കു​വൈ​ത്തി​ലെ ഇ​ന്ത്യ​ൻ പൗ​ര​ന്മാ​ർ​ക്ക് റി​പ്പ​ബ്ലി​ക് ദി​​​നാശം​സ​ക​ൾ നേ​ർ​ന്ന് അം​ബാ​സ​ഡ​ർ

കു​വൈ​ത്ത്സി​റ്റി: ഇ​ന്ത്യ​യു​ടെ 75-ാമ​ത് റി​പ്പ​ബ്ലി​ക് ദി​ന​ത്തി​ൽ കു​വൈ​ത്തി​ലെ ഇ​ന്ത്യ​ൻ അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക കു​വൈ​ത്തി​ലെ ഇ​ന്ത്യ​ൻ പൗ​ര​ന്മാ​ർ​ക്കും ഇ​ന്ത്യ​ൻ വം​ശ​ജ​ർ​ക്കും ആ​ശം​സ​ക​ൾ നേ​രു​ന്നു. കു​വൈ​ത്തി​ലെ അ​ഭ്യു​ദ​യ​കാം​ക്ഷി​ക​ൾ​ക്കും സു​ഹൃ​ത്തു​ക്ക​ൾ​ക്കും അ​ഗാ​ധ​മാ​യ ന​ന്ദി അ​റി​യി​ക്കാ​നും ഈ ​അ​വ​സ​രം ഉ​പ​യോ​ഗി​ക്കു​ന്ന​താ​യി അം​ബാ​സ​ഡ​ർ വ്യ​ക്ത​മാ​ക്കി.

ഇ​ന്ത്യ​യും കു​വൈ​ത്തും ത​മ്മി​ലു​ള്ള ഉ​റ്റ​വും സൗ​ഹൃ​ദ​പ​ര​വു​മാ​യ ബ​ന്ധ​ത്തി​നു​ള്ള അ​ച​ഞ്ച​ല​മാ​യ പ്ര​തി​ബ​ദ്ധ​ത​ക്ക് കു​വൈ​ത്ത് നേ​തൃ​ത്വം, സ​ർ​ക്കാ​ർ, ജ​ന​ങ്ങ​ൾ എ​ന്നി​വ​ർ​ക്കും അം​ബാ​സ​ഡ​ർ ന​ന്ദി അ​റി​യി​ച്ചു.

കു​വൈ​ത്തു​മാ​യു​ള്ള ദീ​ർ​ഘ​മാ​യ പ​ങ്കാ​ളി​ത്തം കൂ​ടു​ത​ൽ ശ​ക്തി​പ്പെ​ടു​ത്തു​ന്ന​തി​നും വി​ക​സി​പ്പി​ക്കു​ന്ന​തി​നു​മു​ള്ള ഇ​ന്ത്യ​യു​ടെ പ്ര​തി​ബ​ദ്ധ​ത​യും അ​ദ്ദേ​ഹം ആ​വ​ർ​ത്തി​ച്ചു. ഈ ​വ​ർ​ഷം ഇ​ന്ത്യ​ൻ ഭ​ര​ണ​ഘ​ട​ന നി​ല​വി​ൽ വ​ന്ന​തി​ന്റെ 75-ാം വ​ർ​ഷ​മാ​ണ്.

