കുവൈത്തിൽ 256 ഇന്ത്യക്കാർ ഉൾപ്പെടെ 947 പേർക്ക്​ കൂടി കോവിഡ്​

കുവൈത്ത്​ സിറ്റി: കുവൈത്തിൽ 256 ഇന്ത്യക്കാർ ഉൾപ്പെടെ 947 പേർക്ക്​ കൂടി കോവിഡ്​ സ്ഥിരീകരിച്ചു. ആറുപേർ കൂടി മരിച്ചതോടെ രാജ്യത്തെ കോവിഡ്​ മരണം 88 ആയി. ഇതുവരെ 11975 പേർക്കാർ കോവിഡ്​ സ്ഥിരീകരിച്ചത്​.

വ്യാഴാഴ്​ച 188 പേർ ഉൾപ്പെടെ 3451 പേർ രോഗമുക്​തി നേടി. ബാക്കി 8436 പേരാണ്​ ചികിത്സയിലുള്ളത്​. ഇതിൽ 175 പേർ തീവ്രപരിചരണ വിഭാഗത്തിലാണ്​. 2,31930  പേർ നിരീക്ഷണത്തിൽ കഴിയുന്നു.

ഫർവാനിയ ഗവർണറേറ്റിൽ 347, ജഹ്​റ ഗവർണറേറ്റിൽ 118, അഹ്​മദി ഗവർണറേറ്റിൽ 171, ഹവല്ലി ഗവർണറേറ്റിൽ 189, കാപിറ്റൽ ഗവർണറേറ്റിൽ 122 എന്നിങ്ങനെയാണ്​ പുതിയ കേസുകൾ. റെസിഡൻഷ്യൽ ഏരിയ അടിസ്ഥാനമാക്കിയാൽ ജലീബ്​ അൽ ശുയൂഖ്​ 104, ഫർവാനിയ 102, ഖൈത്താൻ 79, ഹവല്ലി 68 എന്നിങ്ങനെയാണ്​ കൂടുതലുള്ളത്​.