയ യാത്രകളിൽ കുവൈത്ത് അന്താരാഷ്ട്ര വിമാനത്താവളത്തെ ഉപയോഗപ്പെടുന്നവർ നിരവധി. കഴിഞ്ഞ ജൂൺ മുതൽ ആഗസ്റ്റ് വരെ 3.5 ദശലക്ഷത്തിലധികം യാത്രക്കാരെയാണ് കൈകാര്യം ചെയ്തത്. 3,571,988 യാത്രക്കാരുടെ കൃത്യമായ എണ്ണം. കുവൈത്തിൽനിന്ന് പുറപ്പെടുന്ന വിമാനത്തിൽ 1,919,727 പേർ യാത്രയായി. 1,652,261 യാത്രക്കാർ രാജ്യത്ത് എത്തി.
കുവൈത്തിൽനിന്ന് കഴിഞ്ഞമാസം പുറപ്പെട്ട വിമാനങ്ങളുടെ എണ്ണം 12,940 ൽ എത്തി. 12,938 ആണ് കുവൈത്തിലെത്തിയ വിമാനങ്ങളുടെ എണ്ണം. ഈ കാലയളവിൽ വിമാനത്താവളം കൈകാര്യം ചെയ്ത മൊത്തം വിമാനങ്ങളുടെ എണ്ണം 25,878 ആണ്.
സൗദി അറേബ്യ, തുർക്കിയ, ഈജിപ്ത്, ദുബൈ, ഇറാൻ, ലണ്ടൻ എന്നിവയായിരുന്നു ഇക്കാലയളവിൽ കുവൈത്തിൽനിന്ന് കൂടുതൽ പേർ യാത്രചെയ്ത സ്ഥലം. അവധിക്കാലം ആസ്വദിക്കാൻ ധാരാളം യാത്രക്കാർ ഈ സ്ഥലങ്ങൾ തിരഞ്ഞെടുത്തിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.