ഇ​ന്ത്യ​ൻ ഭ​ര​ണ​ഘ​ട​ന ലോ​ക​ത്തി​ലെ ഏ​റ്റ​വും ദൈ​ർ​ഘ്യ​മേ​റി​യ ലി​ഖി​ത ഭ​ര​ണ​ഘ​ട​ന​യാ​ണ്. ഭ​ര​ണ​ഘ​ട​ന ഇ​ന്ത്യ​യെ ഒ​രു പ​ര​മാ​ധി​കാ​ര, സോ​ഷ്യ​ലി​സ്റ്റ്, മ​തേ​ത​ര, ജ​നാ​ധി​പ​ത്യ റി​പ്പ​ബ്ലി​ക്കാ​യി പ്ര​ഖ്യാ​പി​ക്കു​ക​യും പൗ​ര​ന്മാ​ർ​ക്ക് നീ​തി, സ​മ​ത്വം, ചി​ന്ത​യു​ടെ​യും പ്ര​വ​ർ​ത്ത​ന​ത്തി​ന്റെ​യും സ്വാ​ത​ന്ത്ര്യം എ​ന്നി​വ ഉ​റ​പ്പു​ന​ൽ​കു​ക​യും ചെ​യ്യു​ന്നു. ഈ ​ഭ​ര​ണ​ഘ​ട​നാ ഗാ​ര​ന്റി ഇ​ന്ത്യ​യി​ലും വി​ദേ​ശ​ത്തു​മു​ള്ള എ​ല്ലാ ഇ​ന്ത്യ​ൻ പൗ​ര​ന്മാ​ർ​ക്കും വി​ശ്വാ​സ​ത്തി​ന്റെ ഒ​രു അ​നു​ച്ഛേ​ദ​മാ​ണെ​ന്നും അം​ബാ​സ​ഡ​ർ റി​പ്പ​ബ്ലി​ക് ദി​ന സ​ന്ദേ​ശ​ത്തി​ൽ വ്യ​ക്ത​മാ​ക്കി.

ജ​നാ​ധി​പ​ത്യം, ബ​ഹു​സ്വ​ര​ത, നാ​നാ​ത്വ​ത്തി​ൽ ഏ​ക​ത്വം എ​ന്നി​വ​യാ​ണ് ഇ​ന്ത്യ​ൻ സ​മൂ​ഹ​ത്തി​ന്റെ പ​ര​മ്പ​രാ​ഗ​ത ധാ​ർ​മി​ക​ത. ’വ​സു​ധൈ​വ കു​ടും​ബ​കം’ (ലോ​കം ഒ​രു കു​ടും​ബ​മാ​ണ്) എ​ന്ന പു​രാ​ത​ന ത​ത്ത്വ​ചി​ന്ത​യി​ൽ ഇ​ന്ത്യ വി​ശ്വ​സി​ക്കു​ന്നു. ഈ ​വി​ശ്വാ​സം വി​ദേ​ശ ന​യ​ത്തെ​യും ന​യി​ക്കു​ന്ന​താ​യും അം​ബാ​സ​ഡ​ർ സൂ​ചി​പ്പി​ച്ചു.

ഉ​ഭ​യ​ക​ക്ഷി രം​ഗ​ത്ത് കു​വൈ​ത്തു​മാ​യു​ള്ള ബ​ഹു​മു​ഖ ഇ​ട​പെ​ട​ലി​ൽ സ്ഥി​ര​മാ​യ പു​രോ​ഗ​തി കൈ​വ​രി​ക്കു​ന്നു.​വ​രും നാ​ളു​ക​ളി​ൽ ഇ​ത് ശ​ക്തി​പ്പെ​ടു​ത്തും.

കു​വൈ​ത്തു​മാ​യു​ള്ള ഉ​ഭ​യ​ക​ക്ഷി ബ​ന്ധ​ത്തി​ന്റെ ജീ​വ​നു​ള്ള പാ​ല​മാ​യി കു​വൈ​ത്തി​ലെ ഊ​ർ​ജ​സ്വ​ല​രാ​യ ഇ​ന്ത്യ​ൻ സ​മൂ​ഹം തു​ട​രു​ന്നു. കു​വൈ​ത്തി​ലെ ഇ​ന്ത്യ​ൻ സ​മൂ​ഹ​ത്തി​ന്റെ ക്ഷേ​മ​ത്തി​നു എം​ബ​സി ഉ​യ​ർ​ന്ന മു​ൻ​ഗ​ണ​ന ന​ൽ​കു​ന്ന​താ​യും അം​ബാ​സ​ഡ​ർ വ്യ​ക്ത​മാ​ക്കി.