കടൽവഴി മയക്കുമരുന്ന് കടത്താൻ ശ്രമം

കുവൈത്ത് സിറ്റി: കടൽവഴി കുവൈത്തിലേക്ക് മയക്കുമരുന്ന് കടത്താൻ ശ്രമം. തീരസംരക്ഷണ സേനയുടെ പരിശോധനയിൽ കുവൈത്ത് സമുദ്ര പരിധിയിൽ 200 കിലോ ഹഷീഷാണ് ഉപേക്ഷിക്കപ്പെട്ട നിലയിൽ കണ്ടെത്തിയത്. ഉപേക്ഷിക്കപ്പെട്ട ആറ് ബാഗുകളിലായാണ് സാധനങ്ങൾ സൂക്ഷിച്ചിരുന്നത്.

കോസ്റ്റ്ഗാർഡ് പതിവ് പട്രോളിങ്ങിനിടെ തെക്കൻ കുവൈത്തിലെ വെള്ളത്തിൽ ഒരുവസ്തു പൊങ്ങിക്കിടക്കുന്നത് കണ്ടു. ബാഗുകൾ തുറന്നപ്പോഴാണ് മയക്കുമരുന്ന് കണ്ടെത്തിയത്. പ്രതികളെ കണ്ടെത്താൻ കഴിഞ്ഞിട്ടില്ല.