അക്വാബൈക്ക്​ ചാമ്പ്യൻഷിപ്​: കുവൈത്ത്​ താരം ജേതാവ്​

കുവൈത്ത്​ സിറ്റി: അക്വാബൈക്ക്​ വേൾഡ്​ ചാമ്പ്യൻഷിപ്പിൽ ഗ്രാൻഡ്​ പ്രിക്​സ്​ വൺ മത്സരത്തിൽ കുവൈത്തി താരം യൂസുഫ്​ അബ്​ദുൽ റാസിഖ്​ ജേതാവായി. കുവൈത്ത്​ സീ സ്​പോർട്​സ്​ ക്ലബിലാണ്​ മത്സരം നടന്നത്​.

കഴിഞ്ഞ ഫെബ്രുവരിയിൽ നടന്ന ആദ്യ റൗണ്ട്​ മത്സരത്തിലും യൂസുഫ്​ അബ്​ദുൽ റാസിഖ്​ വിജയിച്ചിരുന്നു. കോവിഡ്​ പശ്ചാത്തലത്തിൽ അടുത്ത റൗണ്ട്​ മത്സരങ്ങൾ ഒഴിവാക്കി യൂസുഫ്​ അബ്​ദുൽ റാസിഖിനെ വിജയിയായി പ്രഖ്യാപിക്കുന്നതായി അക്വാബൈക്ക്​ പ്രമോഷൻ ജനറൽ മാനേജർ സാൻ ജെർമാനോ പറഞ്ഞു.