കുവൈത്ത് അമീർ ഞങ്ങളുടെ ഹൃദയങ്ങളിൽ

ദോഹ: കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അൽ സബാഹിന് ഓരോ ഖത്തരി പൗര​െൻറയും ഹൃദയത്തിൽ പ്രത്യേക സ്​ഥാനം ലഭിച്ചിട്ടുണ്ടെന്ന് ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിൻ അബ്​ദുറഹ്മാൻ ആൽഥാനി.

അമേരിക്കൻ പ്രസിഡൻറിെൻറ ദി ലീജിയൻ ഓഫ് മെറിറ്റ് ഡിഗ്രി ചീഫ് കമാൻഡർ പദവി നേടിയ കുവൈത്ത് അമീറിന് പ്രത്യേകം അഭിനന്ദനം നേരുന്നുവെന്നും ഈ അംഗീകാരത്തിൽ കുവൈത്തി, ഖത്തരി, ഗൾഫ് ജനതയെയും അഭിനന്ദിക്കുന്നുവെന്നും അദ്ദേഹം കൂടിച്ചേർത്തു. കുവൈത്ത് ടി.വിയുടെ വാട്ട്സ്​ നെക്സ്​റ്റ് എന്ന പരിപാടിയിൽ സംസാരിക്കുകയായിരുന്നു അദ്ദേഹം.

അറബ് നയതന്ത്രത്തിെൻറ ഏറ്റവും പ്രധാനപ്പെട്ട ഉപദേശകനും ഈ വഴിയിലെ നേതാവുമാണ് കുവൈത്ത് അമീർ. യു.എസ്​ പ്രസിഡൻറിെൻറ അംഗീകാരം അദ്ദേഹത്തിെൻറ പദവിയെ കൂടുതൽ ഉയർത്തി. ഈ ആദരവും ബഹുമതിയും അദ്ദേഹം ഏറെ അർഹിച്ചിരുന്നു.

2014ലെ ഹ്യൂമാനിറ്റേറിയൻ ആക്​ഷൻ ലീഡറായി തെരഞ്ഞെടുക്കപ്പെട്ട കുവൈത്ത് അമീർ നിരവധി നേട്ടങ്ങളാണ് ത​െൻറ വഴിയിൽ കരസ്​ഥമാക്കിയിട്ടുള്ളതെന്നും ഉപപ്രധാനമന്ത്രി ചൂണ്ടിക്കാട്ടി.

കുവൈത്തിെൻറ വിദേശനയം നിയന്ത്രിച്ച ശൈഖ് സബാഹ് യുക്തിപൂർവമുള്ള നയങ്ങളുടെ ആചാര്യനാണ്​. അദ്ദേഹം പിന്നീട് കുവൈത്ത് ഭരണാധികാരിയായി മാറുകയായിരുന്നു. ദൗർഭാഗ്യവശാൽ വിവേകത്തോടെയും യുക്തിയോടെയും കാര്യങ്ങളെ സമീപിക്കുന്നത് ഇക്കാലത്ത് വിരളമായിരിക്കുകയാണ്​. എന്നാൽ, യുക്തിയുടെയും വിവേകത്തിെൻറയും അടയാളമായി ശൈഖ് സബാഹും കുവൈത്തും മാറിയിട്ടുണ്ടെന്നും അദ്ദേഹം പറഞ്ഞു.

2017ൽ ഗൾഫ് പ്രതിസന്ധി ആരംഭിച്ചതിനുശേഷം മഞ്ഞുരുക്കത്തിനായി ഒരു രാജ്യത്തുനിന്ന് മറ്റൊരു രാജ്യത്തേക്ക് സഞ്ചരിക്കുകയായിരുന്നു കുവൈത്ത്​ അമീർ. ഗൾഫ് പ്രതിസന്ധിയുൾപ്പെടെ നിരവധി പ്രതിസന്ധികളിൽ കുവൈത്ത് സ്വീകരിച്ച നയനിലപാടുകളിൽ ഖത്തർ ഭരണകൂടത്തിെൻറയും ജനങ്ങളുടെയും പ്രശംസ അദ്ദേഹത്തിനുണ്ടെന്നും അഭിമുഖത്തിൽ ഖത്തർ വിദേശകാര്യമന്ത്രി വ്യക്തമാക്കി.