ജി.​സി.​സി രാ​ജ്യ​ങ്ങ​ളി​ൽ സു​സ്ഥി​ര സ​മ്പ​ദ്‌​വ്യ​വ​സ്ഥ അ​നി​വാ​ര്യം -ധ​ന​കാ​ര്യ മ​ന്ത്രി

കു​വൈ​ത്ത് സി​റ്റി: സു​സ്ഥി​ര​മാ​യ സ​മ്പ​ദ്‌​വ്യ​വ​സ്ഥ കെ​ട്ടി​പ്പ​ടു​ക്കാ​നു​ള്ള അ​ഭി​ലാ​ഷ​മാ​ണ് കു​വൈ​ത്തും ജി.​സി.​സി രാ​ജ്യ​ങ്ങ​ളും പ​ങ്കി​ടു​ന്ന​തെ​ന്ന് കു​വൈ​ത്ത് ധ​ന​കാ​ര്യ മ​ന്ത്രി​യും സാ​മ്പ​ത്തി​ക-​നി​ക്ഷേ​പ​കാ​ര്യ സ​ഹ​മ​ന്ത്രി​യും ഓ​യി​ൽ ആ​ക്ടി​ങ് മ​ന്ത്രി​യു​മാ​യ നൂ​റ അ​ൽ ഫ​സ്സാം.

ലോ​ക​ബാ​ങ്കു​മാ​യി സ​ഹ​ക​രി​ച്ച് ന​ട​ന്ന ജി.​സി.​സി പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു നൂ​റ അ​ൽ ഫ​സ്സാം. സാ​മ്പ​ത്തി​ക വൈ​വി​ധ്യ​വ​ത്ക​ര​ണം, എ​ണ്ണ ഇ​ത​ര പ​ദ്ധ​തി​ക​ൾ വി​ക​സി​പ്പി​ക്ക​ൽ, സ്വ​കാ​ര്യ മേ​ഖ​ല​യി​ൽ തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്ക​ൽ എ​ന്നി​വ​യി​ൽ സു​സ്ഥി​ര​മാ​യ പു​രോ​ഗ​തി​ക്ക് കു​വൈ​ത്ത് മു​ൻ​ഗ​ണ​ന ന​ൽ​കു​ന്ന​ത് തു​ട​രു​മെ​ന്നും മ​ന്ത്രി കൂ​ട്ടി​ച്ചേ​ർ​ത്തു.

ഫൈ​ലാ​ക്ക ദ്വീ​പ്, മു​ബാ​റ​ക് അ​ൽ ക​ബീ​ർ തു​റ​മു​ഖം, വ​ട​ക്ക​ൻ സാ​മ്പ​ത്തി​ക മേ​ഖ​ല എ​ന്നി​വ​യു​ടെ വി​ക​സ​ന​വും ടൂ​റി​സം മേ​ഖ​ല​യി​ലെ മ​റ്റ് പ​ദ്ധ​തി​ക​ളും ഇ​ൻ​ഫ​ർ​മേ​ഷ​ൻ ആ​ൻ​ഡ് ക​മ്യൂ​ണി​ക്കേ​ഷ​ൻ ടെ​ക്നോ​ള​ജി, പു​ന​രു​പ​യോ​ഗ ഊ​ർ​ജം എ​ന്നി​വ​യു​ൾ​പ്പെ​ടെ​യു​ള്ള കു​വൈ​ത്തി​ന്റെ പ്ര​ധാ​ന പ​ദ്ധ​തി​ക​ൾ നൂ​റ അ​ൽ ഫ​സ്സാം ചൂ​ണ്ടി​ക്കാ​ട്ടി.

അ​തി​ർ​ത്തി ക​ട​ന്നു​ള്ള വ്യാ​പാ​രം, ഏ​കീ​കൃ​ത നി​യ​ന്ത്ര​ണ​ങ്ങ​ൾ, മ​നു​ഷ്യ മൂ​ല​ധ​നം, അ​ടി​സ്ഥാ​ന സൗ​ക​ര്യ​ങ്ങ​ൾ, ഡി​ജി​റ്റ​ൽ പ​രി​വ​ർ​ത്ത​നം എ​ന്നി​വ​യി​ൽ ജി.​സി.​സി രാ​ജ്യ​ങ്ങ​ളി​ൽ സ​ഹ​ക​ര​ണ​വും സാ​മ്പ​ത്തി​ക ഏ​കീ​ക​ര​ണ​വും അ​നി​വാ​ര്യ​മാ​ണെ​ന്നും സൂ​ചി​പ്പി​ച്ചു.

ആ​ഗോ​ള ഊ​ർ​ജ വി​ല​യി​ലെ ഏ​റ്റ​ക്കു​റ​ച്ചി​ലു​ക​ൾ സാ​മ്പ​ത്തി​ക ഏ​റ്റ​ക്കു​റ​ച്ചി​ലു​ക​ൾ​ക്ക് കാ​ര​ണ​മാ​കു​മെ​ന്നും ദീ​ർ​ഘ​കാ​ലാ​ടി​സ്ഥാ​ന​ത്തി​ൽ ഹൈ​ഡ്രോ കാ​ർ​ബ​ണു​ക​ളു​ടെ ഡി​മാ​ൻ​ഡ് കു​റ​യാ​നു​ള്ള സാ​ധ്യ​ത​യു​ണ്ടെ​ന്നും അ​വ​ർ വി​ശ​ദീ​ക​രി​ച്ചു.

ഗ​ൾ​ഫ് സ​മ്പ​ദ്‌​വ്യ​വ​സ്ഥ​ക്ക് പു​തി​യ നി​ക്ഷേ​പ അ​വ​സ​ര​ങ്ങ​ൾ സൃ​ഷ്ടി​ക്കാ​ൻ ല​ക്ഷ്യ​മി​ട്ട് വാ​ഷി​ങ്ട​ണി​ൽ ന​ട​ന്ന ലോ​ക ബാ​ങ്കി​ന്റെ​യും ഇ​ന്റ​ർ​നാ​ഷ​ന​ൽ മോ​ണി​റ്റ​റി ഫ​ണ്ടി​ന്റെ​യും വാ​ർ​ഷി​ക യോ​ഗ​ത്തി​ലാ​ണ് പ​രി​പാ​ടി ന​ട​ന്ന​ത്.

ജി.​സി.​സി ധ​ന​മ​ന്ത്രി​മാ​രും സാ​മ്പ​ത്തി​ക മേ​ഖ​ല​ക​ളി​ലെ മു​തി​ർ​ന്ന ഉ​ദ്യോ​ഗ​സ്ഥ​രും ജി.​സി.​സി സെ​ക്ര​ട്ട​റി ജ​ന​റ​ൽ ജാ​സിം അ​ൽ ബു​ദൈ​വി, യു.​എ​സി​ലെ കു​വൈ​ത്ത് അം​ബാ​സ​ഡ​ർ ശൈ​ഖ അ​ൽ സൈ​ൻ അ​സ്സ​ബാ​ഹ് എ​ന്നി​വ​രും പ​രി​പാ​ടി​യി​ൽ പ​​ങ്കെ​ടു​ത്തു.