അ​ന​ധി​കൃ​ത​മാ​യി പ​ര​സ്യ​ബോ​ർ​ഡു​ക​ൾ സ്ഥാ​പി​ച്ചാ​ൽ ന​ട​പ​ടി

കു​വൈ​ത്ത് സി​റ്റി: പാ​ത​യോ​ര​ങ്ങ​ളി​ൽ അ​ന​ധി​കൃ​ത​മാ​യി പ​ര​സ്യ​ബോ​ർ​ഡു​ക​ളും ബാ​ന​റു​ക​ളും സ്ഥാ​പി​ച്ചാ​ൽ ക​ർ​ശ​ന ന​ട​പ​ടി ഉ​ണ്ടാ​കും. ഇ​ത്ത​ര​ത്തി​ൽ സ്ഥാ​പി​ച്ച ബോ​ർ​ഡു​ക​ൾ അ​ധി​കൃ​ത​ർ നീ​ക്കി​ത്തു​ട​ങ്ങി. പ​ര​സ്യ ച​ട്ട​ങ്ങ​ള്‍ ലം​ഘി​ക്കു​ന്ന​വ​ര്‍ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്ന് കു​വൈ​ത്ത് മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ എ​ൻ​ജി​നീ​യ​ര്‍ സൗ​ദ് അ​ൽ ദ​ബ്ബൂ​സ് വ്യ​ക്ത​മാ​ക്കി.

പ്ര​ധാ​ന റോ​ഡു​ക​ളി​ലേ​ക്കു​ള്ള കാ​ഴ്ച മ​റ​യ്ക്കു​ന്ന രീ​തി​യി​ൽ പാ​ത​യോ​ര​ങ്ങ​ളി​ലും ന​ട​പ്പാ​ത​ക​ളി​ലും കൈ​വ​രി​ക​ളി​ലും സ്ഥാ​പി​ച്ചി​ട്ടു​ള്ള പ​ര​സ്യ ബോ​ർ​ഡു​ക​ൾ അ​ലോ​സ​ര​മു​ണ്ടാ​ക്കു​ന്ന​താ​യും അ​ദ്ദേ​ഹം പ​റ​ഞ്ഞു. പ​ര​സ്യ ച​ട്ട​ങ്ങ​ള്‍ക്ക് അ​നു​സൃ​ത​മാ​യാ​ണ് വാ​ണി​ജ്യ സ്ഥാ​പ​ന​ങ്ങ​ള്‍ക്കും സ്റ്റോ​റു​ക​ൾ​ക്കും ബോ​ര്‍ഡു​ക​ള്‍ സ്ഥാ​പി​ക്കാ​ന്‍ ലൈ​സ​ൻ​സ് ന​ൽ​കു​ന്ന​ത്. ഇ​സ്‍ലാ​മി​ക നി​യ​മ​ങ്ങ​ളും ധാ​ർ​മി​ക​ത​യും പാ​ലി​ച്ചാ​യി​രി​ക്ക​ണം പ​ര​സ്യ ബോ​ര്‍ഡു​ക​ള്‍ സ്ഥാ​പി​ക്കേ​ണ്ട​ത്.

തെ​റ്റാ​യ വി​വ​ര​ങ്ങ​ളോ ഡേ​റ്റ​യോ ഉ​ള്‍പ്പെ​ടു​ത്തി​യാ​ല്‍ ലൈ​സ​ൻ​സ് ഉ​ട​മ​ക്കെ​തി​രെ ന​ട​പ​ടി​യെ​ടു​ക്കും. പ​ര​സ്യ ച​ട്ട​ങ്ങ​ള്‍ പാ​ലി​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ ലൈ​സ​ൻ​സ് ന​ൽ​കു​ന്ന​തി​നു​മു​മ്പും ശേ​ഷ​വും പ​ര​സ്യ ഉ​ള്ള​ട​ക്കം മു​നി​സി​പ്പാ​ലി​റ്റി പ​രി​ശോ​ധി​ക്കും. ലൈ​സ​ൻ​സി​ല്ലാ​ത്ത പ​ര​സ്യ​ങ്ങ​ൾ മു​ന്ന​റി​യി​പ്പി​ല്ലാ​തെ നീ​ക്കം ചെ​യ്യു​മെ​ന്നും, നി​ബ​ന്ധ​ന​ക​ൾ ലം​ഘി​ക്കു​ന്ന പ​ര​സ്യ​ങ്ങ​ൾ നീ​ക്കം ചെ​യ്യു​ന്ന​തി​നി​ടെ ഉ​ണ്ടാ​കു​ന്ന നാ​ശ​ന​ഷ്ട​ങ്ങ​ൾ​ക്ക് മു​നി​സി​പ്പാ​ലി​റ്റി ബാ​ധ്യ​സ്ഥ​ര​ല്ലെ​ന്നും സൗ​ദ് അ​ൽ ദ​ബ്ബൂ​സ് അ​റി​യി​ച്ചു.

മു​നി​സി​പ്പാ​ലി​റ്റി​യു​ടെ അ​നു​മ​തി​യി​ല്ലാ​തെ പാ​ത​യോ​ര​ത്തും ന​ട​പ്പാ​ത​ക​ളി​ലും വൈ​ദ്യു​തി പോ​സ്റ്റി​ലും പ​ര​സ്യ​ങ്ങ​ളും മ​റ്റും സ്ഥാ​പി​ക്കു​ന്ന​തി​നെ​തി​രെ​യും അ​ധി​കൃ​ത​ര്‍ മു​ന്ന​റി​യി​പ്പ് ന​ല്‍കി​യി​ട്ടു​ണ്ട്.