ലോ​ക​ത്തി​ലെ മി​ക​ച്ച 25ൽ: കു​വൈ​ത്ത് സ​മ്പ​ദ്‌​വ്യ​വ​സ്ഥ ഉ​യ​ര​ങ്ങ​ളി​ലേ​ക്ക്

കു​വൈ​ത്ത് സി​റ്റി: ലോ​ക​ത്ത് ഏ​റ്റ​വും ഉ​ണ​ർ​വു​ള്ള സ​മ്പ​ദ്‌​വ്യ​വ​സ്ഥ​ക​ളു​ടെ പ​ട്ടി​ക​യി​ൽ ഇ​ടം​പി​ടി​ച്ച് കു​വൈ​ത്ത്. ‘ഇ​ൻ​സൈ​ഡ​ർ മ​ങ്കി’ പു​റ​ത്തി​റ​ക്കി​യ റി​പ്പോ​ര്‍ട്ടി​ലാ​ണ് കു​വൈ​ത്ത് മി​ക​ച്ച സ്ഥാ​നം നേ​ടി​യ​ത്.

റി​പ്പോ​ർ​ട്ടു​പ്ര​കാ​രം ലോ​ക​ത്ത് അ​തി​വേ​ഗം വ​ള​രു​ന്ന സ​മ്പ​ദ്‍വ്യ​വ​സ്ഥ​ക​ളു​ള്ള രാ​ജ്യ​ങ്ങ​ളു​ടെ പ​ട്ടി​ക​യി​ല്‍ കു​വൈ​ത്ത് 21ാം സ്ഥാ​ന​ത്താ​ണ്. ഗ​യാ​ന, പ​നാ​മ, യു.​എ​സ് എ​ന്നീ രാ​ജ്യ​ങ്ങ​ളാ​ണ് ആ​ദ്യ മൂ​ന്നു സ്ഥാ​ന​ങ്ങ​ളി​ല്‍. മി​ക്ക ഗ​ൾ​ഫ് രാ​ജ്യ​ങ്ങ​ളും പ​ട്ടി​ക​യി​ൽ ഇ​ടം പി​ടി​ച്ചി​ട്ടു​ണ്ട്. കു​വൈ​ത്തി​ന്റെ സാ​മ്പ​ത്തി​ക​രം​ഗം തി​രി​ച്ചു​വ​ര​വി​ന്‍റെ പാ​ത​യി​ലാ​ണ്. സ്വ​കാ​ര്യ​മേ​ഖ​ല​യെ പ്രോ​ത്സാ​ഹി​പ്പി​ക്കു​ന്ന​തും വാ​ണി​ജ്യ, നി​ക്ഷേ​പ ത​ട​സ്സ​ങ്ങ​ൾ നീ​ങ്ങി​യ​തും രാ​ജ്യ​ത്തെ സാ​മ്പ​ത്തി​ക മേ​ഖ​ല​ക്ക് ഉ​ണ​ർ​വേ​കി​യി​ട്ടു​ണ്ട്. നി​ല​വി​ൽ കു​വൈ​ത്തി​ലെ മൊ​ത്തം ആ​ഭ്യ​ന്ത​ര ഉ​ൽ​പാ​ദ​ന​ത്തി​ന്റെ പ​കു​തി​യും സ​ർ​ക്കാ​ർ വ​രു​മാ​ന​ത്തി​ന്റെ 90 ശ​ത​മാ​ന​വും എ​ണ്ണ മേ​ഖ​ല​യി​ൽ​നി​ന്നാ​ണ്. എ​ണ്ണ​ശേ​ഖ​രം ത​ന്ത്ര​പ​ര​മാ​യി വി​നി​യോ​ഗി​ക്കു​ന്ന​താ​ണ് കു​വൈ​ത്തി​ന്റെ സാ​മ്പ​ത്തി​ക വ​ള​ർ​ച്ച​ക്ക് അ​ടി​സ്ഥാ​നം.

എ​ണ്ണ​വ​രു​മാ​ന​ത്തി​ന്റെ 10 ശ​ത​മാ​നം ഭാ​വി ത​ല​മു​റ​യു​ടെ ക​രു​ത​ൽ നി​ധി​യി​ലേ​ക്ക് വ​ക​യി​രു​ത്തി​യ​ശേ​ഷ​മാ​ണ് കു​വൈ​ത്ത് വ​രു​മാ​നം ക​ണ​ക്കാ​ക്കു​ന്ന​ത്.