എ‍യ​ർ ആം​ബു​ല​ൻ​സ് ക​രാ​ർ പു​തു​ക്കി; അ​ടി​യ​ന്ത​ര സേ​വ​ന​ങ്ങ​ൾക്ക്​ ഇനി ശരവേഗം

കു​വൈ​ത്ത് സി​റ്റി: ആ​രോ​ഗ്യ​മേ​ഖ​ല​യി​ൽ അ​ടി​യ​ന്ത​ര സേ​വ​ന പ്ര​വ​ർ​ത്ത​ന​ങ്ങ​ൾ ന​ട​ത്താ​നും വി​ദേ​ശ​രാ​ജ്യ​ങ്ങ​ളി​ലെ മെ​ച്ച​പ്പെ​ട്ട ചി​കി​ത്സ ഉ​റ​പ്പു​വ​രു​ത്താ​നു​മാ​യി രാ​ജ്യ​ത്ത് സ​ർ​വി​സ് ന​ട​ത്തു​ന്ന എ​യ​ര്‍ ആം​ബു​ല​ന്‍സ് പ്ര​വ​ർ​ത്ത​ന​ങ്ങ​ളു​ടെ ക​രാ​ർ വീ​ണ്ടും പു​തു​ക്കി. ആം​ബു​ല​ൻ​സ് സ​ർ​വി​സ് തു​ട​രു​ന്ന സ്വ​കാ​ര്യ ക​മ്പ​നി​യു​മാ​യി പു​തു​ക്കി​യ ക​രാ​ർ പ്ര​കാ​രം എ​യ​ര്‍ ആം​ബു​ല​ന്‍സി​െൻറ പ്ര​വ​ര്‍ത്ത​ന​ങ്ങ​ള്‍ തു​ട​ങ്ങി​യ​താ​യി ആ​രോ​ഗ്യ​മ​ന്ത്രാ​ല​യം അ​റി​യി​ച്ചു.

ക​ഴി​ഞ്ഞ ജൂ​ണ്‍ ആ​റി​നാ​യി​രു​ന്നു പ​ഴ​യ ക​രാ​ര്‍ അ​വ​സാ​നി​ച്ചി​രു​ന്ന​ത്. എ​യ​ര്‍ ആം​ബു​ല​ന്‍സ് ക​മ്പ​നി​യു​മാ​യു​ള്ള ക​രാ​ര്‍ തീ​ര്‍ന്ന​തി​നെ തു​ട​ര്‍ന്ന്​ ആ​രോ​ഗ്യ​മ​ന്ത്രാ​ല​യം കു​റ​ച്ചു ദി​വ​സ​ങ്ങ​ളാ​യി ക​രാ​ര്‍ പു​തു​ക്കു​ന്ന​തി​നു​ള്ള ത​യാ​റെ​ടു​പ്പി​ലാ​യി​രു​ന്നു. ഓ​ഡി​റ്റ് ബ്യൂ​റോ​യു​ടെ അം​ഗീ​കാ​രം ല​ഭി​ക്കു​ന്ന​തി​നു​ള്ള സ​മ​യം വൈ​കി​യ​താ​ണ് ക​രാ​ര്‍ പു​തു​ക്ക​ൽ ന​ട​പ​ടി നീ​ളാ​നി​ട​യാ​യ​ത്.

1.8 മി​ല്യ​ണ്‍ ദീ​നാ​റി​ന്​ ക​രാ​ര്‍ ആ​റ് മാ​സം കൂ​ടി നീ​ട്ടാ​നു​ള്ള അ​നു​മ​തി ക​ഴി​ഞ്ഞ മാ​സം മ​ന്ത്രാ​ല​യം ബ​ന്ധ​പ്പെ​ട്ട ക​മ്മി​റ്റി​യോ​ട്​ ആ​വ​ശ്യ​പ്പെ​ട്ടി​രു​ന്നു. തു​ട​ർ​ന്ന് ക​മ്മി​റ്റി​യു​ടെ തീ​രു​മാ​ന പ്ര​കാ​രം ഓ​ഡി​റ്റ് ബ്യൂ​റോ​യി​ലേ​ക്ക്​ ഫ​യ​ലു​ക​ള്‍ കൈ​മാ​റു​ക​യും ചെ​യ്തി​രു​ന്നു. ഓ​ഡി​റ്റ് ബ്യൂ​റോ​യു​ടെ പ്ര​ത്യേ​ക അ​നു​മ​തി​യോ​ടെ​യാ​ണ് ആ​റു​മാ​സ​ത്തേ​ക്ക് ക​രാ​ര്‍ വീ​ണ്ടും പു​തു​ക്കി​യ​ത്. പു​തി​യ ക​രാ​ര്‍ അ​ടി​സ്ഥാ​ന​ത്തി​ല്‍ വെ​ള്ളി​യാ​ഴ്ച മു​ത​ല്‍ ആ​റു മാ​സം കൂ​ടി എ​യ​ര്‍ ആം​ബു​ല​ന്‍സി​​െൻറ സേ​വ​നം തു​ട​രു​മെ​ന്ന്​ അ​ധി​കൃ​ത​ര്‍ അ​റി​യി​ച്ചു.