കുവൈത്തിൽ 613 പേർക്ക്​ കൂടി കോവിഡ്​; 477 പേർക്ക്​ രോഗമുക്​തി

കുവൈത്ത്​ സിറ്റി: കുവൈത്തിൽ 613 പേർക്ക്​ കൂടി കോവിഡ്​ സ്ഥിരീകരിച്ചു. ഇതുവരെ 81573 പേർക്കാണ്​ വൈറസ്​ ബാധിച്ചത്​. ചൊവ്വാഴ്​​​ച 477 പേർ ഉൾപ്പെടെ 73,402 പേർ രോഗമുക്​തി നേടി. ഒരാൾ കൂടി മരിച്ചതോടെ രാജ്യത്തെ കോവിഡ്​ മരണം 519 ആയി. ബാക്കി 7652 പേരാണ്​ ചികിത്സയിലുള്ളത്​. 95 പേർ തീവ്രപരിചരണ വിഭാഗത്തിലാണ്​. 4426 പേർക്കാണ്​ പുതുതായി കോവിഡ്​ പരിശോധന നടത്തിയത്​.

അഹ്​മദി ഹെൽത്​ ഡിസ്​ട്രിക്​ടിൽ 162 പേർ, ഹവല്ലി ഹെൽത്​ ഡിസ്​ട്രിക്​ടിൽ 135 പേർ, ജഹ്​റ ഹെൽത്​ ഡിസ്​ട്രിക്​ടിൽ 130 പേർ, ഫർവാനിയ ഹെൽത്​ ഡിസ്​ട്രിക്​ടിൽ 104 പേർ, കാപിറ്റൽ ഹെൽത്​ ഡിസ്​ട്രിക്​ടിൽ 82 പേർ എന്നിങ്ങനെയാണ്​ പുതുതായി കോവിഡ്​ ബാധിതരായത്​.