ഒന്നരവർഷത്തിനു ശേഷം കുട്ടികളുടെ വിനോദകേന്ദ്രങ്ങൾ തുറന്നു

കുവൈത്ത്​ സിറ്റി: കുവൈത്തിൽ ഒന്നര വർഷത്തിനു​ ശേഷം സെപ്​റ്റംബർ ഒന്നിന്​ കുട്ടികളുടെ വിനോദ കേന്ദ്രങ്ങൾ പ്രവർത്തനമാരംഭിച്ചു.

ഷോപ്പിങ്​ മാളുകളിലെ ഇത്തരം സ്ഥലങ്ങളിലും ഇൻഡോർ ഗെയിം ഹാളുകളിലും ബുധനാഴ്​ച രാവിലെ മുതൽ നല്ല തിരക്ക്​ അനുഭവപ്പെട്ടു. തുടക്കത്തിൽ കുട്ടികളെ ആകർഷിക്കാൻ ഗെയിം സെൻററുകൾ ഒാഫറുകൾ പ്രഖ്യാപിച്ചിട്ടുണ്ട്​. ജീവനക്കാരും സന്ദർശകരും ഉ​ൾപ്പെടെ അകത്ത്​ പ്രവേശിക്കുന്നവരുടെ ശരീര താപനില പരിശോധിക്കുന്നുണ്ട്​. സാമൂഹിക അകലം ഉറപ്പുവരുത്താൻ ആദ്യ ഘട്ടത്തിൽ 50 ശതമാനം ശേഷിയിലാണ്​ പ്രവർത്തനം.

കുട്ടികളെ കാത്തിരിക്കുന്ന രക്ഷിതാക്കൾക്കും സ്ഥാനം നിശ്ചയിച്ചുനൽകി.

സാമൂഹികഅകലം പാലിക്കണം, മാസ്​ക്​ ധരിക്കണം തുടങ്ങിയ മാർഗനിർദേശങ്ങൾ പാലിക്കു​െന്നന്ന്​ ഉറപ്പാക്കാൻ ആരോഗ്യ മന്ത്രാലയത്തി​െൻറ മേൽനോട്ടമുണ്ടാകും.