മെജിറ്റ് കുറുപ്പന്തറക്ക് എയിംസ് കുവൈത്ത് യാത്രയയപ്പ്

കുവൈത്ത് സിറ്റി: കുവൈത്തിലെ സാമൂഹിക സാംസ്കാരിക കായിക രംഗങ്ങളിലെ സജീവ സാന്നിധ്യമായിരുന്ന മെജിറ്റ് കുറുപ്പന്തറക്കും കുടുംബത്തിനും എയിംസ് കുവൈത്തിന്റെ നേതൃത്വത്തിൽ യാത്രയയപ്പ് നൽകി. എയിംസ് സ്റ്റിയറിങ് കമ്മറ്റിയുടെ ഭാഗമായി കോവിഡ് കാലഘട്ടത്തിലെ അദ്ദേഹത്തിന്റെ നിസ്തുലമായ പ്രവർത്തനങ്ങൾ കുവൈത്തിലെ ഇന്ത്യൻ സമൂഹത്തിന് വലിയ ആശ്വാസമായിരുന്നുവെന്ന് പ്രതിനിധികൾ അനുസ്മരിച്ചു. അബ്ബാസിയ ഹൈഡൈയ്ൻ ഓഡിറ്റോറിയത്തിൽ നടന്ന പരിപാടിക്ക് എയിംസ് സ്റ്റിയറിങ് കമ്മിറ്റി അംഗങ്ങൾ നേതൃത്വം നൽകി.

എയിംസ് സബ് കമ്മിറ്റി അംഗങ്ങളും മറ്റു സാംസ്കാരിക പ്രവർത്തകരും പങ്കെടുത്തു.