അറബ് യുവജനസംഗമം ജോർഡനിൽ ആരംഭിച്ചു
text_fieldsകുവൈത്ത് സിറ്റി: ‘യുവജനം, സാങ്കേതികവിദ്യ, കൃത്രിമ ബുദ്ധി’എന്ന പ്രമേയത്തിൽ 19ാമത് അറബ് യുവജനസംഗമം ജോർഡനിൽ ആരംഭിച്ചു. കുവൈത്ത് യുവജനകാര്യ മന്ത്രാലയത്തിന്റെ പങ്കാളിത്തത്തോടെയും അറബ് ലീഗിന്റെയും സഹകരണത്തോടെയാണ് സംഗമം.
അറബ് യുവതയുടെ സാങ്കേതികവിദ്യ, ആർട്ടിഫിഷ്യൽ ഇന്റലിജൻസ് മേഖലകളിലെ അനുഭവങ്ങൾ, അറിവുകൾ എന്നിവ കൈമാറുന്നതിനുള്ള ഒരു വേദി സംഗമം വാഗ്ദാനം ചെയ്യുന്നതായി ജോർഡൻ യുവ മന്ത്രി യസാൻ ഷ്ദേഫാത്ത് പറഞ്ഞു.
അറബ് യുവാക്കളെ മികച്ച ഭാവിക്കായി പ്രവർത്തിക്കാൻ പ്രാപ്തരാക്കുന്ന സംരംഭങ്ങളെ പ്രോത്സാഹിപ്പിക്കുന്നതിനുള്ള പ്രതിബദ്ധത അറബ് ലീഗ് പ്രതിനിധി ഫൈസൽ ഗസ്സാൻ വ്യക്തമാക്കി. ഫലസ്തീൻ യുവാക്കൾക്കുള്ള അറബ് ലീഗിന്റെ പിന്തുണയും ഉറപ്പിച്ചു.
12 അറബ് യുവജന പ്രതിനിധികൾ പങ്കെടുക്കുന്ന സംഗമത്തിൽ ആർട്ടിഫിഷ്യൽ ഇന്റലിജൻസ് വിഷയത്തിൽ സംവാദ സെഷനുകൾ, സാങ്കേതിക സ്ഥാപനങ്ങളിലെ സന്ദർശനം എന്നിവ ഉൾപ്പെടുത്തിയിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